Asdreni me figurën shumë dimensionale të tij si poet, erudit apo atdhetar këtë muaj përkujtohet për 153 vjetorin e lindjes.
Emrin e tij e lidhim në mënyrë të menjëhershme me himin kombëtar dhe me sferën letrare ku Asdreni mbetet një pikë shumë e fuqishme.
Aleksandër Stavre Drenova shquhet për idilizmin në paraqitjen e jetës fshatare, ka fjalë simpatie vezulluese për bujqit mediates.
Mendohet se tek poezia e tij në fillim reflektohet një kalim romanticizmi në realizëm, i ndikuar nga Emil Zola.
Poezia e tij u shkri që nga faza e fundit e Rilindjes deri në periudhën e Pavarësisë. Poeti pati një jetë të gjatë krijuese, rreth dyzet vjet.
Në lirikën poetike Asdreni u rikthehet të gjitha temave të poezisë së Rilindjes, u jep frymë më të hapur kushtruese, jo më kot ai lëvron llojet e himnit dhe të marrshit. Të njohura janë vjershat “Betimi mbi flamur” (1907) që pas vitit 1912 u bë dhe është Himni Kombëtar, vjersha “Përpara”, që dallohen nga një stil patetiko-oratorik, i cili shpreh një patos të zjarrtë të brendshëm.
Vargjet e shumta dhe dinamike dhe njëkohësisht të thjeshta, kanë një forcë komunikuese të veçantë.
Adreni u nda nga jeta në 1947 në Rumani.