Këngëtari i njohur, Justin Bieber është mbreti i platformës “Spotify”. Sipas TMZ, Bieber është artisti më i dëgjuar i të gjitha kohërave në Spotify, me një mesatare prej më shumë se 83.3 milionë dëgjues mujor.
Kjo është edhe falë albumit të tij të fundit “Justice”, i cili vazhdon të renditet jashtëzakonisht lart në Spotify.
Në vendin e dytë qëndron The Weeknd me 74.5 milionë dëgjues, Ed Sheeran në vendin e tretë me 72.4 milionë dëgjues.
Këtë rekord e mbante dikur Ariana Grande me 82 milionë dëgjues, por tani ka afër 59.8 milionë dëgjues mujor.
Artistja më e dëgjuar femër momentalisht është Dua Lipa, me 65.5 milionë dëgjues mujor, e pas saj renditet Doja Cat, me 60.84 milionë dëgjues mujor./UBTNews