Kur pop grupi britanik, Duran Duran bëri debutimin në industrinë muzikore 40 vjet më parë, nuk e dinin se sa gjatë do të mbijetonin në këtë industri. Por pas 40 vjetësh, grupi veçse po fuqizohet, duke publikuar albumin e 15-të me radhë, “Future Past”, album ky që u publikua të premten.
“Asnjëherë s’do ta besonim se do të bënim muzikë pas gjithë asaj kohe. Ne ishim fëmijë që u bashkuam në një grup. (Në) fund të viteve të ’70-ta, kur askush nuk mendonte për një periudhë afatgjate, ne mendonim se a do t’ia dilnim të performonim vitin e ardhshëm?”
Grupi që u krijua nga Taylor dhe tastieristi Nick Rhodes në vitin 1978, arriti famën me hitet sikurse “Girls on Film” dhe “Rio”.
Grupi me këngëtarin kryesor Simon Le Bon dhe bateristin Roger Taylor, ka shitur më shumë se 100 milionë disqe në mbarë botën dhe ka fituar dy çmime Grammy.
Kënga e tyre e re me titull “Anniversary” shënon 40-vjetorin e publikimit të albumit të tyre të parë në vitin 1981.
“‘Anniversary’ është këngë me të cilën ne e festojmë periudhën sa ishim bashkë si grup, por është këngë edhe për të gjithë ata që duan të festojnë”, deklaroi Taylor.
Grupi filloi punën rreth këtij albumi në fund të vitit 2018 dhe punoi rreth tij edhe në vitin 2019. Por pandemia COVID-19 i shtyu ata ta ndalin punën për dhjetë muaj./UBTNews