Aktorja argjentinase, Wanda Nara konfirmoi ndarjen nga ylli i Galatasarayt, Mauro Icardi. Ata kaluan një periudhë të vështirë dhe raportohet se u ndanë në tetor të vitit të kaluar.
“Është një moment i dhimbshëm, por duke pasur parasysh ekspozimin tim dhe spekulimet mediatike që po dalin, është më e arsyeshme të dëgjohet nga unë. Nuk kam asgjë për të deklaruar dhe nuk dua të jap asnjë detaj për këtë ndarje. Ju uroj ta na mirëkuptoni, jo vetëm për mua, por edhe për fëmijët tanë”, deklaroi ajo.
Mediat në Itali shkruajnë se çifti u nda pas tetë vjetësh martesë dhe së bashku kanë dy vajza. Muajt e fundit kishte dyshime se dyshja do t’i jepnin fund lidhjes.
Edhe një vit më parë u përfol se ata do të ndaheshin për shkak të raportimeve se Icardi e tradhtoi Wandën, por ata vazhduan lidhjen edhe pse nuk zgjati shumë./UBTNews/