Lajmet

​AAK: Qeveria të mos e neglizhojë formimin e task-forcës për energjinë elektrike

Kërkohet nga Qeveria dhe Kuvendi i Kosovës që të ndërmarrin masa për furnizim stabil me energji elektrike për qytetarët.

Published

3 years ago

on

Deputetët e Aleancës për Ardhmërinë e Kosovës sot kanë realizuar takim me drejtuesit e KEDS-it, për çështje që ndërlidhen me energjinë elektrike. Ata me këtë rast kërkuan që Qeveria të mos e neglizhojnë formimin e task-forcës për energji elektrike.

Shefi i Grupit Parlamentar të AAK, Besnik Tahiri pas takimit ka kërkuar nga Qeveria dhe Kuvendi i Kosovës që të ndërmarrin masa për furnizim stabil me energji elektrike për qytetarët.

“Ajo që neve na intereson është se çka duhet të bëjë Kuvendi i Kosovës, çka duhet të bëjë Qeveria që të ketë rrymë për qytetarët e Kosovës”, tha ai.

Tahiri shtoi se në takim kanë ngritur si shqetësim tri çështje për energjinë elektrike.

“Sot takuam drejtorin e KEDS-it nga i cili u informuam për punën dhe zhvillimin dhe përgatitjet për sezonin e dimrit. Ne ngritëm si çështje se sa është përgatitur KEDS-i në mënyrë që qytetarët e Kosovës të kenë energji elektrike dhe çështja e dytë kishte të bëjë drejtpërdrejt me raportet me KEK-un dhe Qeverinë. Dhe, së treti, u interesuam nëse ka ndonjë veprim bashkë me Qeverinë në raport me kontratave afatgjatë”, tha Tahiri.

Tahiri shtoi se Qeveria e Kosovës duhet urgjentisht të nisë themelimin e task forcës.

“Ne kërkojmë nga Qeveria që urgjentisht të nisë themelimin e task-forcës, në mënyrë që të ballafaqohet më një problem që do të jetë real”, tha ai.

Ndërkaq deputeti tjetër i AAK-së Pal Lekaj theksoi se Qeveria nuk e ka bërë asnjë hap për kontrata afatgjata, çka sipas tij çmimi i energjisë elektrike mund të rritet.

“Sa i përket vizitës së stome ne ishim që të komunikojmë dhe të informohemi drejt dhe mirë për përgjegjësinë që e ka KEDS-i, sa i përket shtrirjes së rrjetit dhe mirëmbajtjes së rrjetit, që mos të ketë avari dhe këta të përgatiten me kohë. Mirëpo, ajo që morëm si informacion, e tha edhe me të drejtë edhe shefi i grupit parlamentar se KEDS-i është i shqetësuar sa i përket furnizimit me rrymë, pasi Qeveria nuk ka ndërmarrë asnjë hap për kontrata afatgjate, sepse nëse tri ditë ka qenë MW 257 euro, sot është 404 euro. Paramendoje, në ditët në vijim sa mund të shtrenjtohet (rryma), dhe ne lusim qeverinë që të merr hapat e duhur, që të mos të vijë që ne të kemi krizë energjetike”, tha ai.

Related Topics:
Continue Reading

Rajoni

Me shumicë votash, Vesa Shatri zgjidhet Kryetare e re e Këshillit Studentor të UBT-së

Published

3 hours ago

on

December 3, 2025

By

Këshilli Studentor i UBT-së ka zhvilluar procesin zgjedhor për përzgjedhjen e përfaqësuesve të rinj të studentëve, në një proces të drejtë, transparent dhe të monitoruar nga autoritetet akademike të institucionit. Me shumicë votash, Vesa Shatri është zgjedhur Kryetare e Këshillit Studentor të UBT-së, duke marrë besimin e studentëve për të udhëhequr strukturën përfaqësuese të tyre.

Në përbërjen e re të kryesisë, janë zgjedhur këta përfaqësues:

  • Kryetare: Vesa Shatri
  • Nënkryetare: Eliona Kastrati
  • Sekretar: Mal Shehu
  • Këshilli Akademik: Ema Spahija
  • Komisioni për Ankesa: Elena Jashanica
  • Komisioni i Cilësisë: Odesa Mala
  • Komisioni Disiplinor: Rizgjim Sejdiu
  • Komisioni i Etikës: Arianit Hasani

Procesi zgjedhor u mbikëqyr nga përfaqësues të lartë të UBT-së, përfshirë Prorektorin e UBT-së, Prof. Dr. Binak Beqaj, sekretarin e institucionit, Prof. Dr. Artan Tahiri, këshilltarin në Zyrën e Rektorit, Prof. Dr. Elmi Kelmendi, koordinatoren për Çështje Akademike në UBT, Mirlinda Jashanica, si dhe Ismije Pllana, nga zyra e sekretarit.

Zgjedhja e kryesisë së re vjen me synimin që përfaqësimi i studentëve të jetë sa më efektiv, gjithëpërfshirës dhe i orientuar drejt përmirësimit të vazhdueshëm të jetës akademike e studentore në UBT. Përfaqësuesit e rinj do të angazhohen për të qenë zëri i studentëve, për të adresuar kërkesat e tyre dhe për të bashkëpunuar ngushtë me menaxhmentin e institucionit.

Në fjalën e saj, Kryetarja e re, Vesa Shatri, falënderoi studentët për besimin dhe theksoi angazhimin e saj për të mbrojtur interesat e tyre dhe për të ndërtuar ura komunikimi të qëndrueshme mes studentëve dhe strukturave drejtuese të UBT-së.

Continue Reading

Lajmet

BE-ja i kërkon KPK-së zbatimin e plotë të reformave: Shteti ligjor, parakusht i domosdoshëm për integrim

Published

3 hours ago

on

December 3, 2025

By

Zyra e Bashkimit Evropian ka njoftuar se në takimin e zhvilluar me Këshillin Prokurorial të Kosovës, u është bërë thirrje të gjithë anëtarëve të tij t’i zbatojnë plotësisht reformat e KPK-së.

Në njoftimin e lëshuar nga kjo zyrë, thuhet se shteti ligjor është parakusht thelbësor për Bashkimin Evropian.

“Zyra e BE-së në Kosovë u bëri thirrje sot të gjithë anëtarëve të tij që të zbatojnë plotësisht dhe së bashku reformën e KPK-së, të sigurojnë ligjshmërinë e vendimeve të tyre, të veprojnë me integritet dhe të mbrojnë besimin e publikut në sistemin e drejtësisë”, thuhet në njoftim.

Pas shkarkimit të u.d. së kryeprokurorit Besim Kelmendi dhe përplasjeve brenda KPK-së, Zyra e BE-së dje ka kërkuar takim urgjent me të gjithë anëtarët.

Ndërsa tri organizata të shoqërisë civile kanë paralajmëruar për rritje të rrezikut të kundërligjshmërisë në KPK.

Për këtë arsye ato kanë kërkuar ndërhyrjen e gjykatës./EO

Continue Reading

Lajmet

​Certifikohet NISMA

Published

5 hours ago

on

December 3, 2025

By

Komisioni Qendror i Zgjedhjeve ka certifikuar sot subjektin politik Nisma Socialdemokrate, për pjesëmarrje në zgjedhjet e parakohshme parlamentare të 28 dhjetorit.

Drejtori i Zyrës për Regjistrim, Certifikim dhe Kontrollin Financiar të Subjekteve Politike, Besnik Buzhala tha se Nisma ka përmbushur të gjitha kriteret sipas ligjit për zgjedhje dhe ka paguar taksën për certifikim.

“Periudha e certifikimeve politike ka përfunduar me 30 nëntor. Subjekti politik NISMA ka përmbushur kriteret për certifikim duke dorëzuar listën e nënshkrimeve dhe mbështetësve dhe ka paguar taksën për certifikim. Nuk ka gjoba nga PZAP, KQZ dhe Zyra”, tha Buzhala.

Më 2 dhjetor 2025, KQZ mori vendim për certifikimin e 22 subjekteve politike, 16 parti politike; tri koalicione, dy iniciativa qytetare dhe një kandidat i pavarur për pjesëmarrje në zgjedhjet e dhjetorit, ndërsa nuk e ka certifikuar Listën Serbe./KP

Continue Reading

Lajmet

Lista Serbe fton konferencë për media pas moscertifikimit nga KQZ

Published

5 hours ago

on

December 3, 2025

By

Lista Serbe, ka njoftuar se sot më 03.12.2025, në ora 15:00, në selinë e partisë do të mbajnë konferencë për media.

Sipas njoftimit, drejtuesit do të flasin për vendimin nga KQZ-ja i cili siç pretendojnë ata ka penguar pjesëmarrjen e subjektit në zgjedhjet e parakohshme parlamentare të 28 dhjetorit 2025, transmeton KosovaPress.

“Udhëheqja e Listës Serbe do të mbajë një konferencë të jashtëzakonshme për media, ku do të flasë për vendimin joligjor për të penguar pjesëmarrjen e Listës Serbe në zgjedhjet e parakohshme parlamentare më 28 dhjetor 2025” thuhet në njoftimin e partisë.

Ndërsa dje gjatë mbledhjes së dytë lidhur me përgatitjet për procesin zgjedhor, KQZ-së nuk ka certifikuar Listën Serbe për zgjedhjet e parakohshme parlamentare të 28 dhjetorit.

KQZ votoi certifikimin ndaras për partitë politike, meqë rast Lista Serbe me 2 vota për, 2 kundër dhe 7 abstenime nuk u certifikua./KP

Continue Reading

Të kërkuara