Charlie Watts, djali modest i një shoferi kamioni, i cili fitoi famë si baterist i grupit “Rolling Stones”, ka vdekur në moshën 80-vjeçare.
“Me dhimbje të thellë ju njoftojmë për vdekjen e të dashurit tonë Charlie Watts. Ai vdiq paqësisht në një spital në Londër, i rrethuar nga familja e tij”, deklaroi zëdhënësi i tij të martën në një deklaratë.
Në fillim të këtij muaji, grupi njoftoi se Watts mund të mungojë në turneun “No Filter” të grupit, për shkak të gjendjes së tij shëndetësore.
Watts u bë pjesë e katërshes së vjetër të Stones së bashku me Mick Jagger, Keith Richards dhe Ronnie Wood./UBTNews