Lifestyle

Çfarë duhet të keni parasysh kur punësoni për pozitën e menaxherit?

Përvojën e arsimimin.

Published

3 years ago

August 4, 2022

UBT news

Menaxherët e kanë fuqinë për ta ndërtuar ose rrënuar kompaninë.

Gjersa liderët e mirë e shtyjnë ekipin drejt qëllimeve individuale dhe të kompanisë, menaxheri i keq më shumë ngjan në diktator prania e të cilit krijon heshtje dhe frikë. Prandaj, nëse po mendoni që ta punësoni një menaxherë nga jashtë është mirë t’i keni parasysh këta 7 faktor që Akademi Pune do t’i radhisë tani.

Përvoja

Punësimi në bazë të përvojës nuk do të thotë që domosdoshmërish ai kandidat duhet ta ketë pasur pozitën e menaxherit më parë. Mjafton të tregojë aftësi udhëheqëse, por edhe të ketë qenë udhëheqës në ndonjë projekt.

Pyesni se cili ka qenë suksesi më i madh në departamentin ku ka punuar dhe çfarë domethënie kishte për të! Pastaj jini të vëmendshëm gjatë përgjigjes së tij!

Arsimimi

Menaxheri ideal e ka të qartë se mund të shkojë më tutje për t’i rritur aftësitë e tij të udhëheqjes duke bërë kurse dhe për të fituar certifikata. Sigurisht që dëshironi ta punësoni dikë i cili është në gjendje të mësojë, të përforcojë e të rimesojë sa herë që është e nevojshme. Kjo sepse vendi i punës është dinamik dhe gjithnjë në ndryshim e sipër, prandaj është e rëndësishme që pjesë e kompanisë të bëhet dikush që është në gjendje gatishmërie ta zhvillojë veten.

Aftësi të shkëlqyeshme komunikimi

Aftësitë e mira të komunikimit janë të rëndësishme për të gjithë punonjësit e sidomos për dikë i cili do të zë vende udhëheqëse në punë. Menaxherët shërbejnë si urë lidhëse në mes të hierarkive në kompani e për ta bërë këtë sigurisht që duhet të jenë në gjendje të komunikojnë në mënyrë efektive.

Ata duhet të jenë në gjendje që edhe në rast krizash për kompaninë të jenë në gjendje që t’i ulin tensionet dhe shqetësimet ndër punonjës. E përveç kësaj edhe, t’i tensionet e konflikteve në mesin e anëtarëve të kompanisë.

Fleksibiliteti

Ndryshimet janë të vazhdueshme në çdo biznes si në ato të voglat ashtu edhe në ato të mëdhatë. Ndoshta projekti të cilin e keni menduar nuk po shkon në vijën e duhur, prandaj duhet ta ndryshoni drejtimin. Andaj, kur e merrni një menaxher në punë fleksibiliteti duhet të jetë njëra ndër cilësitë që i kërkoni nga ai. Menaxheri duhet t’i shmanget shablloneve e në vend të kësaj duhet të jenë në gjendje t’i marrë parasysh të gjitha llojet e situatave dhe të veproni sipas nevojës.

Marrja dhe dhënia e kritikave konstruktive

Askush nuk di gjithçka, madje as dikush në pozitë udhëheqëse. Menaxherët duhet të jenë persona të cilët nuk i marrin kritikat dhe sugjerimet si personale. Ata duhet të japin kritika, por kritika konstruktive dhe me tonin e duhur.

“Pakoja e aftësive”

Përveç aftësive të buta, a i posedon kandidati edhe aftësitë e forta për ta bërë punën? Këto dy grupe aftësish janë të rëndësishme për dikë i cili do të punojë me të tjerët dhe do ta bëjë baraspeshën me persona të cilët kanë aftësi të ndryshme. Duhet ta gjeni dikë i cili është në gjendje të punojë me secilën pozitë, edhe nëse ata nuk kanë përvojë pune në të gjithë sektorët!

Qëllimet profesionale dhe qëllimet e kompanisë

Ashtu si me çdo pozitë tjetër edhe kur përpiqeni ta punësoni një menaxher, duhet ta shikoni nëse qëllimet e tij profesionale përshtaten me ato të kompanisë. Ka mjaft punonjës që janë të dhënë vetëm pas titullit dhe pagës, në vend që ta kenë synim për ta shtyrë kompaninë përpara.

Lifestyle

6 veprime që duhet të ndalosh së bëri në mëngjes

Published

1 day ago

April 18, 2025

Albina Zeneli

Sikur të mos ishte mjaftueshëm i vështirë zgjimi në mëngjës, tani ka edhe gjëra që nuk duhet të bëjmë, kur zgjohemi.

Ndoshta pa e kuptuar, një prej këtyre veprimeve është arsyeja pse dita nuk shkon mirë e të mungon energjia. Duke ditur çfarë nuk duhet të bëni, ju përmirësoni mëngjesin tuaj dhe jeni të gatshëm për sukses çdo ditë.

Mos bëj dushe të gjata dhe të nxehta

Po, e dimë se është qetësuese të qëndrosh në dush e të lësh ujin e ngrohtë të rrjedhë, por pjesa më e madhe e ekspertëve sugjerojnë që dushet e ngrohta t’ia lëmë mbrëmjës. Një dush i nxehtë, edhe pse relaksues, zvogëlon rrahjet e zemrës dhe do të të bëjë më të predispozuar për të pushuar sesa për të qenë aktiv gjatë ditës. Është mirë të marrim sa më shumë energji në mëngjes dhe një dush me ujë më të ftohtë është një zgjidhje e mirë për ta bërë këtë.

Mos e fik alarmin e zgjimit

Jemi fajtorë kur vjen puna te alarmi i zgjimit, por a i di efektet anësore dhe se si një veprim, në dukje i vogël, mund të të pengojë gjatë gjithë ditës?

Fikja e alarmit rregullisht do të të bëjë të ndihesh më i/e lodhur dhe të flesh më keq gjatë natës. Gjumi i dobët ngatërron me qindra qeliza në trupin tënd, duke çuar në rritjen e tensionit dhe dobësimin e imunitetit.

Pra, nëse nuk fle mirë natën dhe ndihesh i/e lodhur në mëngjes, fajin mund ta ketë pikërisht ky veprim.

Mos kontrollo rrjetet sociale sapo hap sytë

Një lundrim në rrjet, në mëngjes, mund të shndërrohet në një apo dy orë si pa kuptuar, humb një pjesë të mirë të ditës.

Studimet tregojnë se duhet t’ia lësh këtë pjesë pushimit të drekës, apo orëve të para të mbrëmjes para se të flesh.

Shmang pirjen e kafesë, direkt pas zgjimit

Sipas studimeve, koha ideale për kafe është pas orës 9:30 në mëngjes ose gjysmë ore pasi të zgjohesh nga gjumi. Nëse pi kafeinë shumë shpejt, ngadalëson prodhimin natyral të hormonit të quajtur kortizol në trupin tënd, që ndihmon të zgjohesh në mënyrë organike.

Mos e shmang asnjëherë vaktin e mëngjesit

Mëngjesi është vakti më i rëndësishëm i ditës. Nëse nuk e konsumon rregullisht, efektet anësore përfshijnë: rrezik të shtuar nga sëmundjet e zemrës, presion më të lartë të gjakut, diabetin, mbipeshën, kolesterol të lartë etj.

Përpiqu të përgatisësh diçka të lehtë në mbrëmje, ose mendo se çfarë do të konsumosh, për të mos humbur kohë.

Rregullo gjithnjë shtratin

Një krevat i rregullt, do të të bëjë të ndihesh më i/e qetë kur të kthehesh përsëri në shtëpi. Për më tepër, do të kesh një shtrat të rregullt në mbrëmje. Ky veprim të kushton vetëm 3 minuta.

Lifestyle

Shprehitë që janë duke jua dëmtuar trurin

Published

2 days ago

April 17, 2025

Albina Zeneli

Ka disa shprehi në stilin tuaj të jetesës që e kërcënojnë shëndetin e trurit në mënyrë serioze.

Zakonisht janë shprehi të cilat ua mohojnë trurit nutrientët e rëndësishëm ose me shpejtësi i vrasin qelizat e trurit që t’ju bëjnë më të rrezikuar nga çrregullimet mendore si depresioni apo ankthi.

Shmangia e shujtës së mëngjesit

Kur duhet të nxitoni për në zyre, gjëja më e lehtë që e bëni është ta shmangni mëngjesin. Kjo ju jep kënaqësinë e arritjes në zyre më herët, por është diçka që ju kushton në shëndet më vonë. Veç kësaj, shmangia e shujtës së mëngjesit nuk ju ndihmon në zvogëlimin e peshës.

Flini vonë

Është e zakonshme që njerëzit të flenë vonë, e posaçërisht vikendeve. Por, kjo është e rrezikshme për shëndetin e trurit. Kur qëndroni zgjuar deri vonë, ju vuani nga shtimi i peshës, rënia e flokëve dhe problemet e ndryshme të lëkurës.

Konsumimi i ushqimeve me shumë sheqer

Këto ushqime e rrisin rrezikun e sëmundjes së alzheimerit dhe sëmundjeve të zemrës, ndikojnë në aftësitë tuaja për të mësuar dhe e rrisin depresionin.

Pirja e duhanit

Jo vetëm se pirja e duhanit është e dëmshme për mushkëritë, por është tejet e rrezikshme edhe për trurin. Kur pini duhan, ia rritni vetes shanset për të pësuar sulm në tru, për t’u sëmurë nga Alzheimeri, etj.

Lifestyle

Kujdesi për lëkurën, tre hapa të thjeshtë

Published

1 week ago

April 11, 2025

Albina Zeneli

Për kujdesin e përditshëm të lëkurës, mund ta kufizoni rutinën tuaj në tre hapa të thjeshtë:

Pastrimin e lëkurës, mbrojtjen e saj nga dielli dhe prirjen ndaj ndonjë problemi specifik që mund të keni, të tilla si lëkura e thatë, puçrrat, ose linjat e imëta dhe rrudhat.

Produktet për të tre hapat janë në dispozicion në barnatoret lokale dhe kanë kosto të ulët.

Pastroni lëkurën tuaj

Zgjidhni pastruesin bazuar në faktin nëse lëkura juaj është e thatë apo e yndyrshme. Nëse keni lëkurë të thatë, zgjidhni një agjent të butë pastrimi e shmangni produktet si tonerët, që përmbajnë alkool. Për lëkurë të yndyrshme, zgjidhni një sapun që largon vajin e pastroni më shpesh lëkurën gjatë ditës.

Mbroni lëkurën nga dielli

Zgjidhni krem me spektër të gjerë me SPF prej 30 ose më të lartë përdoreni çdo ditë. SPF-të më të larta janë të dobishme nëse planifikoni të kaloni kohë jashtë, nëse rrini brenda, SPF 30 është i mjaftueshëm. Nëse keni lëkurë të ndjeshme, zgjidhni një produkt për mbrojtje e krijuar për lëkurë të ndjeshme.

Trajtoni nevojat e veçanta të lëkurës

Për lëkurën e thatë, ka shumë hidratues efektivë dhe të lirë. Ekzistojnë produkte pa kosto të përballueshme që mund të zvogëlojnë linjat dhe rrudhat, njollat e zbehta kafe ose puçrrat. /UBT News/

Lifestyle

Fundjava erdhi, ja si ta kaloni pa stres dhe në mënyrë fantastike

Published

2 weeks ago

April 5, 2025

Albina Zeneli

Shumë njerëz jetojnë për fundjavën, se është koha kur mund të shijojnë ditën e pushimit. Edhe pse është e trishtë kur mendon se të gjithë janë të mbingarkuar me punë, nuk besoj se kjo gjë do të ndryshojë ndonjëherë.

Prandaj duhet të bëni maksimumin për të shijuar këto dy ditë pushim.

Sapo kalon e premtja, keni vetëm 48 orë deri sa mëngjesi i të hënës të vijë sërish. Ndoshta kjo është një mënyrë dramatike për ta parë situatën, por të gjithë e ndiejnë presionin e fundjavës. Është koha për të takuar miqtë, familjen, të dilni në takim, të gatuani e të kujdeseni për veten nëpërmjet disa ushtrimeve fizike. Ose dhe të rrini dhe të mos bëni asgjë, kjo është një mënyrë shumë e mirë për t’u relaksuar.

Këto janë disa këshilla se çfarë mund të bëni gjatë fundjavës:

Mos kontrolloni email-in tuaj, shmangiuni punës – Sapo keni një moment qetësie, merrni telefonin e filloni kontrolloni email-et tuaja. Është zakon i fiksuar gjatë javës, por në fundjavë duhet eliminuar. Lëreni mënjanë punën e fokusohuni në momentin e qetësisë.

Shmangiuni listës së gjërave që duhet të bëni – Një nga gjërat më të mërzitshme të të qenit i rritur është organizmi i ditës. Qoftë një ditë në shkollë apo në orar të plotë pune, e keni parasysh çfarë do ndodhë në çdo ditë të javës. Në fundjavë mund ta hidhni këtë listë. Nuk ka më punë, detyra për të bërë apo takime. Jini vetja juaj dhe rrini në pizhama për sa kohë doni.

Festoni të premten – Qëllimi kryesor i fundjavës është të bëni qejf, por edhe të shplodheni. Për t’i realizuar, dilni e festoni të premten në mbrëmje dhe gjatë fundjavës do të keni mundësi të merrni veten. Kështu, për të hënën do të jeni tërësisht të freskët.

Dilni nga shtëpia dhe shikoni çfarë ndodh – Nuk ka rëndësi nëse nuk keni asnjë plan apo takim të organizuar, mund të dilni të bëni diçka për të cilën nuk keni planifikuar asgjë. Kur jeni me pushime, cilat janë ditët më të mira? Janë ato që s’keni asnjë plan. Mjafton ta kaloni ditën duke lëvizur në qytet, duke parë se çfarë do t’ju ofrojë.

Kaloni një kohë të gjatë me miqtë tuaj – A ka ndonjë gjë më të adhurueshme se sa një grup shoqeror që ju ndihmon të relaksoheni por edhe të kaloni momente fantastike plot të qeshura dhe harmoni? Nuk ka, prandaj sapo të mbaroni ato që kishit për të bërë në shtëpi, dilni dhe takoni shoqet/shokët tuaj. Mjafton të dilni edhe për një kafe, pa pasur shumë harxhime. Do e shikoni që ja vlen.

Mos përhapni panik kur vjen mbrëmja e së dielës – Asnjë nuk e pëlqen të dielën sepse është e vështirë të mendosh se një javë tjetër e vështirë e me punë të pret. Por, pse ta harxhoni jetën duke menduar për të ardhmen? Mos e mendoni dhe shijoni kohën e lirë që keni. E shtuna dhe e diela janë ditët kur mund të jeni vetvetja, të pushoni dhe të bëni diçka të bukur. /UBT News/