Simon Cowell u pa për herë të parë pasi e theu shpinën në tri vende, pas një aksidenti me biçikletë elektrike.
Javën e kaluar ai e festoi ditëlindjen e 61-të dhe e dashura e tij, Terri Seymor ia organizoi një aheng të dielen.
Simon u dërgua në spital në fillim të gushtit kur ai u rrëzua nga biçikleta elektrike, teksa po e testonte biçikletën në shtëpinë e tij në Malibu.
Qysh kur e theu shpinën, Simonit iu desh të tërhiqet nga shfaqjet e tij televizive, Britain’s Got Talent dhe America’s Got Talent, meqë i duhet kohë për tu shëruar. Ai shpresonte se do të shërohej dhe do ta xhironte edicionin special të BGT, por së fundi u bë e ditur se u detyrua të tërhiqet.
Burimet bëjnë të ditur se ai e ka të pamundur të udhëtojë nga Los Angeles në Britani të Madhe për ta xhiruar edicionin special, pasi e theu shpinën në një aksident me biçikletë./UBTNews