Të paktën tre persona vdiqën – përfshirë një fëmijë – nga sulmet me raketa në qytetin Dnipro në Ukrainën qendrore sot, sipas kreut të administratës ushtarake rajonale, Valentyn Reznichenko.
“Rusët goditën Dnipron me raketa natën. Ata goditën zonat e banuara. Deri më tani, mësohet se janë tre të vdekur, mes tyre një fëmijë… Pesë persona të tjerë janë plagosur, mes tyre një vajzë 12-vjeçare. Shpëtimtarët e nxorën atë nga shtëpia e shkatërruar, ku ajo po flinte kur një raketë ruse goditi”, tha Reznichenko.
Sulmet dëmtuan “60 shtëpi dhe disa ndërtesa të larta”, duke lënë një pjesë të vogël të banesave “të shkatërruara plotësisht”, shtoi ai.
CNN nuk ka mundur ti verifikojë në mënyrë të pavarur këto pretendime./UBTNews/