

Lajmet
Ambasadori Szunyog: Të angazhohemi për një sistem të qëndrueshëm të mbrojtjes sociale
Published
4 years agoon
By
Betim GashiBashkimi Evropian ka lansuar sot nëngrante për 30 organizata lokale që ofrojnë shërbime sociale dhe familjare, si përgjigje ndaj pandemisë COVID-19. Me këtë rast u vu në pah nevoja për një sistem të qëndrueshëm të mbrojtjes sociale.
Përmes nëngranteve të ofruara në kuadër të projektit “Fuqizimi i ofrimit të shërbimeve sociale për grupet më të cenueshme në Kosovë, si përgjigje ndaj COVID-19”, organizatat do të ofrojnë shërbime të domosdoshme, të kualitetit të lartë për fëmijët me aftësi të kufizuara, fëmijët dhe të rriturit në nevojë dhe në rrezik të përjashtimit social, si dhe për viktimat e dhunës dhe trafikimit.
Shefi i Zyrës së BE-së në Kosovë, ambasadori Tomas Szunyog, tha se ky projekt synon të zvogëlojë ndikimin e pandemisë tek grupet e cenueshme. Ai potencoi rëndësinë që ka ofrimi i mbrojtjes sociale, për çka tha se janë angazhuar që grupet e cenueshme të integrohen në jetën e përditshme të shoqërisë kosovare.
“Ky projekt ka filluar si përgjigje në shpëtimin nga pandemia COVID-19, dhe ka për qëllim të zvogëloj ndikimin e pandemisë tek grupet e cenueshme. Përmes këtyre organizatave, ky projekt kontribuon në ngritjen e disponueshmërisë, në shërbime kualitative esenciale për djemtë, vajzat dhe sidomos ata që vuajnë nga pasojat socio-ekonomike nga pandemia, si dhe personat që janë në rrezik… Hap përpara është që të ofrojmë sistem të mbrojtjes sociale, i cili është i qëndrueshëm dhe u mundëson atyre që të integrohen në jetën e përditshme të shoqërisë kosovare”, tha Szunyog.
Drejtori i Save the Children në Kosovë, Ahmet Kryeziu u shpreh i lumtur me rastin e lansimit të nëngranteve, teksa shtoi se shtrirja në 24 komuna të Kosovës do t’u mundësojë organizatave përfituese që të rrisin bashkëpunimin me komunën dhe mes vete.
Në këtë mënyrë, siç tha ai, fuqizohen kapacitet e organizatave të shoqërisë civile në përmirësimin e cilësisë së shërbimeve. Ai tha se nevoja për shërbime sociale në Kosovë është theksuar edhe më shumë gjatë pandemisë, derisa shtoi se janë angazhuar që t’u jenë afër grupeve të cenueshme në vend.
“Përmes këtij projekti jemi angazhuar që të fuqizojmë kapacitetet e organizatave të shoqërisë civile, në përmirësimin e cilësisë së këtyre shërbimeve, disponueshmërisë dhe qëndrueshmërisë së tyre. Përmes mekanizmit të financimit të palëve të treta, OJQ-ve që ofrojnë shërbime sociale në nivel lokal, ne jemi duke mundësuar që fëmijët me aftësi të kufizuar, fëmijët dhe të rriturit në nevojë dhe në rrezik të përjashtimit social, si dhe viktimat e dhunës dhe trafikimit të kenë qasje në shërbimet që përmirësojnë mirëqenien e tyre. Kjo përfshin rritjen e mirëqenies së tyre, krijimin e mundësive për jetesë më të mirë si dhe zhvillimin emocional”, tha Kryeziu.
Zëvendësministri i Financave, Punës dhe Transfereve, Ilir Kapiti, tha se programi i Qeverisë ka ndër prioritetet kryesore shërbimet sociale dhe se deri më tani janë licencuar 50 organizata jo-qeveritare që ofrojnë shërbime sociale dhe familjare.
“Gjatë vitit 2020-21, ofrimi i shërbimeve sociale dhe familjare ishte në vështirësi krahasuar me vitet paraprake, kjo për shkak të situatës së shkaktuar nga pandemia dhe ndryshimet e shpeshta politike që ndodhën, e që nuk kanë kontribuar fare në këtë drejtim. Sidoqoftë, Ministria e Financave, Punës dhe Transfereve përmes politikave sociale dhe familjare është duke vazhduar procesin e licencimit të OJQ-ve, ku deri më tash janë lansuar 50 sosh… MFPT sipas buxhetit të aprovuar për 2021, përmes thirrjes publike, ka ofruar mbështetje financiare prej 900 mijë euro për mbështetje të 39 OJQ-ve të licencuara në ofrimin e shërbimeve sociale dhe familjare”, tha ai.
Lajmet
Kryetari i Zubin Potokut: Terreni ku po zhvillohen kërkimet është i vështirë
Published
6 minutes agoon
July 29, 2025By
UBTnews
Kryetari i Zubin Potokut, Izmir Zeqiri deklaroi se terreni ku po zhvillohet operacioni i kërkim-shpëtimit është i vështirë. Në liqenin e Ujmanit po vazhdon operacioni i njësiteve të specializuara të Forcës së Sigurisë së Kosovës për gjetjen e një personi, i cili raportohet se kërceu nga ura, që dyshohet të jetë mbytur të dielën, më 27 korrik.
Para mediave, Zeqiri u shpreh se thellësia ku po zhvillohen kërkimet mund të jetë në thellësi më shumë se 60 metra.
“Ne e kemi policinë e komunës dhe ka qenë në vendin e ngjarjes, pastaj edhe ekipet emergjente. Ne e kemi një ekip të zjarrfikësve, mirëpo nuk kemi zhytës, zhytësit kanë ardhur në kohën e duhur me thirrjen edhe të stafit lokal të komunës. Kështu që unë edhe dje por edhe tani, meqë siç po e shihni edhe sot dashti Zoti që t’i bashkëngjitet ekipeve të kërkimit, ekipet në maksimalisht të pajisura si Forcat e Sigurisë së Kosovës edhe dje kam bërë thirrje. Mirëpo, ja që kjo është mirë që po ndodhë për shkak se zhytësit e dinë më së miri. Terreni është bukur i vështirë në 30 deri në 40 e më shumë metra thellësi, 60 është këtu por mund të jetë edhe më tepër. Ka mbeturina të ndryshme që në thellësi është vështirë që operimi duhet teknikisht të jetë i pajisur”, deklaroi ai.
Ai tha se intervenimi është i duhur dhe se njësitet e kërkim-shpëtimit janë të kompletuara.
“Ekipa është e kompletuar, teknikisht janë të pajisur me pajisje të duhura dhe unë uroj që sa më shpejt të gjindet, sepse teknikisht deri më tani ekipa është e kompletuar. Siç po e shihni intensivisht, pa ndërprerë janë duke u ndërruar ekipet e zhytësve në ujë dhe besoj e uroj që sa më shpejt të gjendet trupi, ani pse terreni është shumë i vështirë…Paraprakisht isha me familjarët, jo vetëm sot por dje, pardje jam takuar”, shtoi ai.
Kërkimi deri më tash është zhvilluar vetëm nga Policia e Kosovës dhe Shoqata e Kosovës për Kërkim dhe Shpëtim. FSK-ja iu bashkua ekipeve në ditën e tretë të kërkimeve. Kjo u bë vetëm pas një bashkërendimi me misionin e NATO-s në Kosovë, KFOR.
Lajmet
Zgjedhjet e 12 tetorit, Radoniqi fton mërgatën që të regjistrohet për votim me postë
Published
30 minutes agoon
July 29, 2025By
UBTnews
Kryesuesi i Komisionit Qendror të Zgjedhjeve, Kreshnik Radoniqi, iu është drejtuar me një videomesazh të gjithë shtetasve të Kosovës që jetojnë jashtë vendit, duke i informuar mbi të drejtën dhe mundësinë për t’u regjistruar si votues jashtë Kosovës për zgjedhjet lokale më 12 tetor.
Periudha e regjistrimit ka nisur më 23 korrik dhe do të zgjasë deri më 29 gusht 2025. Radoniqi thekson se për të votuar nga diaspora është e domosdoshme regjistrimi brenda këtij afati përmes platformës elektronike të KQZ-së.
Në mesazhin e tij, kryesuesi i KQZ-së fton të gjithë qytetarët që të marrin pjesë në procesin zgjedhor, duke nënvizuar rëndësinë e pjesëmarrjes së tyre: “Vota juaj ka ndikim të drejtpërdrejtë në të ardhmen e komunës tuaj.”
Vetëm ata votues që regjistrohen brenda periudhës së përcaktuar do të kenë mundësinë të votojnë përmes postës gjatë periudhës së votimit nga jashtë, e cila fillon më 17 shtator dhe mbyllet më 11 tetor 2025.
Ndryshe nga zgjedhjet për Kuvendin e Kosovës, ku votimi jashtë vendit mund të kryhet edhe nëpërmjet përfaqësive diplomatike, në zgjedhjet lokale votimi jashtë shtetit realizohet vetëm përmes postës. Kjo parashikohet nga Ligji për Zgjedhjet e Përgjithshme, i cili sqaron se votimi në përfaqësitë diplomatike nuk aplikohet për zgjedhjet lokale.
KQZ u bën thirrje qytetarëve të Kosovës që jetojnë jashtë vendit që të regjistrohen në kohë dhe të ushtrojnë të drejtën e tyre zgjedhore, duke kontribuar në zhvillimin demokratik të komunave të tyre.
Lajmet
Prokuroria Speciale: Lipovica është ftuar për rastin e rezervave shtetërore në cilësinë e të pandehurit
Published
42 minutes agoon
July 29, 2025By
UBTnews
Ish-sekretari i Ministrisë së Industrisë, Ndërmarrësisë dhe Tregtisë, Irfan Lipovica, është paraqitur për intervistim në Prokurorinë Speciale të Republikës së Kosovës.
Prokuroria Speciale ka konfirmuar për KosovaPress se Lipovica është ftuar për intervistim në cilësinë e të pandehurit.
“Lidhur me çështjen për të cilën keni adresuar pyetje, Prokuroria Speciale e Republikës së Kosovës ju njofton se z.Irfan Lipovica është ftuar në cilësinë e të pandehurit, në kuadër të hetimeve lidhur me rastin “Rezervat shtetërore”. Derisa rasti është në fazën e hetimeve, për veprimet e tjera, publiku do të njoftohet me kohë“, thuhet në përgjigjen e Prokurorisë Speciale për KosovaPress.
KosovaPress ka komunikuar edhe me avokatin e Lipovicës, Feim Alaj, megjithatë në përgjigjjen e tij ai e konfirmoi shkurtimisht lajmin.
“Është rasti i rezervave shtetërore“, ka thënë Alaj.
Kujtojmë se në vitin 2023 ishin arrestuar tre persona për rastin e rezervave shtetërore. Në mesin e të arrestuarve ishte Lipovica dhe zyrtari tjetër i MINT, Hafiz Gara.
Në Ministrinë e Industrisë Ndërrmarrësisë dhe Tregëtisë të udhëhequr nga Rozeta Hajdari në vitin 2023 u kryen bastisje për keqpërdorimet me rezervat shtetërore të vajit dhe grurit.
Lajmet
Lipovica paraqitet në Prokurorinë Speciale për rastin e rezervave shtetërore
Published
2 hours agoon
July 29, 2025By
UBTnews
Ish-sekretari i Ministrisë së Industrisë, Ndërmarrësisë dhe Tregtisë, Irfan Lipovica, është paraqitur për intervistim në Prokurorinë Speciale të Republikës së Kosovës.
Avokati i tij, Feim Alaj ka pranuar që ftesa e ish-sekretarit lidhet me rastin e rezervave shtetërore.
“Është rasti i rezervave shtetërore“, ka thënë Alaj.
Kujtojmë se në vitin 2023 ishin arrestuar tre persona për rastin e rezervave shtetërore. Në mesin e të arrestuarve ishte Lipovica dhe zyrtari tjetër i MINT, Hafiz Gara.
Në Ministrinë e Industrisë Ndërrmarrësisë dhe Tregëtisë të udhëhequr nga Rozeta Hajdari në vitin 2023 u kryen bastisje për keqpërdorimet me rezervat shtetërore të vajit dhe grurit.

Kryetari i Zubin Potokut: Terreni ku po zhvillohen kërkimet është i vështirë

Zgjedhjet e 12 tetorit, Radoniqi fton mërgatën që të regjistrohet për votim me postë

Prokuroria Speciale: Lipovica është ftuar për rastin e rezervave shtetërore në cilësinë e të pandehurit

Lipovica paraqitet në Prokurorinë Speciale për rastin e rezervave shtetërore

Beyonce mblodhi grupin legjendar “Destiny’s Child” për një performancë lamtumire si pjesë e turneut

Sot shënohet ‘Dita Botërore e Tigrit’

United po shqyrton transferimin e Donnarumma-s

Xhaka zbarkon në Angli për t’u bashkuar me klubin e ri

Top destinacionet ku njerëzit zhvendosen për të jetuar më mirë
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit