Paraqitjes së prezantuesit Trevor Noah në “The Daily Show” i erdhi fundit.
Komediani me origjinë nga Afrika e Jugut i dha lamtumirën shfaqjes televizive të cilën e ka udhëhequr që nga viti 2015, të enjten mbrëma.
Në fund të emisionit, Noah shprehu mirënjohje për publikun që e ndoqi atë për shtatë vite.
“Sinqerisht, dhe më e rëndësishmja, ju jam mirënjohës juve (fansave), secilit prej jush, jam shumë mirënjohës”, deklaroi ai.
Noah, i cili së pari iu bashkua ekipit si bashkëpunëtor në vitin 2014, foli edhe rreth publikut të vogël që e kishte në fillim të ditëve të tij të para, kur ai pasoi Jon Stewartin pas tavolinës së lajmeve./UBTNews/