Gjiganti anglez, Manchester United ka prezantuar sot trajnerin e tyre të ri të përkohshëm, gjermanin Ralf Rangnick.
Pas shkarkimit të Ole Gunnar Solskjaer, krerët e “Djajve të Kuq” e emëruan ndihmësin Michael Carrick në detyrën e trajnerit të përkohshëm, derisa të arrijnë marrëveshje me Ralf Rangnick.
Kurse sot, Manchester United prezantoi gjermanin Rangnick si trajnerin e tyre të ri, i cili do të jetë në krye të skuadrës deri në fund të këtij sezoni 2021/22.
United dhe Rangnick kanë marrëveshje që ky i fundit të largohet nga pozita e trajnerit në fund të këtij sezoni, dhe të marrë detyrën e konsulentit te gjigandi anglez.