Kombëtarja e Suedisë ka siguruar kualifikimin në EURO 2025 pas një fitoreje të thellë 6-0 ndaj Serbisë në ndeshjen e dytë të play-offit për kualifikim, që u luajt sonte. Ky rezultat ka mbyllur gjithsej me një fitore të përgjithshme prej 8-0, pasi Suedia kishte fituar edhe ndeshjen e parë të zhvilluar më 28 nëntor me rezultatin 2-0.
Fitorja e kësaj nate i ka siguruar kombëtares suedeze biletën për Kampionatin Europian të Futbollit për Femra 2025, që do të zhvillohet në Zvicër.
Një nga momentet kyçe të ndeshjes ishte goli i shënuar nga futbollistja me prejardhje shqiptare, Kosovare Asllani. Ajo shënoi një gol të bukur në minutën e 19-të të takimit, duke i dhënë një epërsi të fuqishme ekipit të saj. Asllani, një nga yjet e ekipit suedez, ka qenë një figurë e rëndësishme gjatë gjithë fushatës kualifikuese dhe shënoi një nga golat që siguroi një fitore të shkëlqyer për Suedinë.
Kjo fitore e thellë jo vetëm që siguroi kalimin e Suedisë në EURO 2025, por gjithashtu e vë kombëtaren suedeze në një pozicion të fortë për të konkurruar në turneun e ardhshëm. Pas një rrugëtimi të suksesshëm në fazën kualifikuese, Suedia do të synojë të tregojë forcën e saj në Europianin që do të mbahet në Zvicër vitin e ardhshëm./UBTNews/
