Statuja e famshme e Danimarkës “Sirena e Vogël” u zgjua me ngjyra të reja të enjten në mëngjes, teksa guri ku ajo ulet ishte ngjyrosur me një flamur rus, përcjell UBT News.
“Ky është një akt vandalizmi”, tha policia e Kopenhagës, duke konfirmuar se ka nisur një hetim. “Askush nuk është arrestuar deri më tani”, tha policia, duke shtuar se po heton për të dhëna në vendngjarje, sipas mediave daneze.
Fotot e marra në orën 7 të mëngjesit të së enjtes tregojnë gurin e ngjyrosur me flamurin rus.
Si Sirena e Vogël dhe guri ku ajo ulet janë vandalizuar vazhdimisht gjatë viteve. Ajo është lyer me bojë blu dhe një simbol nazist është vizatuar në të vitin e kaluar.
Sirena e Vogël u krijua nga skulptori Edvard Eriksen në vitin 1913 dhe u dha si dhuratë në Kopenhagë nga prodhuesi i birrës Carl Jacobsen. Statuja është një ikonë e Kopenhagës dhe ka qenë një atraksion i madh turistik që nga zbulimi i saj në 1913./UBTNews/