Personaliteti televiziv, Simon Cowell, i cili shpeshherë i merr meritat për krijimin e grupit “One Direction”, po synon t’i ribashkojë ata.
Në një intervistë për Mirror Online, ai tha se ribashkimi i këngëtarëve është i mundur në të ardhmen.
“Mendoj se mund të ndodhë. Nëse ribashkohen, qoftë për këngë të reja apo turne, do të ishte gjëja më e mrekullueshme. Besoj se kjo duhet të ndodhë, definitivisht. Do të doja që kjo të ndodhte. Edhe fansat, gjithashtu, do të donin që kjo të ndodhte”, deklaroi ai.
Në vitin 2015, anëtarët e grupit thanë se do të bënin një pushim, vetëm disa muaj pasi Zayn Malik ndau rrugët me katër anëtarët e tjerë të grupit, Harry Styles, Louis Tomlinson, Niall Horan dhe Liam Payne./UBTNews