Asgjë që keni parë në serialin “La Casa de Papel”, për vjedhjen e gjigantëve në Bankën e Spanjës nuk ka qenë e sajuar, e shpikur, apo e pavërtetë.
Për këtë japin garanci producentët dhe vetë “profesori” që ka udhëzuar skenaristët në shkrimin e serialit. Ai quhet Luis Ramon Nunez, është 71 vjeç dhe është inxhinier në pension që jeton në Madrid.
“Producentët thonë se unë jam profesori i vërtetë”, tha ai në një intervistë për “Corriere della Sera”.
Me anë të studimeve dhe të gjithë përllogaritjeve të tij është realizuar një nga vjedhjet më të mëdha të ekranizuara të faqes. Producentët e kanë kontaktuar për t’i marrë një këshillë për Bankën e Spanjës dhe ai gjeti mundësinë për të bërë këtë, në kohë rekord.
Në vetëm 3 orë, inxhinieri studioi kohën dhe fuqinë që duhej për të punuar arin me disa përllogaritje të thjeshta. “Përdora ekuacione që përdorin shumë studentë”, ka treguar ai.
Kënaqësia e madhe për të është vet fakti që e gjithë bota është magjepsur pas idesë së tij. Seriali “La Casa de Papel” ishte shfaqja më e njohur në Netflix dhjetorin e vitit 2021./lapsi.al