Uljet dhe ngritjet gjatë karrierës së saj muzikore do të rrëfehen përmes një libri komik. Libri mbi jetën e yllit Tina Turner rrëfen për edukimin e saj në Tenesi, suksesin muzikor, betejat e saj me ish-bashkëshortin Ike Turner dhe ringjalljen e saj të fuqishme.
Publikuesi Darren G.Davis tha në një prononcim se ‘jeta e saj u paraqit përmes dokumentareve, filmave, muzikës, përmes Broadway-it, pse jo edhe përmes një libri komik’.
“Ne besojmë se është e rëndësishme për lexuesit të kenë modele në jetë dhe të mësojnë më shumë për këto krijesa të jashtëzakonshme që i kanë tejkaluar sfidat për të bërë një ndryshim në botë”, deklaroi ai.
Më 26 nëntor, Tina Turner festoi ditëlindjen e 82-të./UBTNews