Lajmet

​Berisha: Për 10 vjet Fushë Kosova do të jetë në mesin e pesë qyteteve më të zhvilluara

Berisha tha se kjo komunë nën udhëheqjen e tij është bërë vend i dëshirueshëm për të gjithë qytetarët e Kosovës.

Published

on

Kandidati i Lidhjes Demokratike të Kosovës për kryetar të Fushë Kosovës, Burim Berisha ka premtuar se në 10 vitet e ardhshme kjo komunë do të jetë në mesin e pesë komunave më të zhvilluara. Në hapjen e fushatës në Bardh të Madh, Berisha premtoi se në mandatin e ardhshëm do të investojë në rini, kulturë e sport.

Para simpatizantëve të tij, Berisha që njëherësh është edhe kryetar, tha se nuk do të ndalet së punuari për qytetarët e Fushë Kosovës, qytet të cilin tha se synon ta shndërrojë në lule të rrafshit të Kosovës.

Duke folur për punën e mëparshme në krye të këtij qyteti, Berisha tha se ka bërë krejt çka ka mundur.

Berisha tha po ashtu se kjo komunë nën udhëheqjen e tij është bërë vend i dëshirueshëm për të gjithë qytetarët e Kosovës.

“Këtë herë do të jetë gjithçka në perfeksion. Fushë Kosova po transformohet për çdo ditë, po rregullohet për çdo ditë, po bëhet gjithnjë e më e dëshirueshme për shumë njerëz, po bëhet gjithnjë e më e dëshirueshme për intelektualë, për sportistë, për institucionalistë, për te gjitha ngjyrat politike, fetare dhe kombëtare, dhe do ta vazhdojmë këtë deri ta bëjmë në mesin e pesë qyteteve më të mëdha në Kosovë, dhe këtë iu garantojmë. Për 10 vite, do të jetë qyteti në mesin e 5 qyteteve më të zhvilluara në Kosovë dhe do të jetë komuna më e disiplinuar në aspektin e zhvillimit e në aspektin kulturor. Në këto katër vite, do t’ia japim vulën e qytetarisë Fushë Kosovës, do t’ia japim vulën e kulturës”, tha ai.

I bindur në fitore, Berisha theksoi se në katër vitet e ardhshme investimet e komunës do të dedikohen për rininë, kulturën dhe sportin.

“Do të kemi investime të jashtëzakonshme në kulturë, sport dhe rini, të tjerat veç ecin rrugës të vet, nuk ka që i ndal më. Nuk mundet me i ndalë askush. Nuk munden me i ndalë as humoristët, i keni parë humor kah bëjnë nga pak, humoristët e kanë vendin në teatrin e kukullave, nuk e kanë vendin në politikë. Keni parë edhe plot gënjeshtarë, ata do të kenë vendin në koshin e mbeturinave”, tha ai.

Në hapjen e fushatës në Fushë Kosovë i pranishëm ishte edhe kryetari i LDK-së, Lumir Abdixhiku, i cili i dha mbështetjen e tij të plotë Berishës. Ai tha se Fushë Kosova është burim i fitoreve të LDK-së.

“Burim, është kënaqësi të jemi këtu, në vendin ku burojnë fitoret e LDK-së, në krye të të cilave je ti bashkë me bashkëpunëtorë, me të cilët na jepni shpresë, vullnet e energji që këto fitore t’i shpërndajmë gjithandej nëpër Kosovë. 14 nëntori do të jetë festë e qytetarëve të komunës tuaj, ndërsa për Burimin është festë shërbimi i përhershëm ndaj jush qytetarë të dashur. Burimi është vet Fushë Kosova, zhvillimi i Fushë Kosovës vazhdon vet me Burimin. Ai e ka shndërruar këtë komunë në burim të zhvillimit ekonomik, në burim të mirëqenies… E me të drejtë e vizion të qartë synon që ta vazhdojë këtë transformim edhe në katër vitet e ardhshme… Ju jeni para një zgjidhjeje të lehtë, ku para vetes keni një storie të jashtëzakonshme suksesi që i ka lakmi e gjithë Kosova, e përballë një të panjohura që nuk ka asnjë fije shpresë që të konkurrojë me suksesin tuaj”, tha Abdixhiku.

Duke kërkuar mbështetjen e qytetarëve të Fushë Kosovës për Burim Berishën, Abdixhiku tha se transformimi i kësaj komune nga një fshat në një qytet të zhvilluar është meritë e këtij të fundit.

Më 14 nëntor në balotazh, Burim Berisha i LDK-së, do të përballet me Enver Bajçincën e LVV-së

Lajmet

Lajm historik për futbollin e Kosovës

Published

on

Me sloganin “Making Kosovo Heroes”, një nga akademitë më të njohura të futbollit në botë, S.L. Benfica, hap shkollën e saj të futbollit në Prishtinë.

Me shumë emocion ju njoftojmë për një arritje dhe një lajm të mrekullueshëm për botën e sportit në Kosovë!

Në mars të vitit 2026 do të inaugurohet Shkolla e Futbollit S.L. Benfica, një nga akademitë më prestigjioze të futbollit në botë, duke shënuar kështu një moment të rëndësishëm për futbollin në vendin tonë. Kjo do të jetë shkolla e parë nga disa që do të hapen në rajon, përfshirë Shqipërinë dhe Maqedoninë e Veriut si pjesë të këtij projekti.

Shkolla e Futbollit Benfica do të zhvillohet në partneritet me UBT-në, respektivisht në Prishtinë, një nga kryeqytetet më dinamike dhe më të gjalla në rajon.

Kjo akademi jo vetëm që do të sjellë njohuri dhe ekselencë në fushën e futbollit, por do të krijojë gjithashtu mundësi të reja për të rinjtë e Kosovës, duke u ofruar atyre një platformë për të zhvilluar talentin dhe për të ndjekur ëndrrat e tyre sportive.

Marrëveshja u formalizua në frymën e entuziazmit dhe miqësisë ndërmjet dy institucioneve, përmes një ceremonie të organizuar në Klubin Benfica në Lisbonë. Ajo u nënshkrua nga Drejtori i Zgjerimit Ndërkombëtar të Benfica-s, z. Bernardo Faria de Carvalho, dhe Rektori i UBT-së, Prof. Dr. Edmond Hajrizi.

Kjo akademi do t’u ofrojë të rinjve mundësinë për të mësuar nga trajnerë të njohur dhe të përkushtuar, me qëllim arritjen e standardeve që kërkon niveli i futbollit evropian për grupmoshat 4-16 vjeçare.

Për të siguruar mbikëqyrjen e projektit, klubi do të dërgojë një ekip koordinatorësh dhe trajnerësh që do të qëndrojnë në Prishtinë, për të monitoruar nga afër dhe për të zbatuar programin në përputhje me standardet më të larta.

Ky është një lajm i madh për të gjithë ne — për të gjithë ata që e duan sportin, dhe veçanërisht për fëmijët e talentuar. Ky projekt do të kontribuojë në zhvillimin e futbollit vendor dhe do të forcojë imazhin dhe pozitën e Kosovës në arenën ndërkombëtare.

Shkolla e Futbollit Benfica në Kosovë synon të bëhet një qendër ekselence për zhvillimin e atletëve të rinj, duke ofruar kushte sportive të cilësisë së lartë që do t’u mundësojnë atyre të përparojnë sipas strategjisë dhe metodologjisë së zhvillimit të Benfica-s.

Me një fokus të veçantë në zhvillimin e futbollit në vendet e Ballkanit Perëndimor dhe në prag të Kupës së Botës 2030, S.L. Benfica po forcon strategjinë e saj për të rritur praninë në Kosovë dhe për të mbajtur lidhje me një brez të ri talentesh.

Ky zgjerim gjithashtu synon forcimin e marrëdhënieve të klubit me tifozët rajonalë dhe thellimin e ndikimit të futbollit në vend në prag të këtij eventi madhor.

 

Benfica Campus në Kosovë, përveç angazhimit të saj të drejtpërdrejtë në Prishtinë për zbulimin e talenteve të rinj, do të ofrojë një gamë programesh të dizajnuara për të integruar dhe zhvilluar të gjitha aftësitë dhe njohuritë që kërkon futbolli modern, duke i kombinuar ato me:

  • Kampet e trajnimit të ekipeve – Prishtinë
  • Kampet në Benfica – Lisbonë
  • Kampet e trajnimit elitar – Prishtinë & Lisbonë
  • Turne ndërkombëtare të futbollit për të rinjtë – Evropë dhe SHBA
  • Edukim dhe certifikim të trajnerëve

Ftojmë të gjithë dashamirët e futbollit që të bashkohen me ne në këtë rrugëtim të bukur, sepse futbolli në Kosovë po hyn në një dimension të ri! Ky është vetëm fillimi, dhe jemi të bindur se shumë talente do të lindin nga Shkolla e Futbollit Benfica në Prishtinë, e cila padyshim do të jetë një histori suksesi që do ta bëjë Kosovën krenare.

Continue Reading

Lajmet

Bën gara shpejtësie, 10 muaj masë mbrojtëse dhe gjoba nga 400 euro për dy shoferët

Published

on

By

Policia e Kosovës ka gjobitur dy vozitës pasi të njëjtit u zunë në flagrancë duke bërë gara ilegale në rrugën Pejë-Prishtinë.

Sipas njoftimit ndaj këtyre vozitësve janë marr masa ligjore; gjobë nga 400 euro për dy vozitësit, 4 pikë negative dhe 10 muaj masë mbrojtëse për dy vozitësit.

Policia thotë se njësia rajonale e trafikut rrugor, në vazhdimësi do të jetë në teren dhe nuk do të ketë asnjë tolerim ndaj asnjë personi që bie ndesh me legjislacionin në fuqi./KP

Continue Reading

Rajoni

Kazakistani hap zyrtarisht ambasadën në Shqipëri

Published

on

By

Në një ceremoni solemne të zhvilluar në Tiranë, u përurua zyrtarisht Ambasada e Republikës së Kazakistanit në Shqipëri, duke shënuar një moment të rëndësishëm në forcimin e marrëdhënieve diplomatike mes dy vendeve.

Ngjarja u zhvillua në praninë e përfaqësuesve të institucioneve shqiptare, trupit diplomatik dhe personaliteteve të shquara të jetës publike. Të pranishme në ceremoni ishin edhe zëvendësministrja për Evropën dhe Punët e Jashtme, Megi Fino dhe kryetarja në detyrë e Bashkisë së Tiranës, Anuela Ristani, shkruan ATSH.

Ceremonia u drejtua nga ambasadori i Republikës së Kazakistanit në Shqipëri, Iskander Aisariyev, i cili mbajti një fjalim përshëndetës me rastin e hapjes së misionit diplomatik.

Ai theksoi rëndësinë historike të këtij hapi në marrëdhëniet kazako-shqiptare, duke e cilësuar ambasadën si një urë të re miqësie dhe bashkëpunimi.

Kjo është një ngjarje me rëndësi historike për vendet tona. Ajo simbolizon jo vetëm hapjen e një misioni të ri diplomatik, por edhe fillimin e një etape të re në zhvillimin e marrëdhënieve kazako-shqiptare, të bazuara në besim, mirëkuptim dhe angazhim të përbashkët për paqe, stabilitet dhe mirëqenie”, u shpreh ambasadori.

Ai nënvizoi se Kazakistani dhe Shqipëria ndajnë vlera të përbashkëta si bashkëjetesa paqësore, respekti për diversitetin dhe aspirata për zhvillim të qëndrueshëm.

Po ashtu, ai shtoi se ekziston potencial i madh për bashkëpunim në fusha si tregtia, energjia, turizmi, arsimi, teknologjia dhe shkëmbimet kulturore.

Ambasada jonë e re do të bëhet një instrument efektiv për realizimin e këtyre mundësive,” theksoi ambasadori Aisariyev, duke falënderuar Qeverinë shqiptare për mbështetjen e dhënë gjatë procesit të hapjes së përfaqësisë diplomatike.

Ceremonia u mbyll me një pritje zyrtare në ambientet e ambasadës, ku të ftuarit patën mundësinë të shkëmbenin mendime mbi perspektivat e bashkëpunimit ndërmjet Kazakistanit dhe Shqipërisë në një klimë miqësore dhe bashkëpunuese./KP

Continue Reading

Lajmet

Barkodet ndërkombëtare së shpejti edhe për produktet e Kosovës

Published

on

Kosova së shpejti do të nis lëshimin e barkodave ndërkombëtarë dhe kështu vlerësohet se do të hapet rrugë për produkteve kosovare për njohje dhe prezencë më të gjerë në tregjet ndërkombëtare.

Këtë e ka bërë të ditur Oda Ekonomike e Kosovës (OEK), teksa njoftoi për takimin e kryetarit të saj Lulzim Rafuna me kryetaren e Fondacionit GS1 Turqi, Elif Muftuoglu.

“Gjatë takimit, u shpreh falënderimi dhe mirënjohja për mbështetjen e vazhdueshme që GS1 Turqia i ka dhënë Kosovës në procesin e anëtarësimit në rrjetin ndërkombëtar të barkodave GS1 – sistem që siguron identifikim dhe njohje globale të produkteve. Falë këtij bashkëpunimi, GS1-Kosova do të nisë me sukses lëshimin e barkodave ndërkombëtare, duke i hapur rrugë produkteve të Kosovës për njohje dhe prezencë më të gjerë në tregjet ndërkombëtare. Ky hap do të shtojë vlerën, besueshmërinë dhe sigurinë e produkteve kosovare, si për konsumatorët vendorë ashtu edhe për ata ndërkombëtarë”, thuhet në njoftimin e odës.

Më tej, Oda Ekonomike e Kosovës shprehu mirënjohje të veçantë për GS1 Turqinë dhe znj. Elif Muftuoglu për bashkëpunimin e sinqertë dhe përkrahjen profesionale në këtë proces të rëndësishëm për zhvillimin ekonomik të vendit./S.K/EO/

Continue Reading

Të kërkuara