Këngëtarja e njohur, Aaliyah Dana Haughton, vdiq më 25 gusht të vitit 2001, në moshën 22 vjeç në një aksident ajror që mori jetën e saj edhe tetë të tjerëve ndërsa po ktheheshin nga xhirimi i videoklipit të saj muzikor në Karaibe, transmeton UBT News.
Fansat janë ankuar prej kohësh për mungesën e disponueshmërisë së muzikës së saj. Katalogu i saj tani po ribotohet për herë të parë ndër vite që të jetë i disponueshëm në platformat e transmetimit përmes partneritetit me Blackground Records 2.0 dhe EMPIRE.
E gjitha po ndodh në sfondin e një beteje për të kontrolluar trashëgiminë e saj, përcjell UBT News.
Blackground Records, i cili publikoi shumicën e muzikës së Aaliyah, ishte në pronësi të xhaxhait të këngëtares së ndjerë dhe ish menaxherit, Barry Hankerson, i cili gjithashtu mbikëqyr Blackground Records 2.0.
Faqja e cila kujdeset për trashëgiminë e këngëtares së fundmi ndau një deklaratë në llogarinë e tyre të verifikuar në Twitter e cila filloi si vijon: “Mbrojtja e trashëgimisë së Aaliyah është, dhe do të jetë gjithmonë, fokusi ynë”.
#IStandWithAaliyah pic.twitter.com/Q2zgAvRAgX
— Aaliyah (@AaliyahHaughton) August 5, 2021
“Për 20 vjet ne kemi luftuar prapa skenave, duke duruar taktikat e errëta të mashtrimit me projekte të paautorizuara që synojnë të njollosin. Ne kemi qenë gjithmonë të hutuar se pse ka një këmbëngulje të tillë për të shkaktuar më shumë dhimbje krahas asaj me të cilën tashmë duhet të përballemi për pjesën tjetër të jetës sonë.
Kjo përpjekje e paskrupullt për të lëshuar muzikën e Aaliyah pa ndonjë transparencë ose llogari të plotë në pronë na detyron zemrat tona të shprehim një fjalë – falje”, vazhdoi deklarata.
Aaliyah u bë e njohur në vitet 1990 me disa hite duke përfshirë “Back & Forth”, “Are You That Somebody?” dhe “Rock The Boat”.
“One In A Million” ishte albumi i saj i dytë dhe përmbante muzikë me bashkëpunëtorët e saj të vjetër, Missy Elliott dhe Timbaland si dhe reperin Slick Rick dhe të tjerë.
Në festimin e katalogut të Aaliyah që vjen në platformë, Spotify përditësoi playlist-en “This Is Aaliyah”.