Në Greqi në ditët në vijim priten temperatura jashtëzakonisht të larta për muajin maj.
Siç njoftoi Enti Meteorologjik, të enjten, termometrat duhet të tregojnë vlera rreth 37 gradë Celsius, sidomos në Greqinë perëndimore dhe qendrore. Rreth 35 gradë priten edhe në ishujt e Detit Egje.
Minivala e të nxehtit pritet të zgjasë deri në fundjavë. Nga e diela e tutje do të fryjnë erërat veriore dhe temperaturat pritet të zbresin deri në rreth 30 gradë, gjë që është normale për periudhën e vitit, thanë meteorologët në televizionin shtetëror.
Mjekët i këshilluan njerëzit përmes radios të veshin rroba të lirshme dhe të lehta prej pambuku, të pijnë shumë ujë dhe të mos kenë alkool ose pije me sheqer. Kjo vlen sidomos për turistët nga Evropa Veriore, trupave të të cilëve u duhen disa ditë për t’u përshtatur me temperaturat. /UBTNews/