Lajmet

​Aliu: Me shpronësim të pronave është zhbllokuar terminali doganor në Han të Elezit

Aliu akuzoi kompaninë private për vënie pengesash në prona private e në ato të menaxhuara nga Agjencia Kosovare e Privatizimit (AKP).

Published

4 years ago

on

Ministri i Mjedisit, Planifikimit Hapësinor dhe Infrastrukturës, Liburn Aliu në një konferencë për media, ka folur për problemet që ishin në terminalin doganor të Hanit të Elezit, ku theksoi se vendimi i djeshëm i Qeverisë për shpronësim të pronave në Han të Elezit, i hap rrugë zhbllokimit të një terminali privat doganor.

Madje, ministri Aliu ka akuzuar kompaninë private për vënie pengesash në prona private e në ato të menaxhuara nga Agjencia Kosovare e Privatizimit (AKP).

Ministri Aliu theksoi se pengesat kanë qenë që nga 1 nëntori i vitit të kaluar, ku të gjithë transportuesit e mallrave kanë qenë të obliguar të kalojnë në rrugën që është gjobitur, duke iu kërkuar 40 euro për të hyrë në terminalin privat si mundësi e vetme për zhdoganim mallrash.

“Më 1 nëntor kemi marrë një ankesë nga agjendët doganorë lidhur me bllokimin e terminalit në Hanin e Elezit dhe kështu që transportuesit e mallrave kanë qenë të obliguar të kalojnë nëpër rrugën dhe janë gjobitur ku është kërkuar nga transportuesit të paguajnë 40 euro për t’u futur në terminalin privat atje. Dhe kjo ka qenë mundësia e vetme e tyre për me bërë zhdoganimin e mallrave respektivisht për me kaluar në atë terminal. Kështu nëse ata do të donin që të bënin zhdoganim në një terminal tjetër që kanë të drejt kudo në Kosovë, ata do ta paguanin vetëm atë 40 euro dhe kudo që shkojnë diku tjetër duhet të paguanin prapë një 40 euro tjetër. Ky bllokim i tillë ka krijuar një situatë ta pavolitshme për transportuesit e mallrave. Ka krijuar një precedan të keq ku një operator privat të bllokojë rrugën dhe detyron operatorët respektivisht transportuesit e mallrave të kalojnë domodoshmërisht nga një terminal i caktuar”, theksoi Aliu.

Ministri Aliu ka shtuar se me marrëveshje, pronari i pronave të privatizuara s’ka pasur të drejtë të bllokonte rrugën. Ai deklaroi se AKP-ja ka hasur në pengesa në tri prona për t’i hequr bllokadat, për të cilat prona gjykata ka vendosur që t’i japë të drejtë operatorit privat, ta bllokojë pronën e AKP-së. Këtë vendim të gjykatës, ministri Aliu e ka quajtur të çuditshëm.

“Kemi kërkuar nga AKP të bëjë menjëherë zhbllokimin e kësaj rruge, dhe kështu ky institucion pas kërkesës tonë ka filluar me bërë zhbllokimin, ku ndërkohë kanë hasur në një problem ku tri nga ato parcela të cilat janë nën menaxhim të AKP-së për to ka një vendim gjykate, ku gjykata i jep të drejt operatorit privat që ta bllokoj pronën e AKP-së. Ky ka qenë një vendim i çuditshëm i gjykatës për shkak se në këtë proces fare nuk ka qenë e përfshirë as AKP-ja… Kësisoj janë marrë vendimet e para për zhbllokim dhe përfundimisht ne kemi marrë vendim që përpos zhbllokimit të rrugës që ndodhi javën që shkoj, dje qeveria në mbledhjen e qeverisë kemi marrë vendim që të bëjmë shpronësimin e pronave të cilat janë aktualisht nën menaxhim të AKP-së. Kështu është e drejta ligjore që qeveria t’i shpronësojë drejtpërdrejt dhe t’i kthej në pronësi të shtetit dhe rrjedhimisht të eliminojmë çfarë do lloj mundësie për një bllokim të tillë”, theksoi ai.

Në këtë konferencë për media, ministri Aliu theksoi se sa i përket reshjeve të borës gjatë ditës së sotme, ministria të cilën e drejton ai, është e mobilizuar gjatë gjithë kohës me të gjithë operatorët ekonomik në terren për pastrimin e rrugëve. Kështu ai tha se të gjitha rrugët janë të kalueshme.  

Related Topics:
Continue Reading

Lajmet

Prokuroria Speciale ngre aktakuzë ndaj Shpend Ahmetit për mosdeklarim të pasurisë

Published

4 hours ago

on

December 23, 2025

By

Prokuroria Speciale e Republikës së Kosovës ka ngritur sot aktakuzë ndaj Shpend Ahmetit, nën dyshimin për kryerjen e veprës penale “Mosraportimi ose raportimi i rremë i pasurisë, i të ardhurave, i dhuratave, i dobisë tjetër materiale ose i detyrimeve financiare”.

Sipas aktakuzës, i pandehuri dyshohet se në periudhën nga viti 2018 deri në vitin 2022, në cilësinë e kryetarit të Komunës së Prishtinës, me dashje ka paraqitur deklarata të pasakta të pasurisë. Konkretisht, ai akuzohet se nuk ka deklaruar deponime në para të gatshme, të realizuara personalisht gjatë viteve përkatëse.

Prokuroria bën të ditur se shuma e përgjithshme e mjeteve të padeklaruara arrin vlerën prej 172 mijë e 600 eurosh.

Rasti i është përcjellë për shqyrtim Gjykatës Themelore në Prishtinë, Departamentit Special.

Shënim: Personi i përmendur në këtë artikull prezumohet i pafajshëm deri në një vendim të formës së prerë nga gjykata.

Continue Reading

Lajmet

30 të dënuar përfundojnë me sukses programet rehabilituese në burgun e Smrekonicës

Published

5 hours ago

on

December 23, 2025

By

Në burgun e Smrekonicës, kanë përfunduar me sukses dy programe rehabilituese për të burgosurit. Programi “Menaxhimi i Zemërimit” është ndjekur nga 20 të burgosur, ndërsa programi “Vendimmarrja Sociale” nga 10 të burgosur.

Shërbimi Korrektues i Kosovës, thotë se programet janë zbatuar në përputhje me politikat rehabilituese, planprogramin institucional dhe standardet profesionale të trajtimit.

Sipas njoftimi të ShKK-së, fokusi ka qenë zhvillimi i aftësive psikosociale, rritja e vetëkontrollit emocional, përmirësimi i sjelljes ndërpersonale dhe forcimi i aftësisë për marrjen e vendimeve të përgjegjshme dhe të ligjshme.

Me rastin e përfundimit të programeve është organizuar edhe ceremonia e shpërndarjes së certifikatave, derisa gjatë eventit u theksua rëndësia e programeve rehabilituese në përmirësimin e sjelljes së të burgosurve dhe në zvogëlimin e rrezikut të përsëritjes së veprave penale.

Continue Reading

Lajmet

Prattipati takon kryetarët e komunave veriore, kërkon qeverisje transparente

Published

5 hours ago

on

December 23, 2025

By

E Ngarkuara me Punë e Ambasadës së Shteteve të Bashkuara në Kosovë, Anu Prattipati, ka vizituar sot kryetarët e sapo inauguruar të Mitrovicës së Veriut, Zveçanit, Zubin Potokut dhe Leposaviqit.

Përmes një postimim, Ambasada e ShBA-së në Prishtinë tha se Prattipati nënvizoi pritshmëritë e Amerikës për qeverisje transparente, efektive, ofrim të barabartë të shërbimeve dhe rëndësinë e angazhimit me institucionet e sigurisë publike të angazhuara në shërbim të të gjitha komuniteteve.

“E ngarkuara me punë Anu Prattipati u takua sot me katër kryetarët e sapo inauguruar të Mitrovicës së Veriut, Zveçan, Zubin Potok, dhe Leposaviq dhe përfaqësues të shoqërisë civile serbe kosovare në veri të Kosovës. Ajo nënvizoi pritshmëritë e SHBA-së për qeverisje transparente, efektive, ofrim të barabartë të shërbimeve dhe rëndësinë e angazhimit me institucionet e sigurisë publike të angazhuara në shërbim të të gjitha komuniteteve”, thuhet në njoftimin e Ambasadës.

Continue Reading

Lajmet

Osmani: Me ShBA-në diskutuam për rikthimin e dialogut strategjik

Published

6 hours ago

on

December 23, 2025

By

Presidentja e Kosovës, Vjosa Osmani, ka bërë të ditur se gjatë takimit me zëvendëssekretarin e Shtetit të Shteteve të Bashkuara të Amerikës, Christopher Landau, kanë diskutuar për rikthimin e dialogut strategjik mes Kosovës dhe ShBA-së.

Në një video të publikuar në rrjetet sociale, Osmani tha se me zëvendëssekretarin amerikan kanë trajtuar gjithashtu një sërë çështjesh që lidhen me bashkëpunimin dypalësh, sigurinë, paqen, zhvillimin ekonomik dhe integrimin euroatlantik të Kosovës.

Presidentja u ndal edhe te nënshkrimi i një ligji nga presidenti amerikan, Donald Trump, i cili përfshin edhe Republikën e Kosovës. Sipas saj, ligji parashikon mbështetjen e sovranitetit dhe integritetit territorial të Kosovës, përjashton ndryshimet e kufijve dhe përcakton që dialogu me Serbinë duhet të bazohet në njohje reciproke.

“Diskutuam edhe për një sërë çështjesh të tjera, për të cilat është e domosdoshme të kemi koordinim të plotë dhe të vazhdueshëm me SHBA-në si aleatin tonë më të rëndësishëm strategjik, si dhe për hapat dhe veprimet që duhet t’i ndërmarrim për rikthimin e dialogut strategjik me SHBA-në”, deklaroi Osmani pas takimit.

Ajo theksoi se në këtë takim është rikonfirmuar mbështetja e Shteteve të Bashkuara për anëtarësimin e Kosovës në NATO, si dhe për rritjen e investimeve strategjike në sektorin ekonomik.

Presidentja Osmani nënvizoi rëndësinë e koordinimit të vazhdueshëm me SHBA-në dhe shprehu besimin e saj të plotë në administratën e presidentit amerikan, Donald Trump, duke e cilësuar partneritetin me SHBA-në si shtyllë kyçe të politikës së jashtme të Kosovës.

Continue Reading

Të kërkuara