Sport

Ballkani thërret tifozët për ndeshjen me Sllavia Pragën: Na duhet përkrahja

Humbja nga Sivaspori e ka komplikuar tejmase situatën e Ballkanit.

Published

4 years ago

October 24, 2022

Betim Gashi

Të enjten Ballkani do ta zhvillojë ndeshjen e radhës në Ligën e Konferencës, të vlefshme për grupin G ku do të ballafaqohet me Sllavia Pragën.

Humbja nga Sivaspori e ka komplikuar tejmase situatën e Ballkanit në këtë grup pasi tani i nevojitet vetëm fitorja për të vazhduar luftën drejtë kualifikimit për në fazën e eliminimit direkt të këtij kompeticioni evropian.

Kampioni i Kosovës e pret skuadrën çeke në stadiumin “Fadil Vokrri” të enjten nga ora 21:00.

Para ndeshjes, Ballkani ka ftuar tifozët që të jenë në numër sa më të madh në stadium për t’i dhënë mbështetje lojtarëve në fushë dhe për ta vazhduar kështu shkrimin e historisë në futbollin e Kosovës.

“Na duhet përkrahja e të gjithëve, andaj të gjithë të enjten për Ballkanin në stadiumin “Fadil Vokrri”, thuhet në thirrjet e skuadrës nga Suhareka.

Të dy skuadra kanë nga katër pikë në pozita tre dhe katër të këtij grupi, ndërsa dy rivalët tjerë CFR Cluj dhe Sicaspori e kryesojnë këtë grup me nga shtatë pikë.

Sport

Përfaqësuesja e Kosovës në kickboks me paraqitje të shkëlqyer në “Turkish WAKO World Cup”

Published

2 hours ago

May 18, 2026

UBTNews

Përfaqësuesja e Kosovës në kickboks ka shënuar sukses të jashtëzakonshëm në turneun ndërkombëtar “Turkish WAKO World Cup”, ku morën pjesë afro 3 mijë garues nga 43 shtete të botës.

Për suksesin e sportistëve kosovarë ka reaguar edhe ministri në detyrë i Sportit dhe Rinisë, Blerim Gashani, i cili vlerësoi paraqitjen e tyre, duke theksuar se ata dëshmuan talent, disiplinë dhe potencial të madh për konkurrim në arenën ndërkombëtare.

Në mesin e rezultateve më të mira u veçua Art Dulaj, i cili fitoi medaljen e artë në kategorinë Full Contact pas tri fitoreve me nokaut, duke e ngritur flamurin e Kosovës në majën e podiumit.

Po ashtu, Artor Mehmeti dhe Nart Mehmeti fituan medalje të bronzta, pasi arritën deri në fazën gjysmëfinale të garës.

Vlerësime mori edhe gjyqtari ndërkombëtar Albin Musa për përfaqësimin profesional të Kosovës në këtë turne prestigjioz.

Ministri Gashani theksoi se institucionet do të vazhdojnë mbështetjen për sportistët kosovarë në rrugën drejt sukseseve të reja ndërkombëtare.

Sport

Superliga ndez garën për titull dhe mbijetesë, Prishtina mban kreun

Published

2 hours ago

May 18, 2026

UBTNews

Fundjava në Superligën e Kosovës solli spektakël, rezultate befasuese dhe shumë emocione në stadiumet kosovare, ndërsa gara për kreun dhe mbijetesën po bëhet gjithnjë e më interesante.

Malisheva regjistroi fitore bindëse ndaj Drenica me rezultat 4:1, duke vazhduar formën pozitive këtë sezon.

Në një tjetër përballje interesante, Dukagjini triumfoi 2:0 ndaj Drita, rezultat që konsiderohet ndër surprizat e javës.

Spektakël me gjashtë gola u zhvillua në duelin ndërmjet Prishtina dhe Ferizaj, ku skuadrat ndanë pikët pas barazimit 3:3.

Fitore të rëndësishme në udhëtim arriti Llapi, që mposhti Gjilani me rezultat 2:1.

Ndërkohë, Ballkani fitoi me vështirësi ndaj Prishtina e Re me rezultat 3:2, në një ndeshje dramatike deri në fund.

Pas kësaj xhiroje, Prishtina vazhdon të kryesojë tabelën e Superligës, ndërsa Ferizaj dhe Prishtina e Re mbesin në zonën e fundit të renditjes.

Sport

FC 2 Korriku kampion në Ligën e Parë dhe BPB Ligën U17

Published

2 hours ago

May 18, 2026

UBTNews

FC 2 Korriku ka kurorëzuar një sezon të jashtëzakonshëm në futbollin e vajzave, duke fituar titullin e kampionit në Ligën e Parë për seniore dhe njëkohësisht duke triumfuar edhe në BPB Ligën U17 – Grupi A. Me këtë sukses, ekipi i senioreve ka siguruar promovimin në Superligën e Kosovës.

Ky triumf i dyfishtë vjen si rezultat i një pune të vazhdueshme dhe të përkushtuar nga klubi, i cili që nga viti 2020 ka investuar në zhvillimin e futbollit të vajzave në kryeqytet. Pas suksesit shumëvjeçar në akademinë e djemve, FC 2 Korriku ka arritur të ndërtojë edhe një ekip konkurrues të vajzave, që tashmë do të jetë pjesë e elitës së futbollit kosovar.

Nga klubi kanë vlerësuar se ky sukses është fryt i vizionit të qartë, punës profesionale dhe përkushtimit të futbollisteve, trajnerëve dhe stafit drejtues gjatë gjithë sezonit.

Urime për futbollistet, trajnerët dhe gjithë kontribuuesit për këtë arritje të madhe, me dëshirën që rrugëtimi në Superligë të sjellë edhe më shumë suksese dhe rezultate pozitive për klubin dhe futbollin e vajzave në Kosovë.

Sport

Trepça mposht Bashkimin dhe mbërrin në 3-0 në finale

Published

3 hours ago

May 18, 2026

UBTNews

Trepça ka shënuar një fitore jashtëzakonisht të rëndësishme ndaj Bashkimit me rezultat të ngushtë 80-84, në një atmosferë fantastike në palestren “Sezai Surroi” në Prizren, duke krijuar kështu një epërsi komode prej 3-0 në serinë finale të Playoff-it në Superligën e Kosovës në basketboll.

Ndeshja e tretë finale e këtij edicioni ofroi një luftë të madhe sportive dhe dramë deri në sekondat e fundit të takimit. Mitrovicasit e nisën më mirë ndeshjen duke e mbyllur pjesën e parë me një epërsi prej 10 pikësh, mirëpo prizrenasit nuk u dorëzuan dhe reaguan fuqishëm në pjesën e dytë. Bashkimi arriti ta përmbiste rezultatin dhe madje kaloi në avantazh gjatë çerekut të fundit, përpara se Trepça të tregonte karakter në momentet vendimtare dhe ta riktente epërsinë për ta mbyllur sfidën me triumf.

Te skuadra e Trepçës më të dalluarit në parket ishin Kenneth Hasbrouck me 22 pikë të shënuara dhe Dardan Kapiti, i cili kontribuoi me 14 pikë e 9 kërcime. Në anën tjetër, te Bashkimi nuk mjaftoi loja e shkëlqyer e Shannon Shorter, i cili ishte më efikasi i ndeshjes me 25 pikë e 5 kërcime, i ndihmuar edhe nga Jalen Riley që shtoi 22 pikë. Ndeshja e katërt e kësaj serie finale, ku Trepça mund të shpallet kampion, do të zhvillohet sërish në Prizren.