Lajmet

​Aksioni për pastrimin e Tullëtores në Prishtinë, Rama fton qytetarët ta ruajnë ambientin

Në prag të shënimit të Ditës së Tokës, Komuna e Prishtinës ka organizuar këtë aksion.

Published

4 years ago

on

Pjesëtarë të Forcave të Sigurisë së Kosovës, policë e zjarrfikës kanë marrë pjesë në pastrimin e Tullëtores në Prishtinë.

Në prag të shënimit të Ditës së Tokës, komuna e Prishtinës ka organizuar këtë aksion për largimin e mbeturinave në këtë hapësirë.

Kryetari Përparim Rama tha se aksioni i pastrimit të kësaj hapësire po organizohet një ditë para Ditës së Tokës. Ai me këtë rast kërkoi nga qytetarët dhe kompanitë e ndryshme që mbeturinat të mos hidhen në hapësira publike.

“Kemi filluar pastrimin e deponive ilegale, e të hapësirave publike. Lus qytetarët që të kenë parasysh se qyteti është i të gjithëve dhe duhet gjithë së bashku të punojmë që ta mbajmë pastër, për veten tonë, rininë tonë, për të ardhmen tonë, për çdo pjesëtar të kryeqytetit. Prandaj edhe kompanive të ndryshme i lus që të bëjnë hedhjen në deponi. I kemi dy deponi tash në Obiliq e Mirash, duhet ato të shfrytëzohen e jo të bëhet hedhje në hapësira publike. Vetëm se bashku mund të tejkalojmë problemin e madh që e ka Prishtina, vetëm së bashku mund të krijojmë një Prishtinë të mirëfilltë të përjetimeve të shëndetshme”, ka thënë ai.

Rama ka shtuar se me marrëveshjen e nënshkruar me Ministrinë e Mbrojtjes do të fillojnë realizimin e aktiviteteve për trajtimin e materialeve të cilat përmbajnë asbest.

“Ne asbestin e kemi këtu nëpër kulmet e Tullëtores. Ne e kemi nënshkruar memorandumin e mirëkuptimit me Forcat e Sigurisë së Kosovës dhe jemi tash në proces për të filluar me pikat për fillimin e pastrimit të pjesëve, të cilat janë në tokë, pastaj edhe këto të cilat kështu si janë nuk janë të rrezikshme. Mirëpo, nëse preken mund të rrezikojnë. Ideja është që të fillojmë me Tullëtore, por kemi edhe pika të tjera nëpër shkolla të cilat janë të rrezikshme për fëmijët tanë. Por edhe lagjja “Ulpiana”, e cila i ka të gjitha kulmet që i ka me azbest. Ato t’i heqim dhe t’i ndërrojmë me panele solare”, tha ai.

Ndërsa, gjenerali i Forcës së Sigurisë së Kosovës, Naim Haziri tha se janë në mbështetje të institucioneve lokale e qendrore për çdo iniciativë që është në të mirën e qytetarëve.

“Edhe Forca e Sigurisë së Kosovës, pavarësisht misionit të saj që ka, iu kemi përgjigjur dhe do t’i përgjigjemi gjithherë çdo kërkese, iniciative të nivelit lokal, nivelit qendror që shkon në funksion të një mirëqenie më të mirë të qytetarëve. Në këtë rast është filluar një ditë para, është një mesazh që dua ta përcjell dhe me mbështet mesazhin që dha kryetari, se nëse duam një qytet të pastër ne duhet ta ruajmë atë… Janë një tog që janë të bashkangjitur sot këtu, ka qenë kërkesë për aq numër nga kryetari i komunës”, tha Haziri.

Edhe komandanti i Stacionit Policor në Kodrën e Trimave, Bekim Bislimi tha se me dhjetëra policë janë bërë pjesë e aksionit të organizuar nga Komuna e Prishtinës.

“Si zakonisht Policia e Kosovës edhe këtë iniciativë e përkrah dhe e mbështet. Do të jemi të gatshëm edhe të ardhmen, çdo herë për çdo iniciativë të komunitetit që t’i përgjigjemi”, tha Bislimi.

Hapësirat e Tullëtores janë pastruar edhe nga shumë zjarrfikës, ku komandanti Latif Zeka tha se janë të gatshëm të marrin pjesë në aksione të tilla për të mirën e qytetarëve.

Related Topics:
Continue Reading

Lajmet

Rama nga Londra: Kosova s’duhet të merret me Serbinë, por të përmbushë detyrimet ndaj BE-së

Published

7 hours ago

on

October 21, 2025

By

Në Londër po zhvillohet një tryezë me temën “Ballkani Perëndimor dhe Bashkimi Europian”, ku ndër folësit kryesorë është edhe kryeministri i Shqipërisë, Edi Rama.

I pyetur për pozicionin e Kosovës në rajon dhe për ecurinë e saj drejt anëtarësimit në Bashkimin Europian, Rama u shpreh se Prishtina duhet të fokusohet tek përmbushja e detyrimeve që burojnë nga dialogu me Serbinë dhe jo tek vetë raportet dypalëshe.

“Që të jetë e suksesshme Kosova duhet të harrojë Serbinë, fjalë për fjalë dhe duhet të realizojë të gjitha pikat që kanë të bëjnë me dialogun e ndërmjetësuar nga BE-ja, pavarësisht nga Serbia, pra ata t’ia lënë topin në fushë Serbisë dhe të ecin para drejt Europës duke lënë Europën të merret me Serbinë dhe mos ta lënë çështjen e Serbisë të shndërrohet në çështje fajësimi midis të dyjave. Megjithatë, është mendimi im ky, unë respektoj atë që vendosin udhëheqësit e zgjedhur të Kosovës për vendin e tyre”, tha ai./EO

Continue Reading

Lajmet

Supremja: Pranohet ankesa e kandidatit të pavarur për kryetar të Kllokotit, rrëzohet vendimi i PZAP-së

Published

7 hours ago

on

October 21, 2025

By

Kolegji i Gjykatës Supreme e ka pranuar si të bazuar ankesën e kandidatit të pavarur për kryetar të Komunës së Kllokotit, Arber Emini, dhe ka prishur vendimin e Panelit Zgjedhor për Ankesa dhe Parashtresa (PZAP), të datës 15.10.2025.

Sipas Supremes, çështja është kthyer në rivendosje në PZAP.

“Bazuar në shkresat e lëndës, Arber Emini me datë 13.10.2025, është ankuar në PZAP, me pretendimin se “me datë 12.10.2025 në Zgjedhjet Lokale në Kllokot, Serbia ka ndërhyrë në sistemin zgjedhor në Komunën e Kllokotit, duke fabrikuar dëshmi mjekësore serbe të strukturave paralele për t’u shfrytëzuar votuesit me asistencë të përdorin këtë vërtetim mjekësor”, thuhet në komunikatë.

Më tej thuhet se Gjykata Supreme e Kosovës vlerëson se PZAP, gabimisht ka vendosur kur e ka hedhur poshtë ankesën e ankuesit, për faktin se nga pretendimet që dalin nga ankesa, i njëjti është ankuar për procesin dhe parregullsitë gjatë ditës së votimit dhe jo kundër rezultateve preliminare të tabuluara nga KQZ, ashtu siç ka pretenduar PZAP në vendimin e saj.

“Andaj, në rivendosje, PZAP, udhëzohet që t’i evitojë shkeljet e theksuara në Aktvendimin e Gjykatës Supreme, AA.nr.93/2025, dhe të vendos në mënyrë meritore lidhur me ankesën e kandidatit të pavarur për kryetar të Komunës së Kllokotit, Arber Emini”, thuhet në njoftim.

Zgjedhjet e rregullta komunale janë mbajtur më 12 tetor./KP

Continue Reading

Lajmet

Rrahje dhe gjuajtje me armë zjarri në qendër të Podujevës, policia jep detaje

Published

7 hours ago

on

October 21, 2025

By

Pak qaste më parë ka ndodhur një rrahje dhe gjuajtje me armë zjarri në Podujevë.

Lajmin e ka konfirmuar Flora Ahmeti zëdhënëse e Policisë së Kosovës për Rajonin e Prishtinës.

Sipas Ahmetit lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast.

Ajo tha se sot rreth orës 14:30 është pranuar informata për një rrahje dhe shkrepje të armës në Podujevë.

“Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes nga një mjet i fortë (shkop) është lënduar një person i cili është dërguar për trajtimin e nevojshëm mjekësor. Lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast”, thuhet në përgjigjen e zëdhënëses Ahmeti.

Ajo ka shuar se aktualisht policia po vazhdon punën për zbardhjen e rrethanave dhe motiveve që karakterizojnë ngjarjen./KP

Continue Reading

Lajmet

​Vdes në moshën 29-vjeçare kampioni amerikan i shahut

Published

8 hours ago

on

October 21, 2025

By

Kampioni amerikan i shahut dhe komentatori online Daniel Naroditsky ka ndërruar jetë në moshën 29-vjeçare.

Sipas BBC, familja e tij e përshkroi vdekjen si të papritur, pa dhënë shkakun.

Naroditsky ishte një lojtar i talentuar, edukator dhe komentator, i njohur për kanalin e tij në YouTube me afro 500,000 abonentë dhe stream-et në Twitch me 340,000 ndjekës.

Ai luajti një rol kyç në popullarizimin e përmbajtjes së shahut online.

Ai filloi shahun në moshën 6 vjeç, fitoi Kampionatin Botëror të të Rinjve nën 12 vjeç në 2007, dhe në 2013 u bë Grandmaster i SHBA-së. Naroditsky u diplomua në Stanford dhe punoi si trajner shahu në Charlotte, Karolina e Veriut.

Shumë kolegë dhe fansa e përshkruan si një inspirim, historian të shahut dhe dikë që e bënte lojën argëtuese dhe të thjeshtë për të gjithë./S.K/KP/

Continue Reading

Të kërkuara