Sport

Çeku: Procesi i licencimit të federatave drejt përfundimit

Ai ka njoftuar se shuma financiare për mbështetje të federatave do të shkojë deri në rreth 8 milionë euro.

Published

4 years ago

February 28, 2023

Betim Gashi

Ministri i Ministrisë për Kulturë, Rini dhe Sport, Hajrulla Çeku ka thënë se procesi i licencimit të federatave i cili ka nisur vitin e kaluar po shkon drejt përfundimit.

Çeku sot përmes një postimi në Facebook ka bërë të ditur se janë licencuar 19 federata të cilat tashmë kanë nënshkruar edhe marrëveshje për financim vjetor.

“Procesi i licencimit të federatave të sportit po shkon drejt përfundimit. Deri tani janë licencuar 19 federata, me të cilat sot nënshkruam marrëveshjet vjetore për mbështetje financiare”, ka shkruar Çeku.

Ai ka shtuar se shuma financiare për mbështetje të federatave do të shkojë deri në rreth 8 milionë euro.

Related Topics:Federata Hajrulla Çeku licencim

Up Next

Mbappe: Në Itali do të shkoja vetëm te Milani

Don't Miss

FBK shfuqizon vendimin për ndalimin e tifozëve në palestra

Vendi

Akil Gjakova mbyll garën pa medalje në Abu Dhabi

Published

1 hour ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

4 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/