Xhudistja kosovare Flaka Loxha do të luftojë për medaljen e bronztë në Grand Prix Zagreb. Loxha (-57 kg) në finale të Grand Prix Zagreb, ajo në xhiron e parë ishte e lirë, në xhiron e dytë ajo mposhti me Ippon, japonezen Hiyori Koga.

Loxha në çerekfinale mposhti në vazhdime me tri dënime për Ippon, garuesen nga Izraeli Maya Leopold.

Në gjysëmfinale ajo u takua me kroaten Ana Viktorija Puljiz, rezultati ishte baraz në vazhdime me nga një Ëazaari dhe me nga dy dënime, pastaj Flaka u dënua prapë dhe humbi me tri dënime për Ippon.

Garuesja kosovare për të bronztën ndeshet me kroaten tjetër Tihea Topolovec.

Gjyqi ndaj tetë punonjësve të shëndetësisë, të cilët akuzohen për vrasje nga pakujdesia në rastin e Diego Maradonës është shtyrë nga tetori deri në muajin mars, njoftuan mediat argjentinase të enjten.

Gjykata në San Isidro, një qyte në periferi të Buenos Airesit, pranoi kërkesën e tre nga tetë të pandehurit për të shtyrë për herë të dytë gjyqin. Ky gjykim i planifikuar fillimisht për 4 qershor dhe që do të fillonte më 1 tetor. Megjithatë tash raportohet se procesi do të fillojë më 11 mars.

Futbollisti i madh, i cili udhëhoqi Argjentinën drejt titullit të dytë të Kupës së Botës në vitin 1986, vdiq në moshën 60-vjeçare në nëntor të vitit 2020 nga dështimi i zemrës pasi iu nënshtrua një operacioni në tru disa ditë më parë./UBTNews/

Talenti i madh i Barcelonës, Lamine Yamal, është shfaqur në televizionin kombëtar spanjoll dhe ka biseduar për një sërë temash pas rritjes së tij të shpejtë në superyll. Adoleshenti foli për krahasimet me Lionel Messin dhe se si shpreson të qëndrojë në klub për të gjithë karrierën e tij.

“Dua të qëndroj në Barça përgjithmonë, dua të jem një legjendë”, tha ai. “Më pëlqen të krahasohem me lojtarin më të mirë në historinë e futbollit, por dua të jem vetvetja. Arritja e nivelit të Messit është e pamundur”, ka shtuar ai.

Në mënyrë të pashmangshme, Lamine u pyet gjithashtu për mikun e tij të mirë Nico Ëilliams pas një vere ku Barcelona ishte e lidhur rregullisht me sulmuesin.

Megjithatë, Yamal kishte një përgjigje mjaft diplomatike kur u pyet për mundësinë për të luajtur së bashku me shokun e tij të mirë te Barcelona.

“Unë do të doja të luaja me të çdo javë, shpresoj, por ai tani është në Athletic,” tha ai.

Barcelona mendohet se është e gatshme të provojë sërish për Nicon verën e ardhshme. Ndërkohë, Yamal tashmë është në rrugën e statusit legjendar në Barcelonë, pavarësisht se ka mbushur vetëm 17 vjet në verë.

13 shtatori është një datë historike për futbollin kosovar, ditën kur u zhvillua ndeshja e parë e mëvetësimit të futbollit vendor, ndërmjet Flamurtarit dhe Prishtinës, organizuar nga Federata e Pavarur e Futbollit të Kosovës, më 13 shtator të vitit 1991.

Kjo njihet njëherësh si fillimi i periudhës së pavarësimit të futbollit nga regjimi i atëhershëm serbosllav, me ç‘rast ishte themeluar FFK-ja e pavarur, nën drejtimin e kryetarit Agim Bytyqi.

Për të realizuar këtë nismë madhore dhe për të vënë në funksion federatën, u krijua një sistem i garave të reja dhe u zhvillua ndeshja e parë historike.

“Klubet u organizuan falë shpirtit sportiv dhe mbështetjes së donatorëve të palodhur, ndërsa të gjitha organet e nevojshme u themeluan për funksionimin e ligës. Për shkak të përjashtimit nga objektet sportive nga regjimi serb, u improvizuan fusha të reja futbolli, duke rifilluar garat edhe në kushte të vështira. Sot, me krenari përkujtojmë të gjithë bashkëpunëtorët dhe bashkëkohanikët që kontribuan në ato kohë: lojtarët, trajnerët, drejtuesit dhe donatorët e klubeve, gjyqtarët dhe delegatët”, thuhet në një postim të Federatës së Futbollit të Kosovës.