Kronikë e zezë

Aktakuzë ndaj tre personave, dyshohet se QKUK-së iu zhvatën rreth 105.000 euro

Për shkak të keqpërdorimit të pozitës apo autoritetit zyrtar.

Published

4 years ago

April 20, 2022

UBT news

Prokuroria Themelore në Prishtinë ka ngritur sot aktakuzë ndaj tre të pandehurve me inicialet F.H., L.J. dhe Y.K., për shkak të keqpërdorimit të pozitës apo autoritetit zyrtar.

Sipas aktakuzës, më 22 dhjetor 2020, të pandehurit, në cilësinë e personave zyrtarë (IT) në QKUK, në bashkëkryerje, kanë shfrytëzuar detyrën zyrtare, me qëllim të përfitimit të kundërligjshëm të dobisë pasurore për veten apo tjetrin, duke mos i përmbushur detyrat e tyre zyrtare.

Të njëjtit, në aktivitetin e prokurimit “Furnizimi dhe montimi i Sistemit të integruar të monitorimit me kamera dhe Integrimi i sistemit të kontrollit të qasjes”, kontratë e nënshkruar në mes të QKUK dhe operatorit ekonomik “Artech”, tërë aktivitetin e kryer në dhjetor të vitit 2020, përfshirë pranimin e mallit, ekzekutimin e punimeve dhe pranimin teknik të punimeve, kanë nënshkruar një raport fiktiv.

Kjo është bërë në kundërshtim me gjendjen faktike, duke i shkaktuar dëm material QKUK-së, në shumë 104.751 euro. Prokurori i çështjes me rastin e ngritjes së aktakuzës, i ka propozuar gjykatës që të pandehurit të shpallen fajtorë dhe të dënohen sipas ligjit për veprën penale, e cila iu vihet në barrë.

Po ashtu, i njëjti ka propozuar që të pandehurve t’u shqiptohet dënimi plotësues i ndalimit të ushtrimit të funksioneve në administratën publike ose në shërbimin publik.

Kronikë e zezë

Në Mitrovicën e Jugut, sulmohen tre zyrtarë policorë

Published

4 hours ago

February 5, 2026

Safet Zejnullahu

Një burrë është arrestuar në Mitrovicën e Jugut, pasi që gjatë një kontrolli Polica ka gjetur një thikë në veturën e tij.

Sipas Raportit ditor të Policisë, i dyshuari gjatë shoqërimit në stacion ka sulmuar tre zyrtarë policorë.

Zyrtarët policorë kanë pranuar tretman mjekësor, ndërsa i dyshuari me vendim të prokurorit është dërguar në mbajtje.

“Është arrestuar i dyshuari mashkull kosovar pasi që, në veturën e tij i është gjetur një thikë, ndërsa në stacionin policor ka sulmuar fizikisht tre zyrtarë policorë. Zyrtarët policorë kanë pranuar tretman mjekësor. Me vendim të prokurorit i dyshuari është dërguar në mbajtje”, thuhet në raportin e Policisë.

Kronikë e zezë

Policia Kufitare sekuestron marihuanë në Vërmicë

Published

4 hours ago

February 5, 2026

Safet Zejnullahu

Një rast i posedimit të narkotikëve është regjistruar në Pikën e Kalimit Kufitar në Vërmicë.

Sipas informatave zyrtare, rreth orës 01:00, zyrtarët e Policisë Kufitare kanë shoqëruar në stacion policor te dyshuarin, pasi që gjatë kontrollit të veturës së tij është gjetur dhe sekuestruar 3.32 gram substancë narkotike e dyshuar e llojit marihuanë.

Me vendim të prokurorit të shtetit, rasti vazhdon të trajtohet në gjendje të lirë.

Kronikë e zezë

Vrasje në tentativë në Gjilan, dy të arrestuar pas shkëmbimit të zjarrit

Published

5 hours ago

February 5, 2026

Safet Zejnullahu

Një person ka mbetur i plagosur si pasojë e një shkëmbim zjarri në mes dy grupeve nga vetura, është raportuar në qytetin e Gjilanit.

Sipas informatave zyrtare, rasti ka ndodhur rreth orës 18:00. I plagosuri, ka pësuar lëndime trupore dhe është dërguar për trajtim mjekësor në Qendrën Klinike Universitare të Kosovës (QKUK).

Njësitet e hetuesisë kanë identifikuar tre persona të dyshuar. Dy prej tyre janë arrestuar.

Gjatë arrestimit, nga të dyshuarit janë konfiskuar 7 gëzhoja të kalibrit 9 mm, dy karikatorë me nga 18 fishekë të kalibrit 7.62 mm, telefona celularë si dhe dy vetura.

Me vendim të prokurorit të shtetit, dy të dyshuarit pas intervistimit janë dërguar në mbajtje, ndërsa hetimet lidhur me rastin po vazhdojnë.

Kronikë e zezë

Pesë person të arrestuar në 24 orët e fundit për dhunë në familje

Published

5 hours ago

February 5, 2026

ubtnews

Në Policinë e Kosovës gjatë 24 orëve të fundit janë raportuar shtatë raste për dhunë në familje.

Dy raste të dhunës në familje janë raportuar në Fushë Kosovë.

Një burrë është arrestuar në Fushë Kosovë pasi dyshohet se ka sulmuar fizikisht viktimën grua.

Sipas Policisë, viktima ka pranuar tretman mjekësor, ndërsa i dyshuari me vendim të prokurorit është dërguar në mbajtje.

“Është arrestuar i dyshuari mashkull kosovar pasi që, i njëjti dyshohet se ka sulmuar viktimën femër kosovare. Viktima ka pranuar tretman mjekësor. I dyshuari pas intervistimit me vendim të prokurorit dërgohet në mbajtje”, thuhet në Raportin e Policisë.

Rasti ka ndodhur me 04.02.2026 rreth orës 13:30.

Ndërkaq, raportohet së kanë nisur hetimet nga prokurori i rastit për një person I cili dyshohet se ka kryer veprën penale- dhunë në familje ndaj viktimës grua.

Rasti ka ndodhur më 04.02.2026 rreth orës 13:20.

“Është raportuar se i dyshuari mashkull kosovar kishte kryer veprën e lartcekur ndaj viktimës femër kosovare. Lidhur me rastin është njoftuar prokurori i cili ka urdhëruar fillimin e hetimeve”, sipas raportit 24- orësh.

Një person tjetër është arrestuar në Prishtinë, nën dyshimin se pas një mosmarrëveshje ka kanosur viktimën grua.

Pas intervistimit me vendim të prokurorit, rasti po trajtohet në gjendje të lirë.

“Është arrestuar i dyshuari mashkull kosovar pasi që i njëjti pas një mosmarrëveshje dyshohet se ka kanosur viktimën femër kosovare. Pas intervistimit , me vendim të prokurorit rasti vazhdon te trajtohet ne gjendje te lire”, thuhet në raport.

Ndërsa në Rahovec një grua është në kërkim nga Policia, pasi e njëjta dyshohet së ka kryer veprën penale dhunë në familje ndaj viktimës burrë.

Rasti ka ndodhur më 02.02.2026 rreth orës 15:00.

“Raportohet se e dyshuara femër kosovare ka kryer veprën e lartcekur ndaj viktimës mashkull kosovar. Rasti është duke u hetuar nga ekipet relevante policore, ndërsa e dyshuara ne kërkim policor”, sipas Policisë së Kosovës.

Edhe në Malishevë raportohet së një grua ka kryer veprën penal ndaj viktimës burrë.

Sipas Policisë me vendim të prokurorit pas intervistimit e dyshuara është dërguar në mbajtje.

“Viktima ka pranuar tretman mjekësor ndërsa me vendim të prokurorit e dyshuar pas intervistimit dërgohet në mbajtje” sipas raportit të fundit 24 orësh.

Në Mitrovicë një burrë është arrestuar për veprën penale-dhunë në familje.

Me vendim të prokurorit të rastit pas intervistimit, i dyshuari është dërguar në mbajtje.

Rasti ka ndodhur më 04.02.2026 rreth orës 10:00.

Ndërsa, rasti I fundit sipas raporti është regjistruar në Zveçan.

Një person dyshohet se ushtruar dhunë në familje deri sa ishte në gjendje të dehur.

Policia njofton se nuk ka persona të lënduar, ndërsa me vendim të prokurorit i dyshuari është dërguar në mbajtje.

Rasti ka ndodhur më 04.02.2026 rreth orës 04:00.