Sam Ryder do të përfaqësojë Mbretërinë e Bashkuar në Eurovizionin e këtij viti në Torino të Italisë, përcjell UBT News.
Ai është një nga këngëtarët më të ndjekur në Mbretërinë e Bashkuar në TikTok, me 12 milionë fansa në aplikacion dhe do të performojë këngën e tij “Space Man” në finalen e madhe të majit.
“Unë e dua Eurovizionin. Mendoj se është një privilegj të jem në gjendje ta bëj këtë”, tha ai për Radio 1 Newsbeat.
Konkursi i vitit të kaluar në Roterdam u fitua nga grupi rok italian Måneskin.
Sam merr pjesë pas dy vitesh radhazi ku Britania e Madhe u rendit e fundit në Eurovizion.
Hera e fundit që Britania e Madhe u rendit në dhjetëshen më të mirë në një finale në Eurovizion ishte në vitin 2009 me këngën “It’s My Time” nga Jade Ewen.
Për shkak të pushtimit të Ukrainës, Rusia është ndaluar nga konkursi i këtij viti nga producentët e shfaqjes, Unioni Evropian i Transmetuesve (EBU)./UBTNews/