Reperi i mirënjohur shqiptar, Capital T, vitin e kaluar ka mbajtur një koncert në sheshin “Nënë Tereza” në Tiranë, ku ka mbledhur mijëra fansa. “Time Capsule” ishte motoja e këtij koncerti, që reperi e kujton me shumë mall.
Koncertin e tij ka vendosur ta paraqesë në një dokumentar, një pjesë të së cilit e ka publikuar në Instagram.
“Sot një vit më parë ishim bashkë duke udhëtuar me Time Capsule nga sheshi Nënë Tereza. E sot në ora 20:20, mund të përjetojmë sërish të njëjtat emocione duke ndjekur koncertin e plotë në kanalin tim”, ka shkruar ai krahas mbishkrimit të videos.
Reperi ka njoftuar se këtë koncert do ta vazhdojë edhe në vende të tjera./UBTNews