Dy yjet e muzikës, Katy Perry dhe Dua Lipa pritet të bashkëpunojnë për një projekt muzikor. Raportohet se Lipa ka refuzuar ofertën e Perryt për të bashkëpunuar në këngën ‘Teary Eyes’, që ishte pjesë e albumit të saj të fundit të incizuar në studio, “Smile”.
Më pas, Dua dëshironte që këngëtarja amerikane të bëhej pjesë e projektit të saj me titull, “Ball & Chain”, këngë kjo e papublikuar e albumit “Future Nostalgia”, por atëkohë, Perry ishte shumë e angazhuar me punë dhe nuk gjeti kohë për ta incizuar pjesën e saj.
Duke folur për gazetën “The Sun”, ky burim shpjegoi se ato janë fanse të njëra-tjetrës dhe mezi po presin t’i bashkojnë forcat.
Ylli nga Kosova së fundmi njoftoi se 50 për qind e albumit të saj të ardhshëm është gati./UBTNews/