Sport

​Balotelli për rikthimin te Italia: Do të nisesha sot në këmbë nëse më fton Mancini për ndeshjet e marsit

“Azzurrët” nuk arritën të fitojnë grupin e tyre kualifikues në Kupën e Botës dhe për këtë arsye, ata janë të detyruar të kalojnë fazën e play-off-it për t’u kualifikuar në “Katar 2022”.

Published

4 years ago

on

Mario Balotelli ëndërron një rikthim në kombëtaren e Italisë për ndeshjet e play-off-it të Kupës së Botës në mars dhe pranon se ka folur me Roberto Mancinin së fundmi.

“Azzurrët” nuk arritën të fitojnë grupin e tyre kualifikues në Kupën e Botës dhe për këtë arsye, ata janë të detyruar të kalojnë fazën e play-off-it për t’u kualifikuar në “Katar 2022”.

Në fillim të kësaj jave, vëllai i Mario Balotellit, Enock tha se ish-sulmuesi i Interit dhe Milanit do të ishte ideal për Italinë e Roberto Mancinit dhe Balotelli tani ka konfirmuar se ëndërron një rikthim në skuadrën italiane.

“Ndihem mirë pas dy viteve e gjysmë. Ndihem gati të rikthehem në kombëtare. Do të ishte një ëndërr. Tani do të largohesha nga Turqia në këmbë nëse do ta dija se do të thirresha në mars”, tha ai për “OCË Sport”.

“Kam një marrëdhënie shumë të mirë me Mancinin dhe i kam pasur gjithmonë. Ai vetëm duhet të më thotë se çfarë kërkon nga unë që të mund të kthehem në kombëtare. Dhe unë do ta bëjë. Nëse jam dëgjuar me të kohët e fundit? Po.”, ka thënë Balotelli.

“Atë që ai dëshiron nga unë e ka thënë tashmë disa herë”, vazhdoi ai.

“Nuk kam pse t’i premtoj asgjë vetes. Ai e di se sa i mirë jam, pse të mos më telefonojë? Për karakteristikat e mia, mund të luaja me të gjithë. Edhe me Ciro Immobile. A do t’i gjuaja penalltitë? Nuk do të përgjigjem sepse kjo do të krijonte polemika, por të gjithë e dinë që mund të godas mirë nga pika e bardhë. Çdo futbollist ëndërron të jetë sulmuesi i kombëtares së tij”, ka thënë në fund Balotelli.

Related Topics:
Continue Reading

Lajmet

Santos nuk është më trajner i Azerbajxhanit

Published

13 hours ago

on

September 8, 2025

By

Azerbajxhani ka ndërprerë kontratën e trajnerit të ekipit kombëtar Fernando Santos me pëlqim të ndërsjellë, tha të hënën federata e futbollit të vendit (AFFA), disa ditë pas humbjes 5-0 ndaj Islandës në një ndeshje kualifikuese për Kupën e Botës ka shkruar Reuters.

Santos, i cili më parë e udhëhoqi Portugalinë drejt fitores në Kampionatin Evropian dhe Ligën e Kombeve, ka mbetur pa fitore në 11 ndeshje që kur mori drejtimin e Azerbajxhanit në qershor 2024, ndërsa pësoi nëntë humbje.

Azerbajxhani pësoi pesë gola brenda gjysmë ore loje, ndërsa u shkatërrua nga Islanda në ndeshjen e tyre të parë të Grupit D në kualifikueset e Kupës së Botës 2026 të premten.

Ayxan Abbasov, trajneri i ekipit U21 të vendit, do të jetë në krye kur Azerbajxhani të përballet me Ukrainën në ndeshjen e tyre të radhës kualifikuese për Kupën e Botës të martën, shtoi AFFA.

Mes kandidatëve për të zëvendësuar Santosin është edhe italiani Gianni De Biasi, i cili ka drejtuar më parë Azerbajxhanin nga korriku 2020 deri në nëntor 2023. Gjatë periudhës së tij, De Biasi grumbulloi 10 fitore, 8 barazime dhe 21 humbje në 39 ndeshje, me 34 gola të shënuar dhe 56 të pësuar./S.K/Reuters/

Continue Reading

Lajmet

​Kosova mëson kundërshtarët për parakualifikueset e Eurobasket 2029

Published

13 hours ago

on

September 8, 2025

By

Në Raundin e Parë të Parakualifikimeve të FIBA EuroBasket 2029, Kosova ka mësuar kundërshtarët, ku dardanët do të ballafaqohen me Shqipërinë dhe Sllovakinë.

Dardanët janë shortuar në Grupin C dhe raundi i Parë të Parakualifikimeve të FIBA EuroBasket 2029 zhvillohet në kryeqytetin letonez, Riga.

Raundi do të luhet në tre dritare: nëntor 2025, shkurt 2026 dhe qershor-korrik 2026.

Kualifikimet do të jenë katër kombëtare, tre fitueset e grupeve si dhe vendi i dytë më i mirë./S.K/KP/

Continue Reading

Lajmet

​Amir Rrahmani mund të mungojë për një kohë të gjatë në ndeshje

Published

13 hours ago

on

September 8, 2025

By

Kapiteni i Kombëtares së Kosovës dhe mbrojtësi i Napolit, Amir Rrahmani, ka shkaktuar shqetësim të konsiderueshëm për klubin italian dhe Kosovën pas një lëndimi të marrë gjatë ndeshjes Zvicër–Kosovë.

Lojtari pësoi një problem muskulor që pritet ta mbajë jashtë fushave për një periudhë të gjatë.

Pas testeve të kryera, Rrahmani do të kthehet në Itali për kontrolle të mëtejshme, por tashmë flitet për një mungesë prej të paktën një muaji.

Kapiteni i Kombëtares së Kosovës nuk do të jetë në dispozicion për ndeshjen e radhës kundër Suedisë, e cila zhvillohet sot në stadiumin “Fadil Vokrri”, në kuadër të kualifikimeve për Kampionatin Botëror 2026.

Nëse ky parashikim konfirmohet, ai mund të mos jetë në dispozicion për ndeshjet e Napolit ndaj Fiorentinës, Manchester City-t, Pizës, Milanit, Sportingut dhe Xhenovës, shkruan ‘Sport Mediaset’.

Napoli dhe stafi mjekësor po ndjekin nga afër gjendjen e mbrojtësit, duke shpresuar që rikuperimi i tij të shkojë sipas planit dhe të mos ndikojë në formën e skuadrës në javët e ardhshme./S.K/KP/FFK/

Continue Reading

Lajmet

Tottenhami nuk është në shitje

Published

13 hours ago

on

September 8, 2025

By

Tottenham Hotspur ka mohuar zërat për një shitje të mundshme të klubit pas dorëheqjes së Daniel Levy-t, i cili u largua javën e kaluar pas pothuajse 25 vitesh në krye të klubit londinez.

Në një deklaratë zyrtare, aksionari kryesor ENIC Sports & Developments Holdings Ltd konfirmoi se ka marrë dhe ka refuzuar dy shprehje paraprake interesi për blerjen e aksioneve.

Njëra ofertë erdhi nga PCP International Finance Limited, kompania e Amanda Staveley, ish-aksionere e Newcastle United, ndërsa tjetra nga një konsorcium i udhëhequr nga Dr. Roger Kennedy dhe Wing-Fai Ng përmes Firehawk Holdings Limited.

Megjithatë, ENIC, që zotëron 86.5% të aksioneve të Tottenham-it dhe është nën kontrollin e biznesmenit britanik Joe Lewis dhe familjes së tij, bëri të qartë se klubi nuk është në shitje dhe nuk ka asnjë qëllim të pranojë oferta të tilla.

“Bordi i klubit dhe ENIC konfirmojnë se Tottenham Hotspur nuk është në shitje”, thuhet në deklaratë.

Dorëheqja e Levy-t ka hapur shumë spekulime mbi një ndryshim të mundshëm pronësie, por drejtuesit e Tottenham-it i kanë hedhur poshtë këto zëra. Në prill, klubi emëroi Vinai Venkatesham si drejtor ekzekutiv, ndërsa Peter Charrington mori postin e kryetarit jo-ekzekutiv, një rol i ri që u krijua pas largimit të Levy-t.

Klubi theksoi se nuk do të ketë ndryshime në pronësi apo strukturën e aksionarëve, duke synuar stabilitet në një periudhë tranzicioni pas një epoke të gjatë nën drejtimin e Daniel Levy-t./S.K/KP/

 

 

Continue Reading

Të kërkuara