Së shpejti, linjë e re hekurudhore 140 kilometra që do të lidhë Greqinë dhe Shqipërinë.
Mediat greke shkruajnë për krijimin e një linje të re hekurudhore me një gjatësi totale prej rreth 130 km, përcjell albinfo.ch.
Kjo linjë është në proces dhe do të lidhë Greqinë me Shqipërinë.
Media greke “Star.gr” raporton se Gazeta Zyrtare e Bashkimit Evropian publikoi Deklaratën e Procedurës së Hapur për Kontratën për zbatimin e vlerësimit dhe përzgjedhjen e investitorit në projekt.
Vlen të theksohet se projekti është pjesë e planit të përbashkët strategjik investimi për lidhjen e Greqisë dhe Shqipërisë përmes linjës hekurudhore nga Krystallopigi (Follorina) në Pogradec me një gjatësi totale prej rreth 130 km.
Nisma është pjesë e projektit ERGOSE, CEO i të cilit Christos Vinis vuri në dukje: “Projekti ka të bëjë me ndërlidhjen e Greqisë me Ballkanin dhe Evropën përmes hekurudhave. Ky është një hap tjetër, vendimtar drejt arritjes së qëllimit kombëtar për ta kthyer Greqinë në një qendër rajonale për sektorin e logjistikës dhe transportit në rajon e më gjerë”.