

Published
3 years agoon
By
UBT newsPresidenti Vladimir Putin ka paralajmëruar se është gati të përdorë armë bërthamore për të mbrojtur Rusinë, ndërsa vazhdon agresionin në Ukrainë. Ai paralajmëroi se nuk po bën blof. SHBA-të dhe NATO-ja po e shqyrtojnë situatën me seriozitet, thotë Këshilltari i Sigurisë Kombëtare, Jake Sullivan.
“Jam shprehur qartë. Presidenti Biden dhe administrata janë shprehur qartë, se ekziston një rrezik, duke pasur parasysh bisedat pa dorashka të Putinit lidhur me përdorimin e armëve bërthamore. Ne jemi shprehur mjaft qartë se cilat do të ishin pasojat. Ua kemi komunikuar drejtpërdrejt rusëve”.
Kërcënimi bërthamor
Sipas doktrinës së Moskës për përdorimin e armëve bërthamore, ato aktivizohen pas një “agresioni kundër Federatës Ruse me armë konvencionale, kur kërcënohet vetë ekzistenca e shtetit”. Pretendimet e Kremlinit për 18% të territorit të Ukrainës e kanë shtuar rrezikun, pasi Moska mund të konsiderojë çdo sulm në këto territore si sulm ndaj vetë Rusisë.
Madje disa gazeta britanike sugjerojnë se Putini mund të jetë duke planifikuar një provë bërthamore në kufirin e Ukrainës. Kremlini i cilëson raportimet si “retorikë bërthamore”.
Arsenali bërthamor
Presidenti Putin kontrollon arsenalin më të madh bërthamor në botë, një gjeneratë të re armësh hipersonike dhe armë më të vogla bërthamore taktike. Rusia ka 5,977 mbushje bërthamore. SHBA-ja ka 5,428, Kina ka 350, Franca ka 290 dhe Mbretëria e Bashkuar ka 225, sipas Federatës së Shkencëtarëve Amerikanë.
Çfarë ka në mendje Putini? E vështirë përgjigja për analistët bërthamorë!
Armët bërthamore taktike, të ndërtuara me qëllim përdorimi në fushëbetejë, kanë fuqi shkatërruese shumë herë më të vogël se mbushjet bërthamore strategjike. Ato mund të lëshohen nga deti, ajri ose toka, megjithëse efektiviteti i tyre është një çështje debati mes ekspertëve ushtarakë.
Por një armë bëthamore mund të aktivizohet mbi një zonë të largët, të pabanuar ose pellg ujor si Deti i Zi, si një demonstrim rrënqethës i qëllimit. Radiacioni bërthamore do të përhapej brenda një perimetri prej afro një kilometër.
Reagimi i Perëndimit
“Amerika është tërësisht e përgatitur për të mbrojtur çdo pëllëmbë të territorit të NATO-s. Pra, zoti Putin mos i keqkuptoni ato që po them. Çdo pëllëmbë”, tha Presidenti Joe Biden.
NATO-ja dhe SHBA-të nuk kanë dhënë detaje se si do t’i përgjigjen një sulmi bërthamor rus ndaj Ukrainës, por Uashingtoni thotë se e ka sqaruar Moskën lidhur me “pasojat katastrofike” që do të pasonin.
Reagimet mund të varionin nga joushtarake, në një përgjigje ushtarake konvencionale të Uashingtonit ose NATO-s, që do të thotë luftë e drejtpërdrejt me Moskën, ose në një sulm bërthamor, që rrezikon përshkallëzime serioze dhe të menjëhershme.
“Mesazhi ynë është se çdo përdorim i armëve bërthamore është absolutisht i papranueshëm dhe do të ndryshojë tërësisht natyrën e konfliktit. Rusia duhet ta dijë se një luftë bërthamore nuk mund të fitohet dhe kurrë nuk duhet të fillohet”, tha Sekretari i Përgjithshëm i NATO-s, Jens Stoltenberg./VOA/
Aktualitet
Nura për propozimin e Dimal Bashës: Surprizë e pakëndshme, madje edhe për vetë VV-në
Published
3 minutes agoon
August 26, 2025By
UBT News
Deputeti i Partisë Demokratike të Kosovës (PDK), Jakup Nura, ka kritikuar ashpër propozimin e Lëvizjes Vetëvendosje për Dimal Bashën si kandidat për kryetar të Kuvendit, duke e cilësuar atë si një surprizë të pakëndshme, madje edhe për vetë VV-në.
“Propozimi i VV-së është për të ardhur keq. Ata kanë sjellë një emër që i ka befasuar edhe vetë. Besoj se as votat e Vetëvendosjes nuk do të shkonin për Dimal Bashën. Për ne ka qenë një befasi e madhe”, tha ai.
Në ushtri kemi një shprehje: ‘Më mirë është një luan që udhëheq 100 gomarë, sesa një gomar që udhëheq 100 luanë.’ Tash, që Dimal Basha të jetë i pari i Kuvendit, është një fyerje për votuesit e VV-së dhe për gjithë qytetarët e Kosovës,” ka deklaruar Nura.
Aktualitet
Raporti 24 orësh nga Policia e Kosovës
Published
17 minutes agoon
August 26, 2025By
UBT News
Në raportin e fundit 24 orësh nga Policia e Kosovës, në disa qytete të Kosovës ka pasur incidente kriminale dhe shifra të larta të gjobave të shqiptuara në kundërvajtje.
AKSIDENTE TRAFIKU DHE GJOBA
Gjatë 24 orëve të fundit janë shqiptuar 2376 tiketa trafiku, janë shkaktuar 40 aksidente me dëme materiale dhe 21 aksidente me të lënduar. Zyra e Informimit nga PK ka njoftuar se 18 persona janë arrestuar, kurse 12 janë dërguar në mbajtje.
INCIDENTET KRIMINALE-PRISHTINË
FALSIFIKIM I PARASË
Prishtinë / 25.08.2025-11:30. Ankuesja femer kosovare ka raportuar se klientë të ndryshëm në bankomat kanë deponuar një shumë të hollash në forma të ndryshme (kartëmonedha dhe metalike), të cilat dyshohet se janë falsifikuara. Monedhat e dyshuara janë sekuestruar për ekzaminime të mëtutjeshme. Lidhur me rastin është informuar edhe prokurori, ndërsa njësitet policore janë duke hetuar rastin.
POSEDIM I NARKOTIKËVE
Podujevë 25.08.2025, 22:50. Është shoqëruar në stacionin policor i dyshuari mashkull kosovar pasi që gjatë kontrollës tek i njëjti është gjetur dhe sekuestruar substancë e dyshuar narkotike e llojit kokainë me peshë rreth 3.90 gram. Me vendim të prokurorit pas intervistimit rasti procedohet në procedurë të rregullt.
VJEDHJE E RËNDË
Prishtinë / 25.08.2025 – 03:30. Viktima mashkull kosovar ka raportuar se persona të panjohur kanë depërtuar në shtëpinë e tij dhe kishin vjedhur: stoli ari dhe bizhuteri te ndryshme, po ashtu gjesende të tjera personale në Vlerë të konsiderueshme. Njësitë relevante policore kanë dalë në vendin e ngjarjes dhe janë duke e hetuar rastin për të cilin është njoftuar edhe prokurori.
POSEDIM & PËRDORIM I PAAUTORIZUAR I ARMËS & SULM
Fushë Kosovë / 25.08.2025 – 01:20. Njësitet policore pas pranimit të informatës lidhur me rastin kanë dalë në vendin e ngjarjes dhe kanë takuar dy të dyshuarit meshkuj kosovarë të cilët kishin pasur konflikt në mes veti. Njësitet policore, tek të dyshuarit kanë gjetur dhe konfiskuar; te njëri një pistoletë të tipi Glock-19, (me leje), me të cilën dyshohet se kishte shtënë në ajër, 12-fishekë dhe 1-gëzhoj, ndërsa tek tjetri kanë gjetur një mjet të mprehtë-thikë dhe një boks metali.Nuk raportohet për të lënduar, ndërsa në konsultim me prokurorin, të dyshuarit pas intervistimit janë liruar në procedurë të rregullt.
SHKAKTIM I RREZIKUT TË PËRGJITHSHËM
Obiliq / 25.08.2025-14:00. Viktima mashkull kosovar derisa ishte duke punuar në automjetin e tij ka pësuar lëndime trupore. Viktima është dërguar për tretman në QKUK, dhe sipas mjekut kujdestar I njëjti ishte pa shenja jete. Me vendim të prokurorit trupi i pa jetë i viktimës është dërguar në IML për obduksion.
HETIM MBI VDEKJEN
Podujevë 25.08.2025, 16:40. Është raportuar se viktima mashkull kosovar është gjetur pa shenja jete. Në vendin e ngjarjes kanë dal njësitet policore si dhe emergjenca ku nga mjeku kujdestar është konstatuar vdekja e viktimës. Me vendim të prokurorit trupi i pa jetë është dërguar në IML për obduksion.
DHUNË NË FAMILJE
Fushë Kosovë 25.08.2025, 12:00. Ankuesja femër kosovare ka raportuar se pas një mosmarrëveshje është sulmuar fizikisht nga i dyshuari mashkull kosovar. Pas intervistimit të palëve me vendim të prokurorit rasti procedohet në procedurë të rregullt.
Podujevë 25.08.2025 20:47 Ankuesja femër kosovare ka raportuar se i dyshuari mashkull kosovar, kishte tentuar ta sulmonte fizikisht. I dyshuari është dërguar për tretman mjekësor, ndërsa me vendim të prokurorit rasti procedohet në procedurë të rregullt.
Prishtinë 25.08.2025 18:00 Ankuesja femër kosovare ka raportuar se pas një mosmarrëveshje është sulmuar nga i dyshuari mashkull kosovar. I dyshuari është dërguar për tretman mjekësor, ndërsa me vendim të prokurorit rasti procedohet në procedurë të rregullt.
INCIDENTE KRIMINALE-GJILAN
VDEKJE E DYSHIMTË
Gjilan / 25.08.2025-09:50. Njësitet policore pas pranimit të informatës lidhur me rastin, kanë dalë në vendin e ngjarjes dhe kanë gjetur pa shenja jete viktimën femër kosovare. Vdekjen e viktimës e ka konstatuar ekipi mjekësor në vendin e ngjarjes, ndërsa me vendim të prokurorit, trupi i pa jetë i viktimës është dërguar në IML për obduksion.
INCIDENTE KRIMINALE-FERIZAJ
MARRJA NË POSEDIM E PASURISË SË LUAJTSHME
Ferizaj / 24.08.2025-10:10. Me 25.08.2025 është arrestuar i dyshuari mashkull kosovar, pasi i njëjti kishte kryer veprën e lartcekur ndaj viktimës mashkull kosovar. Me vendim të prokurorit, i dyshuari pas intervistimit është dërguar në mbajtje.
DHUNË NË FAMILJE&ARMËMBAJTJE PA LEJE
Ferizaj 24.08.2025, 15:00. Ankuesja femër kosovare ka raportuar se i dyshuari mashkull kosovar ka kryer vepren e lartcekur ndaj saj. Nën dyshimin se personi posedon armë është bërë bastisja në vendin e tij të punës ku gjatë kontrollit janë gjetur dhe sekuestruar dy armë zjarri pistoletë me karikator, 28 fishekë, një fishek tjeter si dhe një leje për armë shenjtërie. I dyshuari është shoqëruar në stacionin policor dhe pas intervistimit me vendim të prokurorit rasti procedohet në procedurë të rregullt.
INCIDENTET KRIMINALE-PEJË
HETIM I VDEKJES
Klinë NN. Ankuesja femër kosovare ka raportuar se viktima mashkull kosovar dyshohet se është pa shenja jete. Në vendin e ngjarjes kanë dal njësit përkatëse ku mjeku kujdestar ka konstatuar vdekjen e viktimës. Me vendim të prokurorit trupi i pa jetë është dërguar në IML për obduksion.
INCIDENTET KRIMINALE-PRIZREN
KANOSJE&ARMËMBAJTJE PA LEJE
Suharekë 25.08.2025, 19:50. Ankuesi mashkull kosovar ka raportuar se pas një mosmarrëveshje i dyshuari mashkull kosovar ka shtënë me armë zjarri në drejtim të dyshemesë. Në vendin e ngjarjes është gjetur dhe sekuestruar një gëzhojë si dhe një fishek. Po ashtu është sekuestruar arma pistoletë me gas e cila është përdorur në rast si dhe një armë AK-47. I dyshuari është arrestuar dhe pas intervistimit me vendim të prokurorit është dërguar në mbajtje.
HETIM MBI VDKJEN
Prizren / 25.08.2025 – NN. Është raportuar se viktima mashkull kosovar është gjetur pa shenja jete. Njësitë relevante policore kanë dalë në vendin e ngjarjes dhe ekipi mjekësor ka konstatuar vdekjen e viktimës. Me urdhër të prokurorit trupi i pajetë i viktimës është dërguar në IML për obduksion.
VRASJE NË TENTATIVË & LËNDIM I LEHTË TRUPOR
Prizren / 25.08.2025-02:30. Janë arrestuar dy të dyshuar meshkuj kosovarë pasi të njëjtit pas një mosmarrëveshje, kanë sulmuar dy viktima meshkuj kosovarë. Si pasojë viktimat kanë pësuar lëndime trupore. Me vendim të prokurorit, dy të dyshuarit pas intervistimit janë dërguar në mbajtje.
GRABITJE
Prizren/24.08.2025, 15:20. Pas hetimeve të zhvilluara lidhur me rastin janë identifikuar dhe arrestuar dy të dyshuar meshkuj dhe të njëjtit pas intervistimit me vendim të prokurorit janë dërguar në mbajtje.
INCIDENTET KRIMINALE-MITROVICË JUG
VJEDHJE E RËNDË
Skenderaj / 25.08.2025. Ankuesi mashkull kosovar ka raportuar se persona të panjohur pasi kanë thyer derën e hyrjes së objektit, kanë vjedhur para të gatshme. Lidhur me rastin është informuar edhe prokurori, ndërsa njësitet policore janë duke hetuar rastin.
INCIDENTET KRIMINALE-MITROVICË VERI
NXITJE E PËRQARJES DHE MOS DURIMIT
Leposaviq 25.08.2025, 21:30. Është shoqëruar në stacionin policor e dyshuara femër pasi që e njëjta në muret e një shtëpie të pa banuar kishte shkruar mbishkrime me përmbajtje provokuese. Me vendim të prokurorit rasti procedohet në procedurë të rregullt.
INCIDENTET KRIMINALE-DEPARTAMENTI I POLICISË KUFITARE
KALIM I PAAUTORIZUAR I KUFIRIT
Hani i Elezit / 25.08.2025: 11:10. Njësitet gjatë patrullimit kanë ndaluar të dyshuarin mashkull shtetas I huaj, nën dyshimin se i njëjti ka kaluar kufirin kundërligjshëm. Në konsultim me prokurorin, i dyshuari pas intervistimit është liruar në procedurë të rregullt.
Aktualitet
Master në UBT – Zhvillo aftësitë që kërkon tregu global në programin Sistemet e Informacionit dhe Menaxhment
Published
55 minutes agoon
August 26, 2025By
Driton Iseni
UBT ofron programin e nivelit master Sistemet e Informacionit dhe Menaxhment, program ky që ofron zgjidhje adekuate për të ardhmen tuaj profesionale, në ndërlidhjen unike që ka bërë ky fakultet mes biznesit dhe teknologjisë.
Përmes këtij programi, studentët e UBT-së do të kenë mundësi të perfeksionojnë njohuritë e tyre të fushës së sistemeve të informacionit, duke përfshirë ato për biznes, biblioteka dhe arkivim, siguri dhe privatësi të informacionit, sistemet gjeografike të informacionit, statistika, si dhe procesim i të dhënave dhe simulimi.
Infrastruktura moderne dhe laboratorët me pajisjet më inovative të teknologjisë së fundit, studentëve të këtij programi iu japin mundësi që të realizojnë punën praktike krahas asaj teorike përgjatë vitit akademik.
Të diplomuarit e këtij programi studimi janë kërkesë e tregut, në saje të zhvillimit të strategjisë së UBT-së për programet më unike që janë trend në gjithë botën, nga ku nivelin e punësimit të studentëve të UBT-së e ka ngritur në 98%.
Bota
Trump shkarkon guvernatoren e Rezervës Federale, Cook : S’kam ndërmend të dorëhiqem
Published
2 hours agoon
August 26, 2025By
UBT News
Presidenti Donald Trump deklaroi se ka shkarkuar guvernatoren e Rezervës Federale (Fed), Lisa Cook, një veprim historik, pasi është hera e parë në 111 vite që një president shkarkon një anëtar të bordit të bankës qendrore amerikane.
Lëvizja shënon një përshkallëzim të ndjeshëm të tensioneve midis Trump dhe Fed-it, të cilin ai e ka kritikuar shpesh për mosuljen e mjaftueshme të normave të interesit.
Cook është përballur kohët e fundit me akuza për mashtrim hipotekor, të ngritura fillimisht nga drejtori i agjencisë federale të strehimit, Bill Pulte. Departamenti i Drejtësisë ka njoftuar se do të hetojë pretendimet, por ajo nuk është akuzuar për asnjë shkelje deri më tani.
Në një deklaratë të publikuar nga avokatët e saj, Cook reagoi:“Presidenti Trump ka pretenduar se më shkarkon ‘me shkak’, ndërkohë që nuk ekziston asnjë shkak ligjor për këtë, dhe ai nuk ka autoritetin për të më shkarkuar. Nuk do të jap dorëheqjen. Do të vazhdoj të ushtroj detyrat e mia për të ndihmuar ekonominë amerikane, siç kam bërë që prej vitit 2022.”
Rezerva Federale nuk ka komentuar mbi zhvillimet. Ende nuk është e qartë nëse presidenti ka autoritetin ligjor për ta shkarkuar Cook. Ligji lejon shkarkimin vetëm “me shkak”, por nuk përkufizon qartë se çfarë përbën një “shkak”.
Në letrën e tij drejtuar Cook, Trump shkruan: “Kam vendosur që ka arsye të mjaftueshme për t’ju larguar nga pozicioni.”
Ai shton se veprimet e saj tregojnë pakujdesi të rëndë financiare dhe e vënë në dyshim integritetin e saj.
Sipas një hetimi të CNN, Cook kishte marrë dy kredi për prona të ndryshme, të dyja të deklaruara si banesa kryesore, por nuk dihet nëse kjo ishte bërë me qëllim apo jo.
Cook, e emëruar në vitin 2022 nga Presidenti Joe Biden, është gruaja e parë me ngjyrë që ka shërbyer ndonjëherë si guvernatore në bordin e Fed-it.
Sipas avokatit të saj, Abbe David Lowell, do të ndërmerren të gjitha veprimet e nevojshme për të ndaluar këtë veprim të paligjshëm të presidentit..

Nura për propozimin e Dimal Bashës: Surprizë e pakëndshme, madje edhe për vetë VV-në

Raporti 24 orësh nga Policia e Kosovës

Leon Avdullahu zgjedh Kosovën, reagon Federata Zvicerane e Futbollit

Master në UBT – Zhvillo aftësitë që kërkon tregu global në programin Sistemet e Informacionit dhe Menaxhment

Lucas Vazquez gjen shtëpi të re te Bayer Leverkusen pas 17 vitesh në Real Madrid

Leon Avdullahu zgjedh Kombëtaren e Kosovës, refuzon Zvicrën

Mërgim Berisha në shënjestër të Kasımpaşas, oferta e parë e klubit turk

Lista e Ancelottit për ndeshjet e shtatorit, mungojnë yjet e Brazilit

Sulmuesi i Kosovës, Ermal Krasniqi, transferohet në Poloni
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA