Lajmet

24 vjet nga masakra e 22 majit në Vushtrri

Në mesin e të ekzekutuarve kishte femra dhe fëmijë të moshës 15-vjeçare, si dhe pleq e plaka.

Published

3 years ago

May 22, 2023

Betim Gashi

Krahas fshatrave, ushtarët dhe policët serbë gjatë luftës në Kosovë, kanë masakruar shumë shqiptarë civil edhe në qytete. Njëra nga këto masakra është edhe ajo e kryer në Vushtrri më 22 maj të vitit 1999.

Gjatë kësaj dite (22 maj), qytetarët e Vushtrrisë, kanë përjetuar tmerr të rëndë nga makineria vrastare e Sllobodan Millosheviqit dhe njësitë e Arkanit. Në këtë ditë, shumicën e qytetarëve i kanë larguar me forcë nga shtëpitë e tyre, dhe i kanë detyruar të grumbullohen te vendi i njohur “Te varrezat” në qytetin e Vushtrrisë.

Familjet në ish rrugën “Abdullah Shabani”, tani rruga “22 Maji”, janë larguar nga shtëpitë e tyre. Mirëpo, një grup shqiptarësh prej 68 vetash, i kanë detyruar të ndalen në shtëpinë e Kahriman Pasomës. Ndërsa, të tjerët e kësaj lagjeje i kanë detyruar të shkojnë te vendi i quajtur “Te varrezat” në Vushtrri.

Gjatë kësaj kohe, janë plaçkitur dhe u janë marrë para e gjësende me vlerë, si ari etj. “Te varrezat”, të grumbulluarit i kanë ndarë në tri grupe: Gratë me fëmijë deri në moshën 15 vjet, Të moshës së re dhe mesatare dhe Të moshuarit.

Disa nga të grumbulluarit, rreth 1000 veta, i dërguan në sallën e sportit, ku i kanë torturuar në forma të ndryshme, dhe pastaj, disa i kanë dërguar në burgun e Smrekonicës (fshat në veri të Vushtrrisë) dhe disa të tjerë për në Shqipëri.

Nga gjithë kjo katrahurë e dhimbshme, më së rëndi dhe më së keqi kanë pësuar 68 shqiptarët që kishin mbetur në shtëpinë e Kahriman Pasomës. Pengmarrësit shqiptarë janë torturuar në forma çnjerëzore, pastaj janë ekzekutuar të gjithë, shumica me një plumb në kokë – në ballë. Në mesin e të ekzekutuarve kishte femra dhe fëmijë të moshës 15-vjeçare, si dhe pleq e plaka.

Të vrarët në këtë masakër janë:

1. Ali (Ibrahim) Melenica (58 vjeç)

2. Hasan (Ibrahim) Melenica (51 vjeç)

3. Shaban (Ibrahim) Melenica (49 vjeç)

4. Nistret (Ali) Melenica (31 vjeç)

5. Shefki (Musli) Melenica (22 vjeç)

6. Ibrahim (Bajram) Zeqiri (36 vjeç)

7. Driton (Rifat) Murseli (27 vjeç)

8. Rafet (Qazim) Behrami (53 vjeç)

9. Burim (Rafet) Behrami (17 vjeç)

10. Kemajl (Tefik) Tërnava (41 vjeç)

11. Isak (Sylë) Maçastena (33 vjeç)

12. Fehmi (Ukshin) Musa (37 vjeç)

13. Arsim (Ismajl) Musa (20 vjeç)

14. Xhafer (Ramadan) Shaqiri (18 vjeç)

15. Rrahim (Ali) Shatrolli (43 vjeç)

16. Muharrem (Hamdi) Bajrami(32 vjeç)

17. Lulzim (Hamdi) Bajrami (27 vjeç)

18. Naim (Osman) Bajrami (37 vjeç)

19. Afrim (Osman) Bajrami (31 vjeç)

20. Hamit (Adem) Halili (60 vjeç)

21. Hilmi (Hamit) Halili (27 vjeç)

22. Hamdi (Ragip) Dallku (62 vjeç)

23. Agim (Hamdi) Dallku (26 vjeç)

24. Bashkim (Hamdi) Dallku (23 vjeç)

25. Jeton (Rifat) Vërbovci (33 vjeç)

26. Arsim (Hazir) Sejdiu (33 vjeç)

27. Zeqir (Rexhep) Kadriu (46 vjeç)

28. Ferki (Zeqir) Kadriu (58 vjeç)

29. Haki (Zeqir) Kadriu (16 vjeç)

30. Shahin (Xhevat) Feka (40 vjeç)

31. Ekrem (Jahir) Feka (30 vjeç)

32. Miradie (Hajzer) Feka (62 vjeç)

33. Bedri (Ramadan) Kutllovci (38 vjeç)

34. Bujar (Dibran) Krasniqi (19 vjeç)

35. Faik (Raif) Mulaku (57 vjeç)

36. Driton (Shaban) Merovci (31 vjeç)

37. Mensur (Ferat) Gërguri (35 vjeç)

38. Brahim (Rrahim) Maloku (48 vjeç)

39. Arian (Emurullah) Prokupla(30 vjeç)

40. Shahidin (Shefqet) Maxhuni(20 vjeç)

41. Murat (Ferat) Tiriqi (24 vjeç)

42. Serhat (Ferat) Tiriqi (22 vjeç)

43. Ahmet (Qazim ) Uka (35 vjeç)

44. Sekine (Qazim) Uka (24 vjeç)

45. Ajshe (Azem) Uka (31 vjeç)

46. Rrahim (Hasan) Shkreli (19 vjeç)

47. Bukurie (Hasan) Shkreli (16 vjeç)

48. Fatmir (Halim) Keqolli (26 vjeç)

49. Fazli (Zenel) Shabani (56 vjeç)

50. Idriz (Ragip) Hasani (21 vjeç)

51. Ramadan (Sefë) Shaqiri (50 vjeç)

52. Hajdin (Ramadan) Shaqiri (19 vjeç)

53. Besnik (Ramadan) Shaqiri (15 vjeç)

54. Naser (Arif) Zeka (25 vjeç)

55. Nexhmedin (Arif) Zeka (22 vjeç)

56. Agim (Arif) Zeka (20 vjeç)

57. Bajram (Ramadan) Meha (46 vjeç)

58. Ramadan (Bajram) Meha (15 vjeç)

59. Avdi (Hamit) Bardiqi (56 vjeç)

60. Rrahman (Idriz) Ferati (18 vjeç)

61. Zeqir (Rrahman) Zeqiri (45 vjeç)

62. Irfan (Ilaz) Zhilivoda (38 vjeç)

63. Muhamet (Ahmet) Kadriu (56 vjeç)

64. Muzafer (Avdulla ) Muhaxheri (42 vjeç)

65. Agim (Islam) Shaqiri (17 vjeç)

66. Bajram (Habib) Islami (38 vjeç)

67. Ibrahim (Habib) Islami (49 vjeç)

68. Bahri (Mahmut) Syla (24 vjeç)

Pas ekzekutimit, kufomat janë bartur me një kamion dhe janë dërguar në Serbi, përkatësisht në Batajnicë, me qëllim që të humbin gjurmët e krimit.

Dëshmitarët që kanë shkuar në shtëpinë ku është kryer krimi, kuptohet pasi janë larguar forcat pushtuese serbe dhe kufomat e të ekzekutuarve shqiptarë, tregojnë se kishte shumë gjurmë të gjakut nëpër mure, në dysheme dhe vende të tjera të shtëpisë së krimit.

Pas luftës së vitit 1999, përkatësisht deri më 2015, janë kthyer eshtrat e 67 shqiptarëve të vrarë më 22 maj 1999, dhe ka mbetur edhe një, Bukurie Shkreli, që nuk iu kanë gjetur eshtrat.

Related Topics:masakra studime te moshuar

Up Next

Protestohet kundër reformave të pensioneve franceze gjatë Festivalit në Kanë

Don't Miss

Kurti: Objektivi i radhës, funksionalizimi i aseteve të trashëgimisë kulturore

Vendi

Tre të arrestuar dhe një person në kërkim për dhunë në familje

Published

14 seconds ago

April 1, 2026

UBTNews

Në Policin e Kosovës gjatë 24 orëve të fundit janë regjistruar katër raste të dhunës në familje.

Rastete e raportuara vijn nga Drenasi, Graçnica, Kamenica dhe Peja.

Në Drenas, një burrë është arrestuar pasi dyshohet se ka ushtruar dhunë psikike ndaj një gruaje. Pas intervistimit të të dyja palëve, prokurori ka vendosur që rasti të vijojë në procedurë të rregullt.

Në Graçanicë, policia ka intervistuar dy gra të cilat dyshohen se kanë ushtruar dhunë ndaj një burri. Edhe ky rast, me vendim të prokurorisë, po trajtohet në procedurë të rregullt.

Një burrë është arrestuar në Kamenicë nën dyshimin për dhunë në familje. Me urdhër të prokurorit, i dyshuari është dërguar menjëherë në mbajtje.

Në Pejë është raportuar për një sulm fizik dhe kanosje ndaj një gruaje, e cila ka refuzuar ndihmën mjekësore. I dyshuari aktualisht ndodhet në kërkim policor derisa prokuroria është njoftuar për detajet e rastit.

Lajmet

Arrestohen tre persona për armëmbajtje pa leje

Published

11 minutes ago

April 1, 2026

UBTNews

Në raportin e fundit njëditor të Policisë së Kosovës janë raportuar disa raste të armëmbajtjes pa leje që kanë çuar në arrestimin e tre personave në qytete të ndryshme.

Rasti i parë është regjistruar në rrugën “Zahir Pajaziti” në Podujevë, ku pas mesnatës është arrestuar një burrë pasi gjatë kontrollit i është gjetur dhe konfiskuar një mjet i mprehtë-thikë, ndërsa po ashtu në Lipjan, gjatë mesditës, policia ka ndaluar një person tjetër në veturën e të cilit u gjet dhe u sekuestrua një pistoletë me një fishek.

Për të dyja këto raste, prokurori ka vendosur që të dyshuarit të lirohen në procedurë të rregullt pas intervistimit.

Ndërkohë, në rrugën “Enver Zymberi” në Prishtinë, policia ka arrestuar një të dyshuar pasi i janë gjetur 15 fishekë të armës me gas, me ç’rast është ushtruar kontroll edhe në shtëpinë e tij, ndonëse aty nuk është gjetur asgjë e dyshimtë.

Vendi

Shuhet ëndrra e Kosovës për Botëror, Turqia fiton minimalisht

Published

10 hours ago

March 31, 2026

UBTNews

Kombëtarja e Kosovës ka pësuar humbje me rezultat 0-1 ndaj Turqisë duke i dhënë fund shpresave për kualifikim në Kampionatin Botëror.

Golin e vetëm të ndeshjes e realizoi Kerem Aktürkoğlu në minutën e 53-të, një gol që rezultoi vendimtar për fatin e takimit.

Kosova pati përpjekje gjatë gjithë ndeshjes për të barazuar rezultatin, por pa arritur të konkretizojë rastet e krijuara. Në minutat shtesë, loja u tensionua edhe më shumë, ku pati kartonë të verdhë dhe ndërhyrje të shumta nga të dyja skuadrat.

Kjo humbje zyrtarizon eliminimin e Kosovës nga gara për një vend në Botëror, duke shuar kështu një tjetër ëndërr për përfaqësuesen.

Lajmet

Policia e Kosovës shpall masat e shtuara të sigurisë dhe bllokimet e rrugëve për finalen Kosovë-Turqi

Published

17 hours ago

March 31, 2026

UBTNews

Sot, më 31 mars 2026, Prishtina është qendra e vëmendjes sportive botërore, pasi Stadiumi “Fadil Vokrri” do të jetë nikoqir i ndeshjes finale të play-off-it për Kampionatin Botëror “FIFA World Cup 2026” ndërmjet Kosovës dhe Turqisë.

Dueli, i cili fillon në orën 20:45, konsiderohet si një nga ngjarjet më të rëndësishme në historinë e futbollit kosovar, çka ka shtyrë Policinë e Kosovës të ndërmarrë një plan gjithëpërfshirës për rendin dhe sigurinë publike.

Për të garantuar mbarëvajtjen e kësaj feste sportive, Policia ka njoftuar se do të ketë prani të shtuar të zyrtarëve në stadium, në të gjithë qytetin dhe në tri “Fan Zona” të krijuara enkas për tifozët.

Si pasojë e fluksit të madh dhe lëvizjes së delegacioneve zyrtare, do të ketë bllokime të përkohshme dhe kufizime të qarkullimit në rrugët kryesore të kryeqytetit.

Segmentet më të prekura përfshijnë rrugët “Tring Ismajli”, “Agim Ramadani”, “Eqrem Çabej”, zonën te semaforët kryesorë, Bulevardin “Bill Clinton”, rrethin te Stacioni i Autobusëve, si dhe rrugët “Hekurudhat” e “Tirana” që çojnë drejt stadiumit.

Gjithashtu, kufizime do të ketë në perimetrin rreth stadiumit, përfshirë rrugën “Luan Haradinaj” deri te Ministria e Drejtësisë dhe rrugën “Fehmi Agani”.

Pas përfundimit të ndeshjes, vëmendja do të përqendrohet në rrugët që dërgojnë drejt aeroportit, duke përfshirë lagjen “Arbëria” dhe rrugën “Ahmet Krasniqi”. Policia e Kosovës u bën thirrje të gjithë qytetarëve që të respektojnë udhëzimet e zyrtarëve në terren, të shfrytëzojnë rrugë alternative sa më shumë që të jetë e mundur dhe të kontribuojnë në ruajtjen e qetësisë, duke e cilësuar sigurinë si një përgjegjësi të përbashkët për këtë ngjarje madhore.