Kanye West ka publikuar një këngë të re në faqen InfoWars të teoricienit konspirativ Alex Jones të titulluar “Someday We’ll Be All Free”.
Kanë kaluar muaj që kur Ye publikoi muzikë të re. Në mes të polemikave që po çojnë në rënien e tij publike, reperi dhe producenti kontrovers ka zgjedhur të lansojë muzikë.
Në fillim të këngës, ai duket se adreson disa nga polemikat rreth tij. Ndërsa në vargun e dytë, Kanye trajton komentet e tij famëkeqe për popullin hebre, komente këto që janë dënuar nga shumë figura të njohura botërore.
Fundi i këngës përmban një fragment nga intervista e fundit e Kanye me Alex Jones, ku ai shprehu dashurinë për Hitlerin dhe nazistët./UBTNews/