Mauro Icardi mund të ndërrojë sërish skuadër, pasi që sulmuesi argjentinas nuk e ka gjetur veten te Paris Saint Germain dhe ka zëra se mund të rikthehet në Serie A.
Sipas “Calcio Mercato”, Juventusi, Milani dhe AS Roma janë të interesuara për sulmuesin e PSG-së.
Çmimi i Icardit sillet diku rreth 40 milionë euro.
Icardi ka bërë vetëm 20 paraqitje në Ligue 1 për PSG-në sezonin që lamë pas, për shkak të dëmtimeve të shpeshta.
Për dy sezone në Francë, ai ka bërë 61 paraqitje, ka shënuar 33 gola.