Kronikë e zezë

Arrestohen dy të dyshuar për mashtrim me viza pune për në Kroaci dhe Gjermani

Prokuroria njoftoi se nga qershori i vitit të kaluar ka qenë duke hetuar një rast të mashtrimit.

Published

4 years ago

January 20, 2022

Betim Gashi

Dy persona janë arrestuar me dyshimin se kanë mashtruar qytetarë të shumtë për viza punë për në Kroaci dhe Gjermani.

Prokuroria Themelore në Prizren derisa ka treguar për ndalimin e dy këtyre personave ka bërë të ditur se nga qershori i vitit të kaluar ka qenë duke hetuar një rast të mashtrimit nga një agjenci punësimi e krijuar kinse për të pajisur qytetarët e Kosovës me viza punë për në shtetin kroat dhe gjerman.

“Prokuroria Themelore në Prizren, Departamenti i Përgjithshëm, nga muaji qershor i vitit 2021 ka qenë duke hetuar një rast të mashtrimit nga një agjenci punësimi e krijuar kinse për pajisjen e qytetarëve të Kosovës me viza pune për në shtetin Kroat dhe Gjerman. Më datë 19.01.2022 njëri nga të pandehurit, i kërkuar me urdhërarrest është arrestuar dhe në bazë të deklaratës së tij është arrestuar edhe personi i dytë si bashkëkryerës në kryerjen e veprës penale “Mashtrimi” nga neni 323 paragrafi 1 lidhur me nenin 77 e lidhur me nenin 31 të Kodit Penal të Republikës së Kosovës (KPRK). Prokuroria, ka lëshuar aktvendim për ndalim 48 orësh për dy të pandehurit, si dhe ka parashtruar kërkesë për caktimin e masës së paraburgimit ndaj të njëjtëve”, thuhet në komunikatën e Prokurorisë Themelore të Prizrenit.

Tutje thuhet se “Këta të pandehur dyshohen se me dashje dhe me anë të paraqitjes së rreme të fakteve, me qëllim të përfitimit të kundërligjshëm të dobisë pasurore për veten, i mashtrojnë personat tjerë dhe me këtë i nxisin të dëmtuarit që të kryejnë veprime në dëm të pasurisë së tyre, në atë mënyrë që të pandehurit me qëllim të përfitimit pasuror më datë 22.10.2020 krijojnë biznesin ‘Timi & Zaimi’, si agjenci punësimi, kinse për pajisjen e qytetarëve të Kosovës me viza pune për në Kroaci dhe Gjermani, nga të cilët kërkojnë plotësimin e dokumentacionit dhe si kundërvlerë paraprake marrin parapagime nga të dëmtuarit në shuma të ndryshme të të hollave”.

Më tej thuhet se prokuroria ka arritur që të sigurojë disa prej të dëmtuarve të këtij rasti.

“Deri në këtë fazë, prokuroria ka arritur të sigurojë disa prej të dëmtuarve të këtij rasti, mirëpo duke pas parasysh provat e grumbulluara deri në këtë fazë, rezulton se numri i të dëmtuarve është tejet i madh, andaj Prokuroria bënë thirrje tek të gjithë qytetarët që janë pre e këtij mashtrimi që të lajmërohen në Prokurorinë Themelore të Prizrenit. Prokuroria Themelore në Prizren vazhdon të mbetet e përkushtuar në luftën ndaj kriminalitetit, forcimin e sundimit të ligjit dhe vënien para drejtësisë të të gjithë atyre që bien ndesh me ligjin”, përfundon komunikata.

Kronikë e zezë

Gjetje e mjetit të pashpërthyer në Suharekë, policia siguron vendin e ngjarjes

Published

17 hours ago

March 24, 2026

UBTNews

Një mjet i dyshuar shpërthyes është gjetur paraditen e së hënës në fshatin Samadrexhë të Suharekës.

Menjëherë pas marrjes së informacionit, në vendngjarje kanë dalë forcat e rendit.

Policia ka bërë të ditur se njësiti policor është në sigurim të vendit të ngjarjes derisa aty të dalin njësitë përkatëse për ta trajtuar mjetin.

Rasti është cilësuar si “Gjetje e mjetit të pashpërthyer” dhe pritet ndërhyrja e ekipeve të specializuara për deminimin e tij.

Kronikë e zezë

Arrestohet një person në Gjakovë nën dyshimin për sulm seksual

Published

17 hours ago

March 24, 2026

UBTNews

Policia e Kosovës ka njoftuar për arrestimin e një personi të dyshuar për sulm seksual në qytetin e Gjakovës.

Sipas raportit 24-orësh, rasti ka ndodhur pasditen e së hënës, rreth orës 19:00.

Lidhur me këtë incident, policia bën me dije se është arrestuar burri i dyshuar pasi i njëjti dyshohet se kishte sulmuar seksualisht viktimën grua kosovare.

Pas denoncimit të rastit, hetuesit policorë kanë intervistuar viktimën, ndërsa ndaj të dyshuarit janë marrë masa të menjëhershme ligjore.

“Me vendim të prokurorit, i dyshuari është dërguar në mbajtje”, thuhet në njoftimin e policisë. Rasti po trajtohet nga organet e drejtësisë si “Sulm seksual”.

Kronikë e zezë

Pesë raste të dhunës në familje brenda 24 orëve, arrestime në Prishtinë, Drenas, Pejë e Gjakovë

Published

18 hours ago

March 24, 2026

UBTNews

Policia e Kosovës ka njoftuar për pesë raste të dhunës në familje të ndodhura gjatë 24 orëve të fundit në rajone të ndryshme.

Sipas raportit, rastet kanë rezultuar me arrestimin e të dyshuarve dhe dërgimin e tyre në mbajtje me vendim të prokurorit.

Rasti i parë është raportuar në Prishtinë, ku pas një mosmarrëveshjeje “dy viktimat gra kosovare janë sulmuar fizikisht nga i dyshuari mashkull kosovar”.

Lidhur me rastin është njoftuar prokurori.

Në Drenas është arrestuar një i dyshuar pasi “dyshohet se i ka sulmuar anëtarët e familjes”. Policia bën të ditur se “viktimat dhe i dyshuari kanë pranuar trajtim mjekësor”, ndërsa me vendim të prokurorit i dyshuari është dërguar në mbajtje.

Ndërkaq në Pejë janë regjistruar dy raste të ndara.

Në rastin e parë, është arrestuar një burrë pasi “dyshohet se ka ushtruar dhunë fizike ndaj viktimës grua kosovare”.

Për këtë rast nuk raportohet për të lënduar, por i dyshuari është dërguar në mbajtje.

Në rastin tjetër po në Pejë, janë arrestuar dy persona, një burrë dhe një grua, pasi “të njëjtit pas një mosmarrëveshje janë fjalosur në mes vete”.

Pas intervistimit, me vendim të prokurorit, të dyshuarit janë liruar në procedurë të rregullt.

Edhe në Gjakovë është raportuar për një incident ku viktima grua është sulmuar fizikisht nga e dyshuara grua kosovare.

Sipas policisë, me vendim të prokurorit e dyshuara është dërguar në mbajtje dhe rasti po trajtohet si dhunë në familje.

Lajmet

I dyshuari në kërkim për plagosjen me armë zjarri në Prishtinë

Published

18 hours ago

March 24, 2026

UBTNews

Një person është plagosur mbrëmjen e së hënës në rrugën “Jakov Xoxa” në Prishtinë, pas një incidenti me armë zjarri rreth orës 20:45, sipas raportit 24 orësh të Policisë së Kosovës

Me të mbërritur në vendngjarje, ekipet e emergjencës dhe policia gjetën viktimën me lëndime trupore, i cili u dërgua menjëherë për trajtim të mëtutjeshëm në QKUK.

Ndonëse policia ka arritur të identifikojë personin e dyshuar për këtë sulm, ai ende nuk është rënë në pranga dhe po kërkohet intensivisht nga autoritetet.

Hetuesit kanë nisur punën në terren për të mbledhur dëshmitë dhe provat e nevojshme, ndërkohë që rasti po hetohet në koordinim me prokurorin si lëndim i rëndë trupor dhe armëmbajtje pa leje.