Lajmet

​Brahim Mehmetaj dëshmitari i parë i mbrojtjes së Mustafës

Brahim Mehmetaj është dëshmitari i parë i mbrojtjes së Salih Mustafës.

Published

on

Në Dhomat e Specializuara të Kosovës në Hagë ka filluar të dëgjohet dëshmia e Brahim Mehmetaj, i cili është dëshmitari i parë i mbrojtjes së Salih Mustafa.

Mehmetaj ka treguar se ishte pjesë e Lidhjes Demokratike të Kosovës që prej themelimit të saj dhe ka bërë të ditur se gjatë luftës ishte pjesë e gueriles BIA në të cilën ka shërbyer si zëvendëskomandant.

Para trupit gjykues, Mehmetaj fillimisht ka treguar se bë fund të viteve ’88 i është bashkuar organizimit ilegal Lëvizja Për Republikën e Kosovës, pas ndarjes së të cilës ka thënë se është bërë pjesë e Lëvizjes Kombëtare për Çlirimin e Kosovës.

“LDK-së i jam bashkuar që në themelim, në vitin 1989-90. Pothuajse në të gjitha strukturat e funksionimit të LDK-së, kam qenë kryetar i degës së rinisë së LDK-së për Prishtinë, pastaj anëtar kryesie në nivele të degës e kështu me radhë, deri të anëtar i Këshillit të Përgjithshëm të LDK-së”, ka thënë ai.

Pas kësaj ai ka treguar për rolin e tij në njësinë BIA.

“Guerila BIA zyrtarisht është formuar më 20 maj 1998 ndërsa funksionimin dhe punën e kemi bërë që nga dalja e Salih Mustafës, komandantit Calit nga burgu, diku nëse nuk gaboj gusht ose aty diku, kur është liruar nga burgu e kam takuar dhe menjëherë jemi marrë vesh të fillojmë me bë organizimin e strukturave për UÇK, njësiteve të UÇK-së. Qëllimi i gueriles BIA ose qëllimi i ushtarëve të UÇK-së ka qenë liria, lufta e armikut, lufta ndaj armikut me qëllim arritjen e lirisë, çlirimin e vendit, ky ka qenë qëllimi kryesor”, ka thënë dëshmitari i mbrojtjes.

Ai ka theksuar se BIA nuk ka pasur përgjegjësi territoriale për të kontrolluar ndonjë zonë të caktuar por sipas tij kanë vepruar në qytetin e Prishtinës dhe në pjesët rurale përreth.

Ai ka shtuar se në raste nevoje BIA ka dhënë kontributin e saj edhe në Obiliq dhe Fushë Kosovë.

“Të gjithë aktivitetin e kemi bërë në shtëpitë tona, për shembull një prej vendqëndrimit ku kemi qenë është shtëpia ime, ka qenë edhe shtëpia e Calit dhe disa njerëzve të tjerë të besueshëm, aty jemi takuar, aty kemi biseduar, varësisht prej punëve që i kemi pasur, por kryesisht i kemi përdorur shtëpitë tona në fillim të organizmit. Pastaj kemi përdorur edhe shtëpi të tjera, vendqëndrime që ne i kemi vlerësuar që kanë qenë pak më të sigurta me qëndru në to, shtëpi të njerëzve me të cilët jemi dakorduar me ta, i kemi marrë në shfrytëzim dhe i kemi përdorur”, ka thënë Mehmetaj.

Ai ka shtuar se nuk ka pasur asnjë arsye tjetër për shfrytëzimin e shtëpive, përveç për zhvillimin e takimeve dhe strehimin e pjesëtarëve të BIA-s.

“Kam pasur rol që nga themelimi, që nga marrëveshja me Calin, kam qenë zëvendëskomandant i Calit apo ndihmës i tij, deri në një periudhë të caktuar kur e kam ndërruar detyrën. Në emërimin zyrtar të BIA-s, që ka ndodhur më 20 maj 1998 është formuar shtabi i gueriles BIA, brenda të cilit kanë u themeluan katër sektorë për funksionim brena BIA-s. Ata sektorë ishin sektori i shëndetësisë, sektori i logjistikës, sektori i informacionit dhe sektori për moral e politikë. Realisht misioni i BIA-s përmbyllej me këta sektorë që i thash, pastaj përveç lufta që ishte ndaj armikut si qëllim kryesor i joni”, ka thënë ai.

Ai ka thënë se qendrat shëndetësore i kanë krijuar për të trajtuar të plagosurit apo t’u dhënë shërbime popullit meqë forcat serbe i pengonin shqiptarët që të marrin trajtime mjekësore.

Mehmetaj shtoi se qendrat shëndetësore kanë qenë në kuadër të BIA-s dhe kanë funksionuar deri më 24 mars të vitit 1999. Ndërsa si përgjegjëse për shëndetësi, ai ka thënë se ka qenë Flora Brovina, e cila ka pasur staf shëndetësor.

Tutje Mehmetaj ka thënë se nuk ka pasur stërvitje ushtarake të realizuara nga BIA.

Ai ka thënë se ata kanë qenë pjesërisht të armatosur, varësisht nga nevojat dhe lokacionet ku kanë qëndruar.

“Organizimi i BIA-s por edhe gjithë organizimi i UÇK-së e ka pasur një emër, ushtarë lirie, të gjithë kanë qenë ushtar, disa për shkak të specifikave kanë pasur armë, disa nuk kanë pasur armë, por te gjithë kanë qenë ushtar lirie të angazhuar për çlirimin e vendit nga një okupator shumë i keq. Organizimi i UÇK-së i cili quhej BIA ka qenë organizim i UÇK-së i përbërë në këtë natyrë, në këtë formë që po them unë”, ka shtuar Mehmetaj.

Dëshmitari i mbrojtjes ka thënë se kur kanë filluar bombardimet më 24 mars 1999 ai ka qenë në Prishtinë.

“Kur kanë filluar bombardimet më 24 mars kam qenë në Prishtinë, në lagjen time, realisht ka qenë emocion i përzier sepse qytetarët e kanë përjetuar shumë mirë fillimin e bombardimeve por njëkohësisht ka mbretëruar frikë e madhe se çfarë do të ndodhë. Në këtë kohë më kujtohet mirë në Prishtinë me disa anëtar të njësitit që kemi pasur aty afër jemi kujdes që me i qëndru pranë popullatës në rast se fillon ndonjë masakër ose dhunë, që ka qenë e mundshme me ndodhë prej serbëve atëherë, ne me i dalë ballë asaj pune dhe kemi qëndruar në lagje diku deri më datën me sa më kujtohet besoj deri më 31 mars kur ka filluar me hyrë forcat serbe, por jo me bë ndonjë masakër, por kanë filluar vetëm me i largu njerëzit prej shtëpive, me i zhvendos. Ne atëherë kemi ecur në drejtim me popullatën në drejtim të fshatit Matiqan dhe kemi vazhduar e kemi çuar popullatën në Butovc, disa kanë shkuar edhe në një fshat tjetër aty, Mramor”, ka thënë ai.

Pasi kanë shkuar në Butovc, Mehmetaj ka thënë se ai është kthyer në shtëpinë e tij në Prishtinë për të marrë një ‘hard disc’ të cilin ka thënë se e kishte lënë në kompjuterin e tij ku sipas tij punonin me pjesëtarë të tjerë të BIA-s.

Pas kësaj, Mehmetaj ka thënë se është kthyer në Butovc ku ka thënë se ka qëndruar deri në përfundim të luftës, por ka shtuar që ka lëvizur herë pas here.

“Në Butovc kam qëndruar deri në përfundimin e luftës, ose kur kanë hyrë trupat e NATO-s në Kosovë që është më 12 qershor 1999, por jo qëndrim të përhershëm, kam lëvizur kohë pas kohe, por në Butovc ka qenë vendqëndrimi im kryesor. Në momentin kur jam kthyer në Butovc prej Prishtinës besoj që ka qenë fillimi ose dy tre ditë e para të muajit prill dhe kam shkuar të vendi ku e kemi pasur ne të organizuar qëndrimin tonë me ushtarët të BIA-s, aty kam takuar ushtarë e njerëz që kanë qenë aty prezent, kam biseduar për idenë e tërheqjes së materialit nga Prishtina por kemi biseduar më gjerë me Calin edhe për punë të tjera që i takojnë asaj kohe”, ka thënë ai.

Ai ka thënë se komandant Cali i ka kërkuar atij që të mbajë moralin të ushtarët në atë periudhë që sipas tij ka qenë e rëndë për shkak se shumë qytetarë ishin deportuar nga shtëpitë e tyre dhe ushtarët nuk dinin vendndodhjen e familjarëve të tyre.

“Edhe Cali ka qenë në Butovc, bile e di saktë nja dy netë i kemi bërë bashkë aty. Nuk më kujtohet me numër por e kam parë shpesh gjatë këtyre ditëve. Nuk më kujtohet me numër me thënë kaq herë”, ka thënë Mehmetaj kur është pyetur sa shpesh e ka takuar Salih Mustafën në këtë periudhë.

Brahim Mehmetaj është dëshmitari i parë i mbrojtjes së Salih Mustafës.

Aktakuza ndaj Salih Mustafës, i cili është i arrestuari i parë nga Specialja, është konfirmuar më 12 qershor të vitit 2020 ndërsa ai u arrestua më 24 shtator të vitit të kaluar, me pretendimin për krime lufte.

Ai po qëndron në qendrën e paraburgimit në Hagë ndërsa në deklarimin e tij para trupit gjykues, Salih Mustafa është deklaruar i pafajshëm.

Aktualitet

Kirurgu vaskular Krasniqi rekomandon personat pas moshës 55 vjeçare: Bëni një ultrazë për arteriet, mund t’ju shpëtojnë jetën

Published

on

Kirurgu vaskular, Halil Krasniqi ka dhënë një këshillë të rëndësishme për të gjithë personat mbi moshën 55-vjeçare gjatë podcastit “Shëndeti në rend të parë”, i cili mbështetet nga United Hospital.

Sipas tij, kontrolli i arterieve përmes ultrazërit është jetik në këtë grupmoshë, pasi mund të zbulojë në kohë ndryshime të rrezikshme që nëse nuk trajtohen mund të çojnë në pasoja fatale.

“Është e rëndësishme që mbi moshën 55-vjeçare të bëhet një ultrazë. Me ultrazë nuk shkaktohet dhimbje, janë vetëm 5 minuta kohë që mund të shohësh nëse është apo jo e zgjeruar (arteria). Pastaj vijnë ekzaminimet tjera”, Krasniqi.

Ai shtoi se përmes këtij ekzaminimi, mjekët mund të identifikojnë herët proceset patologjike dhe të vendosin për trajtimin e duhur.

“Pacienti duhet të shikohet me ultrazë që nga koka, sepse truri, koka dhe zemra janë më të rëndësishmet. Bëhet një ultrazë nga lart deri poshtë dhe bëjmë një ultrazë të qafës. Në qafë shihet arteria e cila furnizon trurin me gjak, këtu shihen edhe gjëndrat tiroide, limfatike, ndryshimet tjera morfologjike”, ka thënë Krasniqi.

Ushqimi i pashëndetshëm dhe ndikimi në shëndetin vaskular, kirurgu Halil Krasniqi tregon se çfarë duhet të dimë?

Sipas studimeve të fundit siç tha Krasniqi kontrolli me ultrazë e ul me mbi 50 për qind vdekshmërinë tek kjo kategori e popullatës.

Në rastet kur zbulohet zgjerim i arterieve mbi 5 cm, trajtimi mund të bëhet me procedurë minimale invazive – pa ndërhyrje kirurgjikale klasike.

“Nëse kalon mbi 5 cm, fillon trajtimi me stentim, pa operacion. Bëhen vetëm dy shpuarje në ije dhe vendoset stenti – dhe njeriu mbijeton”, shpjegoi kirurgu vaskular, Halil Krasniqi.

Për më shumë shikoni të plotë podcastin “Shëndeti në rend të parë”:

Continue Reading

Aktualitet

Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën

Published

on

UBT vazhdon të shënojë suksese në arenën ndërkombëtare të arsimit dhe inovacionit, duke hyrë edhe këtë vit në finalen e Triple E Awards me dy nominime të reja prestigjioze:

“University Leader of the Year – Global Award”

Rektori i UBT-së, Prof. Dr. Edmond Hajrizi, është nominuar si një nga liderët universitarë më me ndikim në botë, falë vizionit dhe punës së tij për të shndërruar UBT-në në qendër të inovacionit, sipërmarrjes dhe zhvillimit shoqëror.

“Engaged University of the Year”

UBT është vlerësuar si një universitet i angazhuar, që lidh ngushtë akademinë me komunitetin, duke krijuar mundësi për studentët, sipërmarrësit e rinj dhe projekte me ndikim të drejtpërdrejtë shoqëror.

Ky vlerësim është një dëshmi se Kosova po bëhet pjesë e hartës globale të arsimit cilësor dhe inovativ.

Vota juaj është vendimtare! Për të votuar për UBT-në duhet të klikoni në këtë link: LINKU PËR VOTIM, duke e dhënë fillimisht e-mail adresën tuaj.

Procesi i votimit është si në vijim: Klikoni në link, shkoni tek pjesa – |Have a say and vote for this entry to win the People’s Choice Award!|, shënoni emailin tuaj personal në hapësirën e votimit, klikoni VOTE, pastaj në email ju vjen një konfirmim së bashku me linkun që ju duhet të klikoni për të verifikuar votën tuaj.

Tutje, për të dhënë votën tuaj edhe në platformat sociale, ju lusim të ndiqni procedurat e më poshtme:

Për Facebook, mund të bëni një postim me këtë përmbajtje: 

I vote for UBT’s nomination for the “Engaged University of the Year” award by Triple E Awards 2025.

https://2025.triple-e-awards.com/finalist/id/1136

#ACEEUAWARDS2025

#2025Entry1136

ose të bëni share postimin e UBT-së: POSTIMI NË FACEBOOK

Për Platformën LinkedIn mund të bëni një postim me këtë përmbajtje:  

I vote for UBT’s nomination for the “Engaged University of the Year” award by Triple E Awards 2025.

https://2025.triple-e-awards.com/finalist/id/1136

@ACEEU

#ACEEU_Awards

#2025Entry1136

ose të bëni repost postimin e UBT-së: POSTIMI NË LINKEDIN

Për Platformën Instagram mund të bëni një postim me këtë përmbajtje:  

I vote for UBT’s nomination for the “Engaged University of the Year” award by Triple E Awards 2025.

https://2025.triple-e-awards.com/finalist/id/1136

@aceeu_live

#ACEEU_Awards

#2025Entry1136

Për Platformën TikTok mund të bëni një postim me këtë përmbajtje:  

https://2025.triple-e-awards.com/finalist/id/1136

#ACEEU_Awards

#2025Entry1136

Për të votuar për Rektorin e UBT-së, Prof. Dr. Edmond Hajrizi në këto dy kategori, klikoni në linkun përkatës, vendosni e-mail-in tuaj dhe konfirmoni votën: LINKU PËR VOTIM 

Procesi i votimit është si në vijim: Klikoni në link, shkoni tek pjesa – |Have a say and vote for this entry to win the People’s Choice Award!|, shënoni emailin tuaj personal në hapësirën e votimit, klikoni VOTE, pastaj në email ju vjen një konfirmim së bashku me linkun që ju duhet të klikoni për të verifikuar votën tuaj.

Tutje, për të dhënë votën tuaj edhe në platformat sociale, ju lusim të ndiqni procedurat e më poshtme:

Për Facebook, mund të bëni një postim me këtë përmbajtje: 

I vote for Prof. Edmond Hajrizi’s nomination for the “University Leader of the Year” award by Triple E Awards 2025.

https://2025.triple-e-awards.com/finalist/id/1146

#ACEEUAWARDS2025

#2025Entry1146

ose të bëni share postimin e UBT-së: POSTIMI NË FACEBOOK

Për Platformën LinkedIn mund të bëni një postim me këtë përmbajtje:  

https://2025.triple-e-awards.com/finalist/id/1146

@ACEEU

#ACEEU_Awards

#2025Entry1146

ose të bëni repost postimin e UBT-së: POSTIMI NË LINKEDIN

Për Platformën Instagram mund të bëni një postim me këtë përmbajtje:  

https://2025.triple-e-awards.com/finalist/id/1146

@aceeu_live

#ACEEU_Awards

#2025Entry1146

Për Platformën TikTok  mund të bëni një postim me këtë përmbajtje:

https://2025.triple-e-awards.com/finalist/id/1146

#ACEEU_Awards

#2025Entry1146

Continue Reading

Lajmet

Irlanda e Veriut triumfon ndaj Maltës në kualifikuese të Botërorit 2026

Published

on

Një fitore miqësore 3-0 ndaj Maltës erdhi nga Irlanda e Veriut në kualifikuese të Kupës së Botës 2026, ku Jordan Jones, Gavin Whyte dhe Ali McCann shënuan në Austri.

Pjesa më e madhe e ndeshjes u zhvillua në një mënyrë tipike miqësore të fundsezonit dhe nuk pati lojtarë që të spikasnin gjatë gjithë 90 minutave.

Dallasi arriti një fitore si kapiten i Irlandës së Veriut në mungesë të Steven Davis dhe kjo është një përvojë jetësore për lojtarin në formë të mirë të Leeds.

Jones shfrytëzoi mbrojtjen e dobët për të shënuar një gol të hershëm përpara se Josh Magennis të shihte penalltinë e tij të pritej nga portieri i Maltës, Henry Bonello, në një pjesë të parë kryesisht të çrregullt.

Irlanda e Veriut u përmirësua në pjesën e dytë me dy gola në tre minuta.

Fitorja në 90 minuta më në fund erdhi për trajnerin e Irlandës së Veriut, por ishte e pakëndshme ta shikoje në pjesën e parë pavarësisht golit të hershëm.

Pasimi i gabuar i Ferdinando Apap i dha mundësinë Jones dhe anësori i Rangers e shfrytëzoi me një gjuajtje të ulët që e rrëzoi Bonellon përpara se të fluturonte drejt portës.

Bonello u ul për të pritur penalltinë e Magennis në minutën e 21-të – e akorduar për faullin e Kurt Shaw ndaj Whyte – dhe humbja e penalltisë përmblodhi një fillim të vështirë prej 45 minutash nga Irlanda e Veriut.

Malta hyri në ndeshje 127 vende poshtë kundërshtarëve të saj në renditjen botërore, por ata e kaluan pjesën e parë me Joseph Mbong dhe Luke Montebello që u afruan shumë.

Irlanda e Veriut kishte më shumë shpejtësi dhe vendosmëri në rifillimin e ndeshjes dhe Whyte shënoi me shpejtësi nga një pasim i Stuart Dallas për ta bërë rezultatin 2-0 pas 53 minutash.

Pastaj u pasua shpejt nga numri tre, pasi McCann u kap nga Paddy McNair dhe ai dha një gjuajtje të shkathët përtej Bonellos për ta çuar ndeshjen përtej një skuadre të Maltës që po shkatërrohej./S.K/BBC/

Continue Reading

Lajmet

​Sulm në parkingun e kopshtit në Vushtrri dhe arsenal armësh në shtëpi, një muaj paraburgim për dy persona

Published

on

By

Prokuroria Themelore në Mitrovicë ka paraqitur kërkesë për caktimin e masës së paraburgimit në Gjykatën Themelore në Mitrovicë – Dega në Vushtrri, ndaj të dyshuarve K.M. dhe K.M., për shkak të dyshimit të bazuar se kanë kryer disa vepra penale.

Të dyshuarit ngarkohen me veprat penale: “Mbajtja në pronësi, kontroll ose posedim të paautorizuar të armëve”, si dhe “Përdorimi i armës apo mjetit të rrezikshëm”, ndërsa njëri prej tyre, K.M., dyshohet gjithashtu për veprën penale “Lëndimi i rëndë trupor”.

Sipas Prokurorisë, ngjarja ka ndodhur më 20 maj 2025, rreth orës 08:55, në parkingun e një kopshti fëmijësh në Vushtrri, ku i dyshuari K.M., së bashku me persona të tjerë, e kanë sulmuar fizikisht të dëmtuarin L.O., në momentin që ai po zbriste nga automjeti për të shoqëruar vajzën në kopsht.

Sipa sprokurorisë, sulmi është kryer me një shufër metalike, duke i shkaktuar viktimës lëndime të rënda në kokë, këmbë dhe pjesë të tjera të trupit.

Pas sulmit, të dyshuarit janë larguar nga vendi i ngjarjes me motoçikleta.

Gjatë bastisjes së shtëpisë së të dyshuarve në fshatin Ropicë të Vushtrrisë, janë sekuestruar elektroshokë, sprej, telefona mobil, si dhe një sasi e konsiderueshme armësh dhe municioni, përfshirë armë të gjata dhe të shkurtra, snajperë, pistoleta me silenciatorë. Në telefonat e të dyshuarve janë gjetur video dhe fotografi ku ata shihen duke përdorur armë, përfshirë edhe një imazh ku njëri prej tyre shihet duke shënjestruar një automjet të policisë me revole.

Gjykata Themelore në Mitrovicë – Dega në Vushtrri ka aprovuar kërkesën e Prokurorisë dhe ka caktuar masën e paraburgimit prej një muaji ndaj të dyshuarve K.M. dhe K.M./D.B/KP

Continue Reading

Të kërkuara