Miley Cyrus është bërë zyrtarisht artistja e parë femër ku çdo këngë e albumit të saj “Plastic Hearts” ka arritur të jetë numër 1 në listat e iTunes në mbarë botën.
Ky album përmban hite si “Midnight Sky”, “Prisoner” dhe “Angels like You”. Albumi debutoi në vendin e dytë në tabelën Billboard 200 dhe vazhdon të ketë sukses në iTunes.
Arritja e Miley-t nënkupton se çdo këngë nga ky album ka arritur në vendin e parë në listën e iTunes, në vende të ndryshme të botës. Për shembull, ndërsa “Midnight Sky” mund të ketë qenë numri 1 në Amerikë, “Prisoner” mund të ketë qenë numri 1 në Kanada. Por në përgjithësi, çdo këngë nga ky album ka zënë vendin e parë në tabelën iTunes në të paktën një vend.
Plastic Hearts ishte publikimi i fundit i Cyrus me RCA. Ky album ishte i ndryshëm nga publikimet e saj të mëparshme sepse bazohej kryesisht në zhanret e rock dhe pop. Të ftuar të njohur në këtë album janë Dua Lipa, Billy Idol, Stevie Nicks dhe Joan Jett./UBTNews/