Regjisori i njohur Pedro Almodóvar shfaqi të kaluarën tragjike të Spanjës në filmin e tij “Parallel Mothers”, duke trajtuar hijen e fashizmit të varur mbi atdheun e tij.
Regjisori tregoi se para filmit “Parallel Mothers” filmi politik që kishte bërë ishte “Live Flesh”, teksa e përshkroi paksa edhe qëllimin e filmit.
“Victor kishte lindur në një natë të errët dhe të vetmuar në një autobus në vitin 1970, ndërsa fëmija i tij 20 vjet më vonë, lindi në një qytet ku rrugët janë të mbushura me njerëz dhe të lumtur. Për herë të parë, doja të jem shumë i qartë duke thënë se çfarë do të thotë për ne të jetojmë në një demokraci, sepse gjithçka ndryshoi – mbi të gjitha, për të rinjtë”.
Më pas ai jepi disa sqarime edhe për filmin “Parallel Mothers” i cili pas lansimit kishte nxitur disa diskutime.
“Doja të flisja për varret masive [ku ishin zbuluar viktimat e Frankos]. Është një borxh që shoqëria spanjolle ka me viktimat dhe familjet. Doja t’i jepja dukshmëri një problemi që shumë njerëz e harruan. Brezi i ri nuk e di se për çfarë po flas, sepse ata nuk kanë kujtime nga periudha e Frankos”.
Regjisori u shpreh se e sheh vendin e tij, respektivisht Spanjën, si “të ndarë”.
“Jam përpjekur t’u them të rinjve se duhet të kemi kujtime nga e kaluara dhe të mos përsërisim të njëjtat gabime”.
“Gjysmës së vendit që është konservatore, nuk i pëlqen filmi” shtoi ai. “Atyre nuk u pëlqen që dikush si unë po e kujton atë periudhë, që varrezat masive janë ende aty, që familjet kërkojnë me dëshpërim identifikimin e viktimave. Ata mendojnë se kjo periudhë ka përfunduar. Por unë mendoj se nuk ka përfunduar – jo derisa të gjejmë një zgjidhje”./UBTNews/