Kryetari i AAK-së Ramush Haradinaj ka reaguar ndaj UEFA-së pas publikimit të prezantimit të ‘EURO 2024”, ku mes tjerash paraqitet një hartë në të cilën mungon Kosova, e cila është shfaqur si pjesë e Serbisë.
Përmes një postimi në llogarinë e tij në Facebook, Haradinaj e ka quajtur të papranueshëm dhe diskriminues këtë veprim.
“UEFA duhet ta respektojë Kosovën dhe të ndalojë fyerjet. Harta e paraqitur në prezantimin e EURO2024 është diskriminuese dhe e papranueshme”, ka shkruar Haradinaj.