Lajmet

​Blinken hedh poshtë akuzat ruse se Ukraina po përgatitet të përdorë “bomba ndotëse”

“Bombat ndotëse” janë armë që besohet se kanë material radiologjik si dhe eksplozivë konvencionalë.

Published

on

Sektari amerikan i Shtetit, Antony Blinken, është tallur me “pretendimet e rreme” të Rusisë se Ukraina po përgatitet që të përdorë “bomba ndotëse” në territorin e saj, teksa përsëriti mbështetjen e Uashingtonit për Kievin, në luftën e tij kundër forcave pushtuese ruse.

“Bombat ndotëse” apo pajisje me përmbajtje radiologjike janë armë që besohet se kanë material radiologjik si dhe eksplozivë konvencionalë.

“Shtetet e Bashkuara hedhin poshtë akuzat transparente të rreme të ministrit rus të Mbrojtjes, [Sergei] Shoigu, se Ukraina po përgatitet të përdorë ‘bomba ndotëse’ në territorin e saj dhe se bota duhet të shohë përtej çdo përpjekjeje të Rusisë që të përdorë këtë pretendim si pretekst për të përshkallëzuar [luftën]”, i tha Blinken homologut të tij ukrainas, Dmytro Kuleba, gjatë një bisede telefonike, shkruan REL.

Blinken iu referua deklaratave të fundit të Sergei Shoigut se Rusia “ka shqetësime lidhur me provokimet e mundshme nga Ukraina me përdorimin e ‘bombave ndotëse’”.

Shoigu i bëri këto komente gjatë një bisede telefonike me ministrin e Mbrojtjes së Turqisë, Hulusi Akar, sekretarin britanik të Mbrojtjes, Ben Wallace, dhe ministrin e Mbrojtjes së Francës, Sebastien Lecornu. Ministri rus nuk dha dëshmi për të mbështetur këtë pretendim të tij.

“Bombat ndotëse” kur shpërthejnë shpërndajnë material radioaktiv në zonën ku hidhen. Ato kanë një sërë materiesh shpërthyese, sikurse dinamit, me pluhur radioaktiv apo fishekë.

Blinken dhe Kuleba u tha se diskutuan për përkushtimin e SHBA-së dhe të komunitetit ndërkombëtar për vazhdimin e mbështetjes së Ukrainës “përmes një ndihme të paprecedent në fushën e sigurisë, ekonomisë dhe të ndihmës humanitare, për aq kohë sa të jetë e nevojshme”.

Në njoftim u tha se Rusia do të mbahet përgjegjëse për luftën që nisi kundër Ukrainës më 24 shkurt.

Vendi

UBT bëhet pjesë aktive e KOSIX, duke avancuar infrastrukturën e rrjetit dhe ndërlidhjen në nivel vendor

Published

on

By

UBT ka shënuar një tjetër arritje të rëndësishme në zhvillimin e infrastrukturës së tij digjitale, duke u bërë pjesë aktive e KOSIX (Kosovo Internet Exchange), platforma kryesore për shkëmbimin e trafikut të internetit në Kosovë.

Pas një bashkëpunimi të ngushtë me ARKEP, konfigurimet e peering-ut me KOSIX janë përfunduar me sukses dhe tashmë janë plotësisht funksionale. Trafiku përmes KOSIX ka filluar të kalojë në mënyrë aktive, ndërsa shkëmbimi i rrugëve (BGP routes) me operatorët e tjerë vendorë po funksionon normalisht.

Ky implementim përfaqëson një hap të rëndësishëm për UBT, duke sjellë përfitime konkrete në performancën e rrjetit. Përmes këtij integrimi, pritet përmirësim i ndjeshëm i trafikut lokal, ulje e latencës dhe optimizim i përdorimit të burimeve të rrjetit, duke garantuar një përvojë më të shpejtë dhe më të qëndrueshme për përdoruesit.

Përfshirja në KOSIX forcon më tej pozitën e UBT-së si institucioni lider në zhvillimin e teknologjisë dhe inovacionit në vend, duke kontribuar në ndërtimin e një infrastrukture moderne dhe të qëndrueshme të komunikimit digjital në Kosovë.

UBT mbetet i përkushtuar në avancimin e vazhdueshëm të kapaciteteve të tij teknologjike, duke investuar në zgjidhje inovative që mbështesin arsimin, kërkimin shkencor dhe shërbimet digjitale për komunitetin.

Continue Reading

Vendi

Tri raste te dhunës në familje brenda një dite

Published

on

By

Në raportin e Policisë së Kosovës në 24 orët e fundit janë regjistruar tri raste të dhunës në familje dhe sulmeve ndaj integritetit personal.

Rasti i parë është shënuar në Prishtinë, ku është arrestuar një person i dyshuar për sulm fizik ndaj bashkëshortes së tij. Viktima ka pranuar trajtim mjekësor si pasojë e lëndimeve të marra pas një mosmarrëveshjeje. Pas intervistimit, me urdhër të prokurorit, i dyshuari është dërguar në mbajtje.

Një tjetër rast i rëndë është raportuar në Gjakovë, ku një vajzë e mitur ka denoncuar se është sulmuar seksualisht nga një person. Policia ka reaguar menjëherë duke arrestuar të dyshuarin, i cili me vendim të prokurorit tashmë gjendet nën masën e ndalimit policor.

Ndërkaq, në Leposaviq, një grua me shtetësi serbe ka njoftuar policinë se bashkëshorti i saj ka ushtruar dhunë fizike ndaj saj gjatë orëve të mbrëmjes. Palët në këtë rast janë intervistuar nga hetuesit, ndërsa me vendim të prokurorisë, i dyshuari është liruar dhe rasti do të ndiqet në procedurë të rregullt hetimore.

 

Continue Reading

Vendi

Arrestohen dy persona në veri për shpërndarje të dokumenteve të postës së Serbisë

Published

on

By

Policia e Kosovës ka arrestuar dy persona në Mitrovicën e Veriut, nën dyshimin për keqpërdorim të autorizimeve ekonomike.

Sipas raportit zyrtar, dy të dyshuarit u kapën në flagrancë duke shpërndarë dokumente të ndryshme në emër të shërbimit postar të Serbisë, veprimtari kjo që konsiderohet e jashtëligjshme brenda territorit të Republikës së Kosovës.

Gjatë operacionit, policia ushtroi kontroll edhe në banesat e të arrestuarve, ku konfiskuan një sërë dokumentesh që shërbejnë si prova materiale për ushtrimin e aktivitetit të tyre si postierë të strukturave ilegale.

Pas përfundimit të procedurave të intervistimit, prokurori kompetent ka vendosur që të dyshuarit të lirohen, ndërsa procesi hetimor ndaj tyre do të vazhdojë në procedurë të rregullt.

Continue Reading

Lajmet

Studentët e Arkitekturës në UBT përmbyllin fazën e parë të projektit ndërkombëtar për zhvillimin rajonal të Pejës dhe Deçanit

Published

on

By

Studentët e programit master në Fakultetin e Arkitekturës dhe Planifikimit Hapësinor në UBT, së bashku me profesorët Binak Beqaj dhe Shqiprim Ahmeti, në bashkëpunim me Universitetin Teknik të Vjenës, kanë përmbyllur me sukses fazën e parë të projektit studimor për Planin e Zhvillimit Rajonal të komunave të Pejës dhe Deçanit.

Ky projekt po zhvillohet nën udhëheqjen e profesorëve Thomas Dillinger, Nina Svanda dhe Skender Kosumi, si dhe me pjesëmarrjen aktive të studentëve nga të dy institucionet, duke u fokusuar në hulumtimin e potencialeve për zhvillim të qëndrueshëm në turizëm, në Parkun Kombëtar “Bjeshkët e Nemuna”.

Gjatë kësaj faze, përveç takimeve me udhëheqësinë e komunave të Pejës dhe Deçanit, një pjesë thelbësore e aktivitetit ishte edhe puna në terren, ku studentët patën mundësinë të njihen nga afër me rajonin, përmes vizitave në zona të ndryshme, deri në pikat më të larta të Bjeshkëve të Nemuna, duke mbledhur të dhëna dhe informacione të rëndësishme për projektin.

Punimet nisën në UBT në Prishtinë, me një hapje zyrtare nga Rektori, Prof. Dr. Edmond Hajrizi. Ndërkaq, workshop-i njëjavor, ku morën pjesë edhe përfaqësues të komunave, u zhvillua në fshatin turistik Belle, i njohur për historinë dhe pozitën e tij me pamje piktoreske.

Në kuadër të këtij aktiviteti, pjesëmarrësit realizuan edhe vizita studimore në disa prej destinacioneve më të rëndësishme kulturore dhe turistike, si ansambli i kullave në Deçan, qyteti i Prizrenit, Çarshia e Gjakovës, si dhe Peja me burimin e Drinit të Bardhë, të cilat lanë përshtypje të veçanta te mysafirët nga Austria.

Prezantimet e fazës së parë të projektit u mbajtën në kampusin e UBT-së në Lipjan, ku Rektori Hajrizi ligjëroi për të arriturat e UBT-së në ndërtimin e një ekosistemi inovativ unik, duke theksuar rëndësinë e ndërlidhjes së arsimit me teknologjinë dhe tregun e punës.

Workshop-i i dytë është planifikuar të mbahet në muajin maj në Vjenë, ku studentët dhe profesorët e UBT-së, së bashku me përfaqësuesit e komunave të Pejës dhe Deçanit, do të jenë mysafirë në Universitetin Teknik të Vjenës. Gjatë kësaj faze do të vazhdojë puna në projekt, si dhe do të realizohen vizita të tjera studimore me fokus në temat e zhvillimit urban dhe rajonal.

Në përfundim të semestrit, studentët do të prezantojnë projektet e tyre finale në UBT, si dhe në komunat e Pejës dhe Deçanit. Me këtë rast, ata shprehën mirënjohje për institucionet vendore për mbështetjen dhe bashkëpunimin, si dhe për UBT-në dhe Rektorin Hajrizi për krijimin e mundësive të tilla profesionale dhe akademike për studentët dhe stafin.

Continue Reading

Të kërkuara