Aktori i njohur, Matthew Perry, i cili njihet gjerësisht për rolin e tij si Chandler, ka zbuluar së fundmi arsyen pse refuzon të shikoj serialin ‘Friends’.
“Unë nuk mund ta shikoj shfaqjen, sepse isha brutalisht i dobët dhe i varur nga substancat”, tha aktori për Tom Power të Radios CBC.
Perry, i cili luajti në serial për rreth 10 vjet, shpjegoi se ai është në gjendje të dallojë cilën substancë po përdorte atëkohë.
“Unë mund ta vëreja sezonë pas sezoni nga mënyra se si dukesha. Nuk mendoj se dikush tjetër mund ta bëjë këtë por sigurisht që unë mundem”, tregoi ai. “Kjo është arsyeja pse nuk dua ta shikoj sepse kjo është ajo që vërej kur e shikoj”.
Kjo nuk është hera e parë që aktori ka folur për betejën e tij me substancat narkotike.
Ai poashtu ka përmendur kontributin e miqve të tij të shfaqjes, të cilat i dhanë mbështetje gjatë gjithë shfaqjes, dhe sipas tij, ishin tejet të durueshëm./UBTNews/