Këngëtari Justin Bieber performoi në “Jeddah Corniche Circuit” në Arabinë Saudite të dielën, pavarësisht thirrjeve për bojkot. Para dy javësh, e fejuara e gazetarit të vrarë, Jamal Khashoggi, ishte në mesin e personave të shumtë që i kanë bërë thirrje këngëtarit Justin Bieber që ta anulojë koncertin në Arabinë Saudite.
Gruaja e këngëtarit Bieber, Hailey Baldwin publikoi një fotografi nga koncerti i tij në Instagram, të cilën e shoqëroi me mbishkrimin “Suksese zemër”, duke i dalë në mbështetje bashkëshortit të saj, që u përball me kërkesa të shumta që të tërhiqet nga koncerti.
Përveç tij, në skenë performuan edhe A$AP Rocky, Jason Derulo, David Guetta dhe Tiesto./UBTNews