Kori Siparantum çdo ditë e më shumë po na bën krenarë me arritjet e tyre.
Pas disa paraqitjeve të dinjitetshme, ky grup mori pjesë edhe në garat botërore të koreve “Sing for gold” në Spanjë, njofton UBT News.
Kori mori çmimin ‘Medalje të Artë’, dhe këtë njoftim e kanë bërë vetë ata duke publikuar fotografi nga momenti i garës.
“Edhe dy çmime për Kosovën. Medalje e Artë (Golden Medal) dhe Çmimi special për programin kontemporan më të mirë dhe interpretim në skenë, në Sing for Gold – The World Choral Cup, Barcelona, 2024”, ka shkruar Kori “Siparantum” .
Grupi i cili përfaqëson shtetin është në mesin e 34 shteteve pjesëmarrëse nga e gjithë bota.
Përndryshe, kjo garë ka filluar me 23 tetor dhe pritet të mbarojë nesër me 29. /UBTNews/
