Nga Ximena N. Beltran Quan Kiu
Javën e kaluar, Shakira i bëri ish-yllit të saj të futbollit Gerard Piqué, atë që çdo person që është keqtrajtuar dhe nënvlerësuar nga partneri dëshiron të bëjë. Ajo e rrëzoi egon e tij dhe gjatë procesit i kujtoi vetes – dhe botës – se çfarë është në gjendje të bëjë.
Brenda 24 orëve, “BZRP Music Session #53”, kënga e saj e fundit, arriti 63 milionë shikime në YouTube. Balada tërheqëse e pop-it është një tjetër këngë që iu shtua listës së këngëve të ndarjes, por realisht është më shumë se një diss për ish-partnerin e saj dhe babanë e dy fëmijëve të saj. Përmes këngës ajo përçoi një deklaratë domethënëse kundër ish-partnerit, duke refuzuar kështu të mbajë turpin që lidhen me përfundimin e marrëdhënies së tyre.
Por aty qëndron fërkimi. Jo të gjithë janë dakord me qasjen e saj. Titujt rreth këngës së saj të jashtëzakonshme kanë marrë një ton seksist duke e quajtur sjelljen e saj “të ulët” dhe duke e cilësuar këngën një “hit hakmarrjeje”. Përdoruesit në rrjete sociale po pyesin nëse Shakira theu një rregull të pashkruar mes grave duke tërhequr zvarrë flakën e re të ish-it të saj. Megjithatë ka edhe prej atyre që janë të lumtur që e panë këtë dramë.
Ne kemi dëgjuar stigmatizimin e grave që përjetojnë këso dhimbje. Rast i njohur është Taylor Swift. Në një intervistë të vitit 2014, Swift iu përgjigj kritikave se ajo përfiton nga ish-ët e saj.
“Do të ketë njerëz që do të thonë: “Oh, e dini, ajo thjesht shkruan këngë për ish të dashurit e saj”, tha këngëtarja. “Dhe unë mendoj sinqerisht se ky është një kënd shumë seksist. Askush nuk e thotë këtë për Ed Sheeran. Askush nuk e thotë këtë për Bruno Marsin. Ata të gjithë po shkruajnë këngë për ish-et e tyre, të dashurat e tyre aktuale, jetën e tyre të dashurisë dhe askush nuk e ngre flamurin e kuq atje”.
Dhe ajo ka të drejtë. Vetëm shikoni Bad Bunnyn. Albumi i tij në gjuhën spanjolle “Un Verano Sin Ti”, theu rekord pas rekord dhe i dha atij vendin e parë për albumin e vitit në Billboard. Titulli i përkthyer do të thotë “Një verë pa ty”, një temë emocionale që u shfaq pikërisht në titull dhe përsëritet në shumicën e 23 këngëve të tij. E megjithatë në internet nuk mund të gjesh kritika për këngëtarin portorikan, e as në lidhje me atë se fiton nga jeta e tij e dashurisë. Madje përkundrazi, gjenialiteti dhe krijimtaria e tij duartrokiten.
Për të kuptuar me të vërtetë mesazhin e këngës, duhet ta shihni bashkë me videon, ku gjuha e trupit të Shakirës shton një shtresë tjetër kompleksiteti.
Kjo këngë mund të jetë bërë si një akt mbijetese – ajo e quan atë “katartike” dhe këndon se duhet të “zhbëjë” dhimbjen e saj, por nuk bën të mohohet fakti se me këtë këngë ajo fitoi para dhe se i tregon botës se ajo është emër i njohur në industri. Por duke qenë kaq e hapur për atë që po kalon, ajo ka hyrë në fuqinë e saj dhe po triumfon. Ajo ka refuzuar pritshmëritë dhe presionet shoqërore për t’u sjellë në një mënyrë të caktuar ndërsa një marrëdhënie afatgjatë i erdhi fundi.
Si një grua, që dikur partneri i saj i jetës u bë ish-i i saj – është një kujtim i dhimbshëm i asaj që ndodh kur pranoni më pak sesa vleni – Shakira po ua kujton të tjerëve një të vërtetë universale. Nuk ka asnjë libër lojërash për momentet më të këqija në jetën tuaj. Shansat janë të mëdha që të kritikoheni nga dikush për çdo gjë që bëni ndërsa shëroheni, kështu që mund të bëni edhe atë që ju duket e drejtë./UBTNews/