Besa Famgas, Prishtina, Kastrioti dhe Deçani janë katër skuadrat të cilat do ta vazhdojnë garën drejt finales së Kupës së Kosovës në hendboll në kategorinë e meshkujve.
Në kuadër të fazës gjysmëfinale, të dy takimet do të zhvillohen nesër në palestrën “Bill Clinton” në Ferizaj, ku Deçani përballet me Kastriotin kurse Prishtina zhvillon ndeshje kundër Besa Famgas.
Të gjitha këto skuadra janë të vetëdijshme për historinë që qëndron prapa Kupës së Kosovës, e cila është garë me traditë që zhvillohet që nga fillimi i viteve të 70-ta.
DY vitet e kaluara, respektivisht 2020 dhe 2021, Besa Famgas ishte kampione, kurse në vitin 2019 triumfuese ishte Kastrioti i Ferizajit.
Në vitin 2013 fituese e Kupës ishte Prishtina, ndërsa në vitet 2010, 2011 e 2012 Kupës iu gëzua Besa Famiglia.
Ndërkaq, më poshtë mund të gjeni skuadrat fituese të Kupës së Kosovës që nga pavarësimi i sportit kosovar.
2020/21 Besa Famgas
2019/20 Besa Famgas
2018/19 Kastrioti
2017/18 Besa Famgas
2016/17 Besa Famiglia
2015/16 Besa Famiglia
2014/15 Besa Famiglia
2013/14 Besa Famiglia
2012/13 Prishtina
2011/12 Besa Famiglia
2010/11 Besa Famiglia
2009/10 Besa Famiglia
2008/09 Kastrioti
2007/08 Prishtina
2006/07 Kastrioti
2005/06 KastriotI
2004/05 BESA
2003/04 Kastrioti
2002/03 BESA
2001/02 Trepça
2000/01 Prishtina
1999/00 Prizreni
1998/99 (Kupa nuk u zhvillua për shkak të luftës)
1997/98 (Kupa nuk u zhvillua për shkak të luftës)
1996/97 Vëllaznimi
1995/96 BESA
1994/95 Llapi
1993/94 Trepça
1992/93 Prishtina
1991/92 Kastrioti