Kylian Mbappe ka lëshuar tani një deklaratë duke konfirmuar spekulimet se ai nuk do ta aktivizojë opsionin për ta rinovuar kontratën te Paris Saint-Germain edhe për një vit tjetër.
Mbappe e ka konfirmuar që nuk do ta nënshkruajë një marrëveshje të re me PSG-në, ndërsa zbuloi se bordi i klubit ka qenë i informuar për këtë gjë që nga 15 korriku i vitit 2022.
“Unë nuk kam diskutuar kurrë për një rinovim të kontratën mes PSG. Bordi ka qenë i informuar që nga 15 korriku i vitit 2022 për vendimin tim për mos ta vazhduar kontratën pas vitit 2024, dhe letra që është dërguar ishte vetëm për t’ua konfirmuar atyre atë se çfarë ua kam thënë”, tha Mbappe.
Në anën tjetër, pozita e PSG është e qartë. Mbappe ose duhet të rinovojë kontratën tani, ose të largohet këtë verë nga klubi, jo si lojtar i lirë në qershor të vitit 2024.