Sport

​Brahimi kërkon dorëheqjen e Bordit të Federatës së Boksit, përgjigjet Krasniqi

Ai ka thënë se ndërhyrje të tilla nuk mund t’i pranojë në punën e tij nga ana e bordit të federatës.

Publikuar

10 muaj më parë

më

Kombëtarja e Kosovës në boks ka mbetur pa trajner pasi Besim Brahimi ka dhënë dorëheqje. Këtë vendim Brahimi thotë se e mori për shkak se ka pasur ndërhyrje direkte nga kryetari i Federatës së Boksit, Enver Krasniqi në përzgjedhjen e boksierëve për garat ndërkombëtare, por edhe për shkak të mos pagesës me pagë të rregull.

Ai ka thënë se ndërhyrje të tilla nuk mund t’i pranojë në punën e tij nga ana e bordit të federatës dhe se kjo ka sjellë deri në vendimin për dorëheqjen e tij.

“Presidenti i Federatës së Boksit të Kosovës më është përzier në shumë gjëra, edhe në përzgjedhje. Jam kapërdirë për hatër të boksit, por janë disa gjëra që edhe nuk mundesh më të kapërdihesh dhe pak edhe jam lodhur sepse të punosh për shtatë vite pa pagë, unë e kam bërë këtë. Ne edhe si familje kemi bërë shumë edhe për shtetin e Kosovës, mirëpo jam lodhur në këtë aspekt për shkak se nuk është e drejtë një selektor të punojë pa pagë…Mëditje vetëm kur shkon në ndonjë Kampionat Evropian apo Botëror”, tha Brahimi.

Tutje Brahimi ka thënë se kryetari i Federatës së Boksit Enver Krasniqi, ka caktuar edhe emrat e boksierëve që duhet të marrin pjesë në kampionate evropiane e botërore.

“Kishim për të shkuar në Kampionat Botëror NË Indi, që nuk na lejuan dhe u vendos që të shkojnë vetëm dy boksierë dhe vendosa që t’i dërgojë dy vëllezërit Bajoku, desha ta dërgojë edhe Patriot Behramin, këta tre sepse këta janë që kanë përvojë më të madhe, thanë jo vetëm dy, pastaj në dy ditët e fundit ma sollën një boksier tjetër që i mirë është edhe ai djalë, mirëpo nuk është më i mirë se Patriot Behrami, nuk ka eksperiencë dhe më thanë ;këtë duhet ta marrësh, bordi ka vendosur’. Thash bordi nuk mund të përzihet në punët e mia”, deklaroi Brahimi.

Por kryetari i Federatës së Boksit, Enver Krasniqi ka mohuar të ketë pasur ndërhyrje nga ana e tij në përzgjedhjen e boksierëve, derisa ka thënë se Brahimi dëshironte që vetëm boksierët e klubit të tij ta përfaqësonin Kosovën në arenën ndërkombëtare.

Ndërsa sa i përket pagës, Krasniqi ka thënë se bordi ka paraparë që trajnerët mund të paguhen ose të marrin mëditje vetëm nëse ka donatorë nga jashtë.

“Dëshira e tij, sa kemi vërejtur kohëve të fundit ka qenë që vetëm klubi i tij ta përfaqësojë Kosovën. Ne në bord kemi vendosur që selektori duhet të jetë selektor i të gjithë Kosovës, jo i vetëm një ekipi…Kemi ankesa prej boksierëve të klubeve të tjera që pyesin ‘pse ne jo’, kështu që duhet dhënë secilit nga një shans…Pagat me kontratë nuk kemi. Nëse kemi donatorë të jashtë, edhe në bord edhe në vendim e kemi që do t’iu japim paga apo mëditje. Derisa Ministria e Sportit mjetet që na i ndanë, i ndanë vetëm për gjërat që i parasheh ajo, ushtrime, udhëtime jashtë vendit të sportistëve dhe trajnerëve, kurse paga nuk lejon të jepen, prandaj ne nuk guxojmë t’i japim pagë atij”, theksoi Krasniqi.

Brahimi ka paralajmëruar se në drejtim të tij dhe të boksierëve ka ardhur një ofertë nga Maqedonia e Veriut dhe se mund të marrin vendim që të largohen nga Kosova për ta përfaqësuar këtë shtet.

“Nëse ky bord, ky president nuk e bëjnë një ndryshim, ose të sjellin të ardhura ose të japin dorëheqje nga kjo punë, unë mund t’i marr sportistët dhe të shkojë për Maqedoninë të boksojë sepse na kanë ofruar pagë shumë të mirë edhe sportistëve edhe mua”, theksoi Brahimi.

Sa i përket kësaj çështje, kryetari i Federatës së Boksit thotë se ky është një vendim i trajnerit dhe se mund të bëjë çfarë të dojë.

“Ai është vendim i tij dhe nëse mendon të shkojë, le të shkojë nuk është problem. Unë mendoj që në Kosovë ka të rinj që janë duke e ndjekur këtë rrugë të sportit dhe sporti as nuk ka filluar as atëherë në ish-Jugosllavi me Mehmet Bugujevcin dhe as nuk do të mbarojë me Besim Brahimin”, ka thënë Krasniqi.

Pas këtyre zhvillimeve, Krasniqi ka bërë të ditur se së shpejti Bordi i Federatës së Boksit do të mblidhet për të emëruar trajnerin e ri të Kosovës.

Etiketa
Vazhdo të lexosh

Sport

Euro 2024: Holanda e Austria publikojnë formacionet zyrtare

Publikuar

10 orë më parë

më

25 Qershor, 2024

nga

Sonte me fillim nga ora 18:00 do të zhvillohet ndeshja interesante e Euro 2024 mes Kombëtares së Holandës dhe asaj të Austrisë.

Stadiumi “Olympiastadion” në Berlin do të jetë nikoqir i kësaj përballje, e cila i takon Grupit D të Kampionatit Evropian Euro 2024.

Në ndeshjen e fundit të zhvilluar, Holanda barazoi 0:0 me Francën, kurse Austria e mposhti 3:1 Poloninë.

Momentalisht, Holanda kryeson Grupin D me katër pikë, krahas Austrisë që renditet e treta me tri pikë.

Sa i përket ndeshjes së sotme, formacionet zyrtare janë publikuar dhe ato i gjeni më poshtë.

Holanda (4-3-3): Verbruggen; Ake, Van Dijk, de Vrij, Geertruida; Veerman, Schouten, Reijnders; Gakpo, Depay, Malen

Austria (4-2-3-1): Pentz; Posch, Wober, Lienhart, Prass; Seiwald, Grillitsch; Wimmer, Sabitzer, Schmid; Arnautovic.

Vazhdo të lexosh

Sport

​“Futbolli është një proces që do kohë”, Nuhiu: Jam këtu për ta ngritur Gjilanin

Publikuar

10 orë më parë

më

25 Qershor, 2024

nga

Në prag të fillimit të sezonit të ri 2024/25 të Superligës së Kosovës, trajneri i Gjilanit, Ardian Nuhiu është paraqitur sot në një konferencë para mediave.

Nuhiu tha se puna dhe disiplina do të jenë shtyllat kryesore të këtij cikli të ri, ndërsa synohet ngritja e Gjilanit në nivelet më të larta.

“Projekti është shumë i qartë dhe mënyra e komunikimit së bashku me drejtuesit janë faktori kryesor dhe faktori bindës që unë jam këtu për të udhëhequr këtë projekt. Ne së bashku me stafin teknik kemi një plan të cilin synojmë ta implementojmë nga viti në vit, në mënyrë që kjo skuadër të ngritet në nivelet më të larta, së bashku me presidentin dhe drejtuesit të cilët do të punojnë maksimalisht në këtë drejtim”, tha Nuhiu.

Nuhiu foli për ofertën e Gjilanit për të, ndërsa ka edhe një mesazh për presidentin e klubit, futbollistët e tifozët.

“Oferta ishte shumë e pastër, shumë korrekte dhe shumë e menduar mirë nga drejtuesit, duke përcaktuar udhëheqësit e këtij projekti. Sa i përket pjesës së kaluarës time, unë gëzoj respekt gjithmonë për ish-drejtuesit, për tifozët dhe vetë klubin. Por, tani jam këtu, bashkërisht me stafin tim për të punuar për Gjilanin. President, drejtues, futbollist dhe tifoz duhet të bëhemi të gjithë një për të shkruar historinë”, tha Nuhiu.

Ish-trajneri i Dritës zbuloi objektivat që i ka me Gjilanin, duke thënë ndër të tjera që “futbolli është një proces që do kohë”.

“Ideja e vitit të parë është ndërtimi i skuadrës me një organizim të madh, do të kërkohen edhe objektiva, mirëpo jo me çdo kusht. Futbolli është një proces që don kohë, në përbërje do të kemi shumë ndryshime dhe ne nuk e kemi shkopin magjik për ta bërë atë menjëherë. Do mundohemi me stafin që t’i përcjellim idetë tona te futbollistët, në mënyrë që të ambientohen sa më shpejtë. Do mundohemi të ngrisim ekipin në të gjitha nivelet. Nuk do premtojmë që do të marrim këtë sukses, apo atë sukses, por do të punojmë për të arritur atë sukses, pasi që për këtë arsye jemi këtu”, tha Nuhiu.

Nuhiu tha se ambiciet e përbashkëta me drejtuesit e Gjilanit kanë qenë ndër faktorët kyç që ai ta marrë drejtimin e kuqebardhëve.

“Ambiciet na kanë bashkuar me drejtuesit. Duhet të jemi me këmbë në tokë, më shumë të punojmë se sa të flasim. Duhet të ja lëmë gjithçka kohës. Premtoj shumë punë dhe disiplinë, si nga ana ime, po ashtu edhe nga ana e stafit tim. Do të analizojmë çdo detaj më të vogël, në mënyrë që ekipi të ec në mënyrën më të drejtë. Besoj fuqishëm në punën tone dhe besoj që do të arrijmë sukseset nga puna jonë. Normalisht që fokusin do ta kemi edhe nga futbollistët e rinj. Do të shikojmë se çfarë mund të afrojmë nga ekipi i 21 vjeçarëve, por do t’i ndjekim ndeshjet edhe të moshave të tjera”, tha Nuhiu.

Vazhdo të lexosh

Sport

Arsenali kryeson garën për transferimin e 21-vjeçarit

Publikuar

10 orë më parë

më

25 Qershor, 2024

nga

Arsenali po udhëheq rrugën për të transferuar yllin e PSV-së Johan Bakayoko këtë verë, sipas spekulimeve në Belgjikë.

Bakayoko shënoi 14 gola dhe 14 asistime në 48 ndeshje sezonin e kaluar, ndërsa PSV vazhdoi të fitonte titullin holandez dhe që atëherë ka tërhequr interes nga Liverpooli dhe Bayern Munichu.

Një marrëveshje është duke lëvizur në drejtimin e duhur me trajnerin e “Topçinjve”, Mikel Arteta, i etur për të sjellë një sulmues që mund të përshtatet pa probleme në sistemin e tij.

Raportet tregojnë se PSV do të kërkojë 45 milionë euro për të sanksionuar transferimin e Bakayoko këtë verë. Aktualisht ai është me kombëtaren e Belgjikës dhe çdo marrëveshje e mundshme pritet të ndodhë pas Euro 2024.

Ndërkohë, një numër i lojtarëve të Arsenalit e kanë nisur herët sezonin e tyre para-sezonal. Reiss Nelson, Emile Smith Rowe, Jurrien Timber, Eddie Nketiah dhe Martin Odegaard do t’i bashkohen Artetës në një kamp stërvitor në Spanjë me drejtorin sportiv Edu Gaspar që pritet gjithashtu të mbërrijë në ditët në vijim.

Arsenali ka miqësore para-sezonale kundër Manchester United dhe Liverpool në Shtetet e Bashkuara muajin e ardhshëm, para ndeshjeve me Bayer Leverkusen dhe Lyon në Londër.

Vazhdo të lexosh

Sport

Kontratë e re për Ten Hag te Manchester United

Publikuar

10 orë më parë

më

25 Qershor, 2024

nga

Erik ten Hag pritet të nënshkruajë një kontratë të re te Manchester United, pasi që marrëveshja tanimë është arritur mes dy palëve.

Kontaktet mes dy palëve kanë avancuar në fazën finale këtë javë me agjentët e Ten Hag për ta finalizuar marrëveshjen.

Do të ketë ndryshime në stafin e United, me Ruud van Nistelrooy si kandidatin më serioz për t’iu bashkuar “Djajve të Kuq” si ndihmës-trajner.

Vazhdo të lexosh

Të kërkuara