Muzikanti Sami Chokri përshkroi tronditjen që ndjeu kur e dëgjoi këngën “Shape Of You” të Ed Sheeran dhe ngjashmëritë me një prej këngëve të tij.
Tekstshkruesi e akuzoi Sheeran dhe bashkautorët e tekstit që ia kopjuan disa pjesë të këngës së tij “Oh Why”.
“Isha pasagjer në veturën e të dashurës sime kur filloi kënga “Shape Of You në radio. Ajo dhe unë u shokuam kur i dëgjuam ngjashmëritë. Ne thamë se ‘kjo është kënga për të cilën po flasin të gjithë’”, deklaroi ai duke iu referuar mesazheve që kanë marrë nga miqtë lidhur me këngën e Sheeran.
Pastaj Chokri shkroi një postim në Facebook duke thënë: “A e njeh dikush tjetër këngën “Shape Of You” të Ed Sheeran?”
“Mora shumë përgjigje, shumë njerëz më pyetën se çfarë të bëjmë”, deklaroi ai tutje.
Chokri dhe bashkautori Ross O’Donoghue akuzuan më pas shkrimtarët e “Shape Of You” – Sheeran, Johnny McDaid dhe Steve Mac – për plagjiaturë të këngës së tyre./UBTNews/