Presidentja e Republikës së Kosovës Vjosa Osmani dhe ambasadorët e akredituar, kanë bërë homazhe te varri i Presidentit Ibrahim Rugova, në përvjetorin e vdekjes së tij.

Ibrahim Rugova, presidenti i parë i Kosovës pas luftës, vdiq më 21 janar 2006. Ai ishte një lider pacifist dhe diplomat, i njohur për angazhimin e tij për pavarësinë e Kosovës dhe udhëhoqi vendin gjatë periudhës së administratës ndërkombëtare (UNMIK), duke kontribuar në krijimin e kushteve për shpalljen e pavarësisë në vitin 2008.

Policia e Kosovës ka njoftuar për një vrasje në tentativë në Gjakovë.

Sipas policisë dy ankuesit meshkuj kosovarë kanë raportuar se derisa kanë qenë me veturë, të dyshuar të panjohur kanë shtënë me armë zjarri në drejtim të tyre.

Policia ka bërë me dije se në vendin e ngjarjes kanë dalur njësitet përkatëse ku kanë gjetur disa gëzhoja.

“Nuk raportohet për të lënduar. Lidhur me rastin është njoftuar prokurori. Rasti në procedurë hetimore”, thuhet në njoftim.

Komisioni Qendror i Zgjedhjeve sot mban mbledhjen e radhës ku në rend dite janë katër pika.

Sipas KQZ-së ndër pikat që pritet të shqyrtohen janë miratimi i rekomandimit për pranimin dhe vlerësimin e dërgesave postare në institucionin e Avokatit të Popullit.

Poashtu do të shqyrtohet edhe miratimi i planit të prokurimit 2025.

Këtë të martë shënohen 14 vite nga protesta e 21 janarit e cila doli jashtë kontrollit dhe në momentet e mbylljes së saj u vranë 4 persona ndërsa u dhunuan shumë të tjerë.

Protesta e 21 janarit 2011 u thirr pas videos së famshme të Zv. Kryeministrit Ilir Meta me ministrin Dritan Prifti.

Kryeministri Edi Rama ka reaguar në rrjete sociale në këtë 14-vjetor me një status në rrjete sociale me shprehjen ‘drejtësia vonon por nuk harron’.

Statusi i Ramës

21 Janar

“Drejtësia vonon po nuk harron”, thotë populli dhe sot kush po e vonon drejtësinë për 21 janarin, nuk duhet të harrojë se fëmijët e dëshmorëve po bëhen prindër duke pritur drejtësinë…

——————————————————————————————————

Kujtojmë që Gjykata e Strasburgut i hapi rrugë hetimeve nga SPAK, duke regjistruar procedimin penal me datë 15 korrik 2024, edhe pas një vendimi të Gjykatës së Lartë, për 3 vepra penale “Vrasja në rrethana të tjera cilësuese”, e kryer në bashkëpunim, kundër dy ose më shumë personave dhe në mënyrë të rrezikshme për jetën e shumë personave, “Shpërdorim i detyrës”, e kryer në bashkëpunim dhe “Kryerja e veprimeve që pengojnë zbulimin e së vërtetës”, e kryer në bashkëpunim.